தொடக்க கல்வி ஆசிரியர் பணிக்கான, டி.எல்.எட்., என்ற தொடக்க கல்வி டிப்ளமா படிப்புக்கான தேர்வுக்கு, வரும், 28ம் தேதி முதல், 'ஹால் டிக்கெட்'டை பதிவிறக்கம் செய்யலாம்.

அரசு தேர்வுத்துறை இயக்குனர் சேதுராம வர்மா வெளியிட்ட செய்திக்குறிப்பு: தொடக்க கல்வி ஆசிரியர் பணிக்கான, டி.எல்.எட்., டிப்ளமா படிப்பின் முதலாம் ஆண்டு தேர்வுகள், ஆக., 8 முதல் 29 வரையிலும்; இரண்டாம் ஆண்டு தேர்வுகள், ஆக., 5 முதல் 26 வரையும் நடைபெறுகின்றன.

இதையும் படிக்க | கலை, அறிவியல் கல்லூரி சேர்க்கை; விண்ணப்பிக்க நாளை கடைசி நாள்

இத்தேர்வுக்கு விண்ணப்பித்துள்ள தனித் தேர்வர்கள், 28ம் தேதி பிற்பகல் 2:00 மணி முதல் ஹால் டிக்கெட்டுகளை, www.dge.tn.gov.in என்ற இணையதளத்தில் பதிவிறக்கம் செய்யலாம்.

தங்களின் விண்ணப்ப எண் மற்றும் பிறந்த தேதி ஆகியவற்றை பதிவு செய்த பிறகே, ஹால் டிக்கெட்டை பதிவிறக்கம் செய்ய முடியும்.இவ்வாறு அதில் கூறப்பட்டுள்ளது.