பட்டதாரி ஆசிரியா் பணித்தகுதிக்கான ஆசிரியா் தகுதித் தோ்வு இரண்டாம் தாள் தோ்வு (‘டெட் 2’) கணினி வழியில் ஜன.31 முதல் பிப்.12-ஆம் தேதி வரை நடைபெற உள்ளது.
இலவச கட்டாயக் கல்வி உரிமைச் சட்டத்தின்படி அனைத்துவித பள்ளிகளிலும் இடைநிலை, பட்டதாரி ஆசிரியா் பணியில் சேர தகுதித்தோ்வில் தோ்ச்சி பெற வேண்டும்.
இந்த டெட் தோ்வு மொத்தம் 2 தாள்களை கொண்டது. முதல் தாளில் தோ்ச்சி பெறுபவா்கள் இடைநிலை ஆசிரியராகவும், 2-ஆம் தாளில் தோ்ச்சி அடைபவா்கள் பட்டதாரி ஆசிரியராகவும் பணிபுரியலாம். தமிழகத்தில் ஆசிரியா் தோ்வு வாரியம் (டிஆா்பி) மூலம் டெட் தோ்வு நடத்தப்படுகிறது.
4 லட்சம் போ் விண்ணப்பம்: அதன்படி 2022-ஆம் ஆண்டுக்கான டெட் தோ்வு அறிவிப்பாணை கடந்த மாா்ச் 7-ஆம் தேதி வெளியிடப்பட்டு இணையவழியில் விண்ணப்பங்கள் பெறப்பட்டன.
அதில் ஆசிரியா் தகுதித் தோ்வு முதல் தாளுக்கு 2 லட்சத்து 30,878 பேரும் மற்றும் 2-ஆம் தாளுக்கு 4 லட்சத்து 1,886 பேரும் விண்ணப்பித்தனா். இந்தமுறை டெட் தோ்வை இருகட்டங்களாக நடத்த முடிவானது. அதன்படி டெட் முதல் தாள் தோ்வு கடந்த அக்டோபா் 16 முதல் 19-ஆம் தேதி வரை கணினி வழியில் நடத்தப்பட்டது. இந்த தோ்வை 1 லட்சத்து 53,023 போ் எழுதினா். அதன் முடிவுகள் டிசம்பா் 7-ஆம் தேதி வெளியிடப்பட்டன. அதில் 21,543 போ்(14%) தோ்ச்சி மட்டுமே தோ்ச்சி பெற்றனா்.
இதையடுத்து 2- ஆம் தாளுக்கான அறிவிப்பை ஆசிரியா் தோ்வு வாரியம் தற்போது வெளியிட்டுள்ளது. அதன்படி டெட் 2-ஆம் தாள் தோ்வை ஜனவரி 31 முதல் பிப்ரவரி 12-ஆம் தேதி வரையான காலகட்டத்தில் கணினி வழியில் நடத்துவதற்கு முடிவு செய்யப்பட்டுள்ளது.
இந்த கணினி வழித் தோ்வெழுத உள்ள பட்டதாரிகள் தோ்வுக்கு 15 நாள்கள்முன் http://trb.tn.nic.in என்ற இணையதளம் வழியாக பயிற்சி மேற்கொள்ளலாம். விரிவான தோ்வுக்கால அட்டவணை, தோ்வுக்கூட நுழைவுச் சீட்டு வெளியீடு உள்ளிட்ட விவரங்கள் ஜனவரி 3-ஆவது வாரத்தில் வெளியிடப்படும் எனத் தெரிவிக்கப்பட்டுள்ளது.
No comments:
Post a Comment
நண்பர்களே.. வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.