Breaking

Showing posts with label Yoga and Naturopathy. Show all posts
Showing posts with label Yoga and Naturopathy. Show all posts

Thursday, September 28, 2023

September 28, 2023

இளநிலை யோகா படிப்பு இரண்டாம் கட்ட கலந்தாய்வு



இளநிலை யோகா படிப்பு இரண்டாம் கட்ட கலந்தாய்வு

இந்திய மருத்துவம் மற்றும் ஓமியோபதி துறையின் கீழ், சென்னை அரும்பாக்கத்திலும், செங்கல்பட்டிலும், அரசு யோகா மற்றும் இயற்கை மருத்துவ கல்லுாரிகள் உள்ளன.

அதேபோல, 17 தனியார் கல்லுாரிகளும் உள்ளன. அரசு கல்லுாரிகளில், 160 இடங்களும், தனியார் கல்லுாரிகளில், 1,500 இடங்களும் உள்ளன. அவற்றில், 960 இடங்கள் மாநில அரசுக்கும், 540 இடங்கள் நிர்வாகத்துக்கும் ஒதுக்கப்பட்டுள்ளன.

இந்த இடங்களில், ஐந்தரை ஆண்டு கால யோகா, இயற்கை மருத்துவ படிப்பான பி.என்.ஒய்.எஸ்.,க்கான கலந்தாய்வு சமீபத்தில் நடந்தது. அதில், அரசு கல்லுாரிகளுக்கான அனைத்து இடங்களும் நிரம்பின.

தனியார் கல்லுாரிகளில் உள்ள அரசு ஒதுக்கீட்டு இடங்களில், 125ம், நிர்வாக ஒதுக்கீட்டில், 187 இடங்களும் காலியாக உள்ளன. அவற்றை நிரப்பும் வகையில், அடுத்த வாரம் இரண்டாம் கட்ட கலந்தாய்வு நடக்க உள்ளது

Friday, September 15, 2023

September 15, 2023

யோகா மற்றும் இயற்கை மருத்துவ படிப்பில் அரசு ஒதுக்கீட்டில், 125 இடங்கள் காலி!

யோகா மருத்துவம்: 125 இடங்கள் காலி

யோகா மற்றும் இயற்கை மருத்துவ படிப்பில் அரசு ஒதுக்கீட்டில், 125 இடங்கள் காலியாக உள்ளன.

இந்திய மருத்துவம் மற்றும் ஹோமியோபதி துறையில், யோகா மற்றும் இயற்கை மருத்துவ படிப்புக்கு அரசு மற்றும் சுயநிதி மருத்துவக் கல்லுாரிகளில் அரசு ஒதுக்கீட்டுக்கு, 993 இடங்கள்; நிர்வாக ஒதுக்கீட்டுக்கு, 557 இடங்கள் உள்ளன.

இப்படிப்புகளுக்கு, பிளஸ் 2 மதிப்பெண் அடிப்படையிலான முதற்கட்ட மாணவர் சேர்க்கை நடந்து முடிந்துள்ளது. இதில், 125 இடங்கள் நிரம்பாமல் உள்ளன. தற்போது நிர்வாக ஒதுக்கீட்டுக்கான சேர்க்கை நடந்து வருகிறது.

இதில், நிரம்பாமல் போகும் இடங்கள் மற்றும் அரசு ஒதுக்கீட்டில் உள்ள, 125 இடங்களுக்கான இரண்டாம் கட்ட சேர்க்கை விரைவில் நடைபெறும் என்று தெரிவிக்கப்பட்டுள்ளது.

இப்படிப்புக்கு, 'நீட்' தேர்வு இல்லாததால், பிளஸ் 2 படித்த மாணவர்கள் சேர முடியும் என, தேர்வுக்குழு அதிகாரிகள் தெரிவித்தனர்.

Sunday, September 03, 2023

September 03, 2023

யோகா மருத்துவ படிப்பு கவுன்சிலிங் துவங்கும் தேதி அறிவிப்பு!

யோகா மருத்துவ படிப்பு 11ல் கவுன்சிலிங் துவக்கம்

இந்திய மருத்துவம் மற்றும் ஓமியோபதி துறையின் கீழ், யோகா மற்றும் இயற்கை மருத்துவ படிப்புகளுக்கு, அரசு ஒதுக்கீட்டில் 960 இடங்களும், நிர்வாக ஒதக்கீட்டில் 540 இடங்களும் உள்ளன.

பிளஸ் 2 மதிப்பெண் அடிப்படையில் நடக்கும் மாணவர் சேர்க்கைக்கு, 2,783 பேர் விண்ணப்பித்துள்ளனர். இதில், அரசு ஒதுக்கீட்டு இடங்களுக்கு, 1,990 பேர்; நிர்வாக ஒதுக்கீட்டுக்கு, 723 பேரின் விண்ணப்பங்கள் ஏற்கப்பட்டன.இதற்கான தரவரிசை பட்டியலை, மக்கள் நல்வாழ்வு துறை அமைச்சர் சுப்பிரமணியன், நேற்று வெளியிட்டார்.

மாணவர் சேர்க்கை கவுன்சிலிங், வரும் 11ம் தேதி காலை 7:00 மணியளவில், சென்னை, அரும்பாக்கம் சித்தா மருத்துவமனை வளாகத்தில் துவங்கி, 13ம் தேதி வரை நடக்கிறது. தொடர்ந்து, 14ம் தேதி, நிர்வாக ஒதுக்கீட்டுக்கு மாணவர் சேர்க்கை நடக்க உள்ளது.

எம்.எல்.ஏ.,வுக்கு லேசான காயம்!இந்த நிகழ்ச்சியில், அண்ணா நகர் தொகுதி எம்.எல்.ஏ., மோகன் பங்கேற்றார். அப்போது, நிகழ்ச்சி முடித்து படிக்கட்டில் கீழே இறங்கி வந்தபோது, கால் இடறி கீழே விழுந்தார். இதில், அவருக்கு லேசான காயம் ஏற்பட்டது.

Tuesday, August 15, 2023

August 15, 2023

யோகா-இயற்கை மருத்துவப் படிப்புக்கு விண்ணப்பித்துள்ளோர் எண்ணிக்கை

யோகா-இயற்கை மருத்துவப் படிப்பு: 2,700 போ் விண்ணப்பம்

இளநிலை யோகா மற்றும் இயற்கை மருத்துவப் படிப்புகளுக்கு நிகழாண்டில் 2,700-க்கும் மேற்பட்டோா் விண்ணப்பித்திருப்பதாக இந்திய மருத்துவத் துறை அதிகாரிகள் தெரிவித்துள்ளனா்.

இந்திய மருத்துவம் மற்றும் ஹோமியோபதி துறையின் கீழ் தமிழகத்தில் அரும்பாக்கத்திலும், செங்கல்பட்டிலும் அரசு யோகா மற்றும் இயற்கை மருத்துவக் கல்லூரிகள் உள்ளன. அவ்விரு கல்லூரிகளிலும் 160 இளநிலை யோகா-இயற்கை மருத்துவ (பிஎன்ஒய்எஸ்) இடங்கள் உள்ளன. இவை தவிர, 17 தனியாா் கல்லூரிகளில் அரசு ஒதுக்கீட்டுக்கு 993 இளநிலை இடங்களும், நிா்வாக ஒதுக்கீட்டுக்கு 557 இடங்களும் உள்ளன. மொத்தமுள்ள 1,710 இளநிலை யோகா-இயற்கை மருத்துவ இடங்களும் ஒவ்வோா் ஆண்டும் கலந்தாய்வு மூலம் நிரப்பப்படுகின்றன.

பிளஸ்-2 தோ்வு அடிப்படையில் இந்த மாணவா் சோ்க்கை நடத்தப்படுகிறது. நிகழாண்டு மாணவா் சோ்க்கை விண்ணப்ப விநியோகம் கடந்த ஜூலை 30-ஆம் தேதி தொடங்கியது. மக்கள் நல்வாழ்வுத் துறையின் அதிகாரபூா்வ இணையதளத்தில் திங்கள்கிழமை (ஆக.14) மாலை 5 மணி வரை விண்ணப்பத்தை பதிவிறக்கம் செய்து கொள்ள அவகாசம் அளிக்கப்பட்டிருந்தது.

அதன்படி, அரசு ஒதுக்கீட்டு இடங்களுக்கு 1,950-க்கும் மேற்பட்ட விண்ணப்பங்களும், நிா்வாக இடங்களுக்கு 750-க்கும் அதிகமான விண்ணப்பங்களும் கிடைக்கப் பெற்றுள்ளதாக இந்திய மருத்துவத் துறை தோ்வுக் குழுச் செயலா் மலா்விழி தெரிவித்தாா்.

அவை பரிசீலனைக்குட்படுத்தப்பட்டு விரைவில் தரவரிசைப் பட்டியலும், கலந்தாய்வு தேதியும் அறிவிக்கப்படும் எனவும் அவா் கூறினாா்.

Monday, August 14, 2023

August 14, 2023

யோகா மருத்துவ படிப்புக்கு விண்ணப்பிக்க இன்றே கடைசி நாள்

யோகா மருத்துவ படிப்புக்கு விண்ணப்பிக்க இன்றே கடைசி நாள்

யோகா மற்றும் இயற்கை மருத்துவ படிப்புகளுக்கு ஜூலை 30-ம் தேதி விண்ணப்ப பதிவு தொடங்கிய நிலையில் ஆகஸ்ட் 14 வரை விண்ணப்பிக்கலாம் என்று அறிவிப்பு வெளியாகி உள்ளது.

எனவே இன்றே கடைசி நாள் ஆகும். யோகா மற்றும் இயற்கை மருத்துவ படிப்பில் சேர விருப்பமுள்ள மாணவர்கள் ஆகஸ்ட் 14ஆம் தேதி மாலை 5.30 மணி வரை விண்ணப்பிக்கலாம்.

மேலும் விண்ணப்பங்களை அரும்பாக்கம் ஹோமியோபதி துறை ஆணையர் அலுவலகத்தில் நேரடியாக அல்லது தபால் மூலமாக சமர்ப்பிக்க வேண்டும். 12ம் வகுப்பு தேர்ச்சி பெற்றிருக்க வேண்டும் எனவும் மேலும் இது குறித்த கூடுதல் தகவல்களுக்கு https://tnhealth.tn.gov.in என்ற இணையதள பக்கத்தை அணுகலாம் என தெரிவிக்கப்பட்டுள்ளது.

Monday, July 31, 2023

July 31, 2023

இளநிலை யோகா, இயற்கை மருத்துவ படிப்புக்கான விண்ணப்பத்தை இன்று முதல் ஆன்லைனில் பதிவிறக்கலாம்



இளநிலை யோகா மற்றும் இயற்கை மருத்துவ படிப்புக்கான விண்ணப்பத்தை இன்றுமுதல் ஆன்லைனில் பதிவிறக்கம் செய்துகொள்ளலாம்.

இந்திய மருத்துவம் மற்றும் ஓமியோபதி துறையின்கீழ் அரும்பாக்கம் அறிஞர் அண்ணா அரசு இந்திய மருத்துவமனை வளாகத்திலும், செங்கல்பட்டிலும் அரசு யோகா மற்றும் இயற்கை மருத்துவக் கல்லூரிகள் உள்ளன. இந்த இரண்டு அரசு கல்லூரிகளில் 160 இடங்கள் உள்ளன. 17 தனியார் கல்லூரிகளில் மொத்தமுள்ள 1,517 இடங்களில் மாநில அரசு ஒதுக்கீட்டுக்கு 960 இடங்கள் இருக்கிறது. நிர்வாக ஒதுக்கீட்டுக்கு 557 இடங்கள் உள்ளன.
ஐந்தரை ஆண்டுகள் கொண்ட யோகா மற்றும் இயற்கை மருத்துவ பட்டப்படிப்புக்கு (பிஎன்ஒய்எஸ்) 2022-23 கல்வி ஆண்டு மாணவர் சேர்க்கைக்கான விண்ணப்ப விநியோகம் இன்று (ஜூலை 30) தொடங்குகிறது.

www.tnhealth.tn.gov.in என்ற சுகாதாரத்துறை இணையதளத்தில் ஆக. 14-ம் தேதிமாலை 5 மணி வரை விண்ணப்பப் படிவம் மற்றும் தகவல் தொகுப்பேட்டினை பதிவிறக்கம் செய்து கொள்ளலாம். பூர்த்தி செய்யப்பட்ட விண்ணப்பத்தை உரிய ஆவணங்களுடன் நேரிலோ தபால் அல்லது கூரியர்மூலமாக ஆக. 14-ம் தேதி மாலை 5.30 மணிக்குள் ‘செயலாளர், தேர்வுக்குழு, இந்திய மருத்துவம் மற்றும் ஓமியோபதித்துறை, சென்னை-600 106’ என்ற முகவரியில் சமர்ப்பிக்க வேண்டும்.

அரசு ஒதுக்கீடு, நிர்வாக ஒதுக்கீடுஇடங்களுக்கு தனித்தனியாக விண்ணப்பிக்க வேண்டும். பிளஸ் 2 மதிப்பெண் அடிப்படையில் மாணவர்சேர்க்கை நடைபெற இருப்பது குறிப்பிடத்தக்கது.இத்தகவல்களை இந்திய மருத்துவம் மற்றும் ஓமியோபதித் துறை தெரிவித்துள்ளது.

Friday, July 28, 2023

July 28, 2023

யோகா, இயற்கை மருத்துவப் படிப்புகளுக்கு விண்ணப்பிக்கும் தேதி அறிவிப்பு!

யோகா, இயற்கை மருத்துவப் படிப்புகளுக்கு விண்ணப்பிக்கும் தேதி அறிவிப்பு!Application Date Notification for Yoga, Naturopathy Courses!

பி.என்.ஒய்.எஸ். யோகா மற்றும் இயற்கை மருத்துவப் படிப்புகளுக்கு நாளை மறுநாள் (ஜூலை 30) முதல் விண்ணப்பிக்கலாம். 2023-2024-ம் கல்வியாண்டில் அரசு மற்றும் சுயநிதி யோகா மற்றும் இயற்கை மருத்துவக் கல்லூரிகளில் உள்ள அரசு & அரசு ஒதுக்கீட்டு இடங்கள் மற்றும் நிர்வாக ஒதுக்கீட்டு இடங்களுக்கான பி.என்.ஒய்.எஸ். யோகா மற்றும் இயற்கை மருத்துவப் படிப்பு (5 ½ ஆண்டுகள்) சேர்க்கைக்கான விண்ணப்பங்கள் தனித்தனியாக தகுதியுள்ளவர்களிடமிருந்து வரவேற்கப்படுகின்றன.

கல்வித்தகுதி : +2.

மேற்கண்ட பட்டப் படிப்புகளுக்கான (விண்ணப்பப் படிவம், தகவல் தொகுப்பேட்டினை, www.tnhealth.tn.gov.in என்ற வலைதளத்தில் பதிவிறக்கம் செய்துகொள்ளலாம். விண்ணப்பப்படிவங்கள் ஆணையரக அலுவலகத்திலோ அல்லது தேர்வுக்குழு அலுவலகத்திலோ அல்லது வேறு எந்த ஆயுஷ்முறை மருத்துவக் கல்லூரிகளிலோ வழங்கப்படமாட்டாது.) மாணவர் சேர்க்கைக்கு விண்ணப்பிக்க தேவையான தகுதிகள், விண்ணப்பக் கட்டணம் மற்றும் பிற கட்டண விவரங்கள்., கலந்தாய்விற்கான அட்டவணை மற்றும் பிற தகவல்களினை www.tnhealth.tn.gov.in என்ற இணையதளத்தில் உள்ள உரிய தகவல் தொகுப்பேட்டில் அறியலாம்.
பூர்த்தி செய்யப்பட்ட விண்ணப்பம். கோரப்பட்டுள்ள அனைத்துச் சான்றிதழ்களின் சுய சான்றொப்பமிட்ட நகல்களையும் இணைத்து செயலாளர், தேர்வுக்குழு, இந்திய மருத்துவம் மற்றும் ஓமியோபதி துறை ஆணையர் அலுவலகம், அறிஞர் அண்ணா அரசினர் இந்திய மருத்துவமனை வளாகம், அரும்பாக்கம், சென்னை-600 106 என்ற முகவரிக்கு 14.08.2023 மாலை 5.30 மணிக்குள் சமர்ப்பித்தல் / வந்து சேர வேண்டும். 30.07.2023 முதல் 14.08.2023 மாலை 5.00 மணி வரை விண்ணப்பப் படிவம் மற்றும் தகவல் தொகுப்பேட்டினைப் பதிவிறக்கம் செய்யலாம்.

Monday, February 13, 2023

February 13, 2023

யோகா-இயற்கை மருத்துவம்: நாளை நேரடி கலந்தாய்வு



யோகா-இயற்கை மருத்துவம்: நாளை நேரடி கலந்தாய்வு Yoga-naturopathy: Live consultation tomorrow

இளநிலை யோகா - இயற்கை மருத்துவப் படிப்பில் சுயநிதிக் கல்லூரிகளில் காலியாக உள்ள இடங்களுக்கான நேரடி கலந்தாய்வு செவ்வாய்க்கிழமை (பிப்.14) நடைபெறுகிறது.

இதுவரை அந்தப் படிப்புக்கு விண்ணப்பிக்காதவா்கள் வரும் 14-ஆம் தேதி காலை 11 மணிக்குள் விண்ணப்பத்தை சமா்ப்பித்து கலந்தாய்வில் பங்கேற்கலாம்.

இந்திய மருத்துவம் மற்றும் ஹோமியோபதி துறையின் கீழ் அரும்பாக்கம் அறிஞா் அண்ணா அரசு இந்திய மருத்துவமனை வளாகத்திலும், செங்கல்பட்டிலும் அரசு யோகா மற்றும் இயற்கை மருத்துவக் கல்லூரிகள் உள்ளன. இவ்விரு அரசு கல்லூரிகளிலும் 160 பிஎன்ஒய்எஸ் இடங்கள் உள்ளன. 17 தனியாா் கல்லூரிகளில் 1,550 இடங்கள் உள்ளன. இந்நிலையில், ஐந்தரை ஆண்டுகள் கொண்ட அந்தப் படிப்புக்கு 2022 - 23-ஆம் கல்வி ஆண்டு மாணவா் சோ்க்கை கலந்தாய்வு கடந்த மாதம் நடைபெற்றது. கலந்தாய்வின் முடிவில் 325 இடங்கள் காலியாக இருந்தன.

இந்நிலையில், கலந்தாய்வில் இடங்கள் ஒதுக்கீடு பெற்ற சிலா் கல்லூரிகளில் சேராததால், தற்போது மாநிலம் முழுவதும் யோகா - இயற்கை மருத்துவப் படிப்புகளில் 413 இடங்கள் காலியாக உள்ளன.

அவற்றுக்கான நேரடி கலந்தாய்வு வரும் 14-ஆம் தேதி பிற்பகலில் அரும்பாக்கம் அறிஞா் அண்ணா இந்திய மருத்துவத் துறை வளாகத்தில் நடைபெறவுள்ளது. முதல் சுற்று மற்றும் சிறப்பு சுற்று கலந்தாய்வுகளில் இடங்கள் பெற்றவா்கள் இதில் பங்கேற்க இயலாது எனத் தெரிவிக்கப்பட்டுள்ளது.

Thursday, February 02, 2023

February 02, 2023

யோகா - இயற்கை மருத்துவப் படிப்பு: சிறப்பு கலந்தாய்வு தேதி அறிவிப்பு



What is yoga and Naturopathy?
Is BNYS possible without NEET?
Is BNYS called a doctor?
Is BNYS a good course?
யோகா - இயற்கை மருத்துவப் படிப்பு: சிறப்பு கலந்தாய்வு தேதி அறிவிப்பு Yoga - Naturopathy Course: Special Consultation Date Notification

யோகா - இயற்கை மருத்துவப் படிப்பு: பிப்ரவரி 7-இல் சிறப்பு கலந்தாய்வு

இளநிலை யோகா மற்றும் இயற்கை மருத்துவப் படிப்புகளுக்கான சிறப்பு கலந்தாய்வு வரும் 7-ஆம் தேதி நடைபெறுகிறது.

முதல் கட்ட கலந்தாய்வில் பங்கேற்று கல்லூரிகளில் இடங்கள் பெற்றவா்கள், அவற்றை மாற்றிக் கொள்வதற்கும், காத்திருப்பில் உள்ளவா்கள் காலியாக உள்ள இடங்களில் சேருவதற்கும் இந்த வாய்ப்பை பயன்படுத்திக் கொள்ளலாம் என இந்திய மருத்துவத் துறை தெரிவித்துள்ளது.

இந்திய மருத்துவம் மற்றும் ஹோமியோபதி துறையின்கீழ் அரும்பாக்கம் அறிஞா் அண்ணா அரசு இந்திய மருத்துவத் துறை வளாகத்திலும், செங்கல்பட்டிலும் அரசு யோகா மற்றும் இயற்கை மருத்துவக் கல்லூரிகள் உள்ளன. இரண்டு அரசு கல்லூரிகளிலும் 160 பிஎன்ஒய்எஸ் இடங்கள் உள்ளன. 17 தனியாா் கல்லூரிகளில் 1,550 இடங்கள் உள்ளன.

ஐந்தரை ஆண்டுகள் கொண்ட அந்தப் படிப்புக்கு 2022 - 23-ஆம் கல்வி ஆண்டு மாணவா் சோ்க்கைக்கான விண்ணப்ப விநியோகம் கடந்த ஆண்டு செப்டம்பா் மாதம் தொடங்கியது.

இணையதளம் வாயிலாக விண்ணப்பத்தை பதிவிறக்கம் செய்து மாணவ மாணவிகள் சமா்ப்பித்தனா். அவை பரிசீலனைக்குட்படுத்தப்பட்டு, தகுதியான 1,766 பேருக்கான தரவரிசைப் பட்டியல் வெளியிடப்பட்டது. இதையடுத்து, மாணவா் சோ்க்கை கலந்தாய்வு கடந்த மாதம் நடைபெற்றது. கலந்தாய்வின் முடிவில் 325 இடங்கள் காலியாக இருந்தன.

இந்நிலையில், கலந்தாய்வில் இடங்கள் ஒதுக்கீடு பெற்ற சிலா் கல்லூரிகளில் சேராததால், தற்போது மாநிலம் முழுவதும் யோகா - இயற்கை மருத்துவப் படிப்புகளில் 421 இடங்கள் காலியாக உள்ளன.

அவற்றுக்கான சிறப்பு கலந்தாய்வு வரும் 7-ஆம் தேதி அரும்பாக்கம் அறிஞா் அண்ணா இந்திய மருத்துவத் துறை வளாகத்தில் நடைபெறவுள்ளது.

முதல் கட்ட கலந்தாய்வில் இடங்கள் பெற்றவா்களும், காத்திருப்பு பட்டியலில் உள்ளவா்களும், இதில் பங்கேற்கலாம் என்றும், தற்போது உள்ள காலி இடங்களில் தகுதியின் அடிப்படையில் சோ்ந்துகொள்ளலாம் என்றும் தெரிவிக்கப்பட்டுள்ளது.

கூடுதல் விவரங்களுக்கு https://tnhealth.tn.gov.in என்ற இணையதள பக்கத்தை அணுகலாம்.

Thursday, September 29, 2022

September 29, 2022

Director Indian Medicine and Homoeopathy - Admission to U.G. Medical Degree Course in BNYS (Yoga and Naturopathy) - PDF

Director Indian Medicine and Homoeopathy - Admission to U.G. Medical Degree Course in BNYS (Yoga and Naturopathy) - PDF
செய்தி வெளியீடு எண்: 1688

நாள்: 27.09.2022

செய்தி வெளியீடு

இந்திய மருத்துவம் மற்றும் ஓமியோபதி இயக்குநரகம், சென்னை தமிழ்நாட்டில் அமைந்துள்ள அரசு மற்றும் சுயநிதி யோகா மற்றும் இயற்கை மருத்துவக் கல்லூரிகளில் 2022-2023-ம் கல்வியாண்டிற்கு பி.என்.ஒய்.எஸ். (B.N.Y.S) மருத்துவப் பட்டப்படிப்பில் சேர்வதற்கு மேல்நிலைப் பள்ளித் தேர்வில் அறிவியல் பாடங்களை எடுத்து தேர்ச்சி பெற்றவர்களிடமிருந்து விண்ணப்பங்கள் வரவேற்கப்படுகின்றன.

விண்ணப்பப் படிவம், தகவல் தொகுப்பேட்டினை, www.tnhealth.tn.gov.in என்ற வலைதளத்தில் பதிவிறக்கம் செய்துகொள்ளலாம். விண்ணப்பப்படிவங்கள் இயக்குநரக அலுவலகத்திலோ அல்லது தேர்வுக்குழு அலுவலகத்திலோ அல்லது வேறு எந்த இடங்களிலோ வழங்கப்படமாட்டாது. மாணவர் சேர்க்கைக்கு விண்ணப்பிக்க தேவையான தகுதிகள், விண்ணப்பக் கட்டணம் மற்றும் பிற கட்டண விவரங்கள், கலந்தாய்விற்கான அட்டவணை மற்றும் பிற விவரங்களுக்கு www.tnhealth.tn.gov.in என்ற இணையதளத்தில் உள்ள தகவல் தொகுப்பேட்டில் அறியலாம். பூர்த்தி செய்யப்பட்ட விண்ணப்பம், கோரப்பட்டுள்ள சான்றிதழ்களின் நகல்களையும் இணைத்து செயலாளர், தேர்வுக்குழு, இந்திய மருத்துவம் மற்றும் ஓமியோபதித் துறை இயக்குநரகம், சென்னை-600 106 என்ற முகவரிக்கு 19.10.2022 மாலை 5.30 மணிக்குள் சமர்ப்பிக்க வேண்டும்.

விண்ணப்பப் படிவம் மற்றும் தகவல் 28.09.2022 முதல் 19.10.2022 | தொகுப்பேட்டினை பதிவிறக்கம் செய்யும் காலம் முடிய மாலை 05.00 மணி வரை |பூர்த்தி செய்யப்பட்ட விண்ணப்பம் தபால் / 19.10.2022 மாலை 05.30 மணி கூரியர் சேவை வாயிலாக சமர்ப்பிக்கவோ வரை அல்லது நேரில் சமர்ப்பிக்கவோ கடைசி நாள்



CLICK HERE TO DOWNLOAD

Total Pageviews

Search This Blog