Notification for Admission to Diploma and Certificate Courses in Medicine - மருத்துவம் சார்ந்த பட்டய படிப்புகள் மற்றும் சான்றிதழ் படிப்புகளில் சேர்வதற்கான அறிவிக்கை

தமிழக அரசின் மருத்துவக்கல்வி மற்றும் ஆராய்ச்சி இயக்ககம், கீழ்பாக்கம், சென்னை- 10-ன் 12.12.2023ம் நாளிட்ட அறிவிக்கையின்படி (தமிழ்நாட்டை சேர்ந்த மாணவர்கள் மட்டும்) 2023-2024-ம் கல்வி ஆண்டிற்கு மருத்துவம் சார்ந்த பட்டய படிப்புகள் மற்றும் சான்றிதழ் படிப்புகளில் சேர்வதற்கான இணையவழி விண்ணப்பங்கள் (Online Application) www.tnhealth.tn & www.tnmedicalselection.net 12.12.2023@12.00 Noon 20.12.2023 மாலை 5.00 மணிவரையில் பதிவு செய்திடலாம் எனவும் அறிவிக்கை வெளியிடப்பட்டுள்ளது.

இதனைத் தொடர்ந்து கிருஷ்ணகிரி அரசு மருத்துவக்கல்லூரி முதல்வர் மரு.எம்.பூவதி,MD(OG) அவர்கள் வெளியிட்ட செய்தி:

மேற்கண்டவாறு பட்டய படிப்பிற்கு 25 இருக்கைகளும் சான்றிதழ் படிப்புகளுக்கு 60 இருக்கைகளும் என மொத்தம் 85 இருக்கைகள் தமிழக அரசால் கிருஷ்ணகிரி அரசு மருத்துவக்கல்லூரிக்கு ஒப்பளிப்பு செய்யப்பட்டுள்ளன. தகுதிவாய்ந்த கிருஷ்ணகிரி மாவட்ட மாணவ/மாணவியர்கள் மேற்கண்ட வாய்ப்பினை பயன்படுத்தி பட்டய/சான்றிதழ் படிப்புகளில் சேர்ந்து பயின்று பலனடையுமாறு கேட்டுக்கொள்ளப்படுகிறது