kaninikkalvi - No 1 Educational Website in Tamil Nadu : YouTube

Saturday, January 20, 2024

YouTube January 20, 2024

சொந்தமாக YouTube channel உருவாக்கி, இணையத்தில் பொருட்களை சந்தைப்படுத்துதல் குறித்து சான்றிதழுடன் கூடிய பயிற்சி வகுப்பு நடத்தும் தமிழ்நாடு அரசு

சொந்தமாக YouTube channel உருவாக்கி, இணையத்தில் பொருட்களை சந்தைப்படுத்துதல் குறித்து சான்றிதழுடன் கூடிய பயிற்சி வகுப்பு நடத்தும் தமிழ்நாடு அரசு

மேலும் தகவல்களுக்கு: editn.in

உங்களது சொந்த யூடியூப் சேனலை உருவாக்குதல் மற்றும் இணையதளத்தில் யூடியூப் சேனலை பயன்படுத்தி உங்கள் தயாரிப்புகளை சந்தைப்படுத்தல் குறித்த மூன்று நாள் பயிற்சி

தமிழக அரசின் தொழில் முனைவோர் மேம்பாடு மற்றும் புத்தாக்க நிறுவனம், சென்னையில், உங்களது சொந்த யூடியூப் சேனலை உருவாக்குதல் மற்றும் இணையதளத்தில் யூடியூப் சேனலை பயன்படுத்தி உங்கள் தயாரிப்புகளை சந்தைப்படுத்தல் குறித்த பயிற்சி வரும் 29.01.2024 முதல் 31.01.2024 தேதி வரை காலை 10.00 மணி முதல் மாலை 5.00 மணி வரை நடைபெற உள்ளது.

இப்பயிற்சியில் யூடியூப் சேனலை உருவாக்குவது எப்படி, வீடியோ மற்றும் ஸ்லைடு ஷோ உருவாக்கம், சமூக ஊடக சந்தைப்படுத்தல், சமூக ஊடகங்களை இணைத்தல், வாடிக்கையாளர் நெட்வொர்க்கை எவ்வாறு அதிகரிப்பது, பயனுள்ள சந்தைப்படுத்தல் மற்றும் ஊக்குவிப்பு ஆன்லைன் மார்க்கெட்டிங் மற்றும் விதிகள் ஆகியவற்றை விரிவாக விளக்கிடும் வகையில் வடிவமைக்கப்பட்டுள்ளது.

இப்பயிற்சியில் ஆர்வமுள்ள தொழில்முனைவோர் (ஆண்/பெண்) 18 வயதுக்கு மேற்பட்ட குறைந்தபட்ச கல்வித் தகுதி 10வது வகுப்புடன் விண்ணப்பிக்கலாம்

இப்பயிற்சி பற்றிய கூடுதல் விவரங்களை பெற விரும்புவோர் www.editn.in என்ற வலைத்தளத்தில் தெரிந்து கொள்ளலாம். மேலும் விவரங்களுக்கு அலுவலக வேலை நாட்களில் (திங்கள் முதல் வெள்ளி வரை) காலை 10 மணி முதல் மாலை 5.45 மணி வரை தொடர்பு கொள்ள வேண்டிய முகவரி மற்றும் தொலைபேசி / கைபேசி எண்கள்.

தமிழ்நாடு தொழில் முனைவோர் மேம்பாடு மற்றும் புத்தாக்க நிறுவனம், சிட்கோ தொழிற்பேட்டை, பார்த்தசாரதி கோயில் தெரு, இடிஐஐ அலுவலக சாலை ஈக்காட்டுத்தாங்கல், சென்னை

600 032.

8668102600/8668100181/7010143022. முன்பதிவு அவசியம்:

sathish 0

Friday, February 24, 2023

YouTube February 24, 2023

YouTubeல் சம்பாதிக்கும் 10ம் வகுப்பு மாணவன்! காவலாளியின் மகனைப் பாராட்டும் பள்ளி!

யூடியூபில் சம்பாதிக்கும் 10ம் வகுப்பு மாணவன்! காவலாளியின் மகனைப் பாராட்டும் பள்ளி!

மும்பையில் 10ஆம் வகுப்பு பயிலும் பள்ளி மாணவன் ஒருவர், யூடியூபில் லட்சக்கணக்கில் மக்களை ஈர்த்து வருவாய் ஈட்டி வருகிறார்.

இரவு காவலாளியாக பணிபுரிந்து வருபவரின் மகன், எந்தவித வசதிகளுமின்றி வருவாய் ஈட்டி, மற்ற மாணவர்களுக்கு எடுத்துக்காட்டாக விளங்குவதாக மும்பை பள்ளிக் கல்வித் துறை பாராட்டியுள்ளது.

மும்பை புறநகர்ப் பகுதியில் வசித்து வருபவர் அங்கித். 10ஆம் வகுப்பு பயிலும் இவரின் தந்தை இரவு நேரக் காவலாளியாக பணிபுரிந்து வருகிறார். மிகவும் ஏழ்மையான குடும்பத்தைச் சேர்ந்த அங்கித், கரோனா பொதுமுடக்ககத்தால் இணையவழி வகுப்புகளுக்காக அவரின் தந்தை ஸ்மார்ட் போன் வாங்கிக்கொடுத்துள்ளார்.

அதில் வகுப்புகளை கவனித்து படித்து வந்த அங்கித், சொந்தமாக யூடியூப் சேனலை ஆரமித்து அதில் தான் விளையாடும் டிஜிட்டல் கேம்ஸ் குறித்து விடியோக்களை பதிவிட்டு வந்துள்ளார்.

இரண்டு ஆண்டுகளில் தற்போது லட்சக்கணக்கான மக்கள் அவரைப் பின்தொடர்கின்றனர். யூடியூபிலிருந்து சில்வர் அங்கீகாரமும் (சில்வர் பட்டன்) கிடைத்துள்ளது. இதன்மூலம் அவரின் குடும்பத்துக்குத் தேவையான வருவாயை அவரே ஈட்டுகிறார்.

ஏழ்மை குடும்பத்தில் பிறந்து எந்தவித உபகரணங்களின் வசதியும் இல்லாமல், யூடியூபில் வருவாய் ஈட்டும் அங்கித், மற்ற மாணவர்களுக்கு எடுத்துக்காட்டாக விளங்குவதாக மும்பை பள்ளிக் கல்வித் துறை பாராட்டியுள்ளது.

மேலும் தனது சுட்டுரைப் பக்கத்தில் மாணவரின் புகைப்படங்களையும் பகிர்ந்து வாழ்த்துகளைத் தெரிவித்துள்ளது.

sathish 0