Breaking

Showing posts with label Certificate of Eligibility. Show all posts
Showing posts with label Certificate of Eligibility. Show all posts

Thursday, February 09, 2023

February 09, 2023

வெளிநாடுகளில் மருத்துவம் பயின்றோா் தகுதிச் சான்றுக்கு மாா்ச் 8-ஆம் தேதி வரை விண்ணப்பிக்கலாம்

வெளிநாடுகளில் மருத்துவம் பயின்றோா் தகுதிச் சான்றுக்கு விண்ணப்பிக்கலாம்

வெளிநாடுகளில் மருத்துவம் பயின்றோருக்கான திறனறித் தோ்வில் பங்கேற்பதற்கான தகுதிச் சான்றிதழுக்கு வியாழக்கிழமை (பிப்.9) முதல் விண்ணப்பிக்கலாம் என தேசிய மருத்துவ ஆணையம் தெரிவித்துள்ளது.

இதுகுறித்து வெளியிடப்பட்ட அறிவிப்பு: வெளிநாடுகளில் மருத்துவப் படிப்பை நிறைவு செய்தவா்கள் இந்தியாவில் மருத்துவ சேவைகளில் ஈடுபட தகுதித் தோ்வில் தோ்ச்சி பெறுவது அவசியம். அந்தத் தோ்வு நிகழாண்டில் வரும் ஜூன் மாதம் நடைபெறும் என எதிா்பாா்க்கப்படுகிறது.

அந்தத் தோ்வில் பங்கேற்பதற்கு தகுதிச் சான்றிதழ் கட்டாயம். அதை தேசிய மருத்துவ ஆணையத்தின் இணையப் பக்கத்தின் வாயிலாக வியாழக்கிழமை (பிப்.9) முதல் மாா்ச் 8-ஆம் தேதி வரை விண்ணப்பிக்கலாம்.

கூடுதல் விவரங்களுக்கு தேசிய மருத்துவ ஆணைய இணையப் பக்கத்தை அணுகலாம்.

Saturday, April 02, 2022

April 02, 2022

தகுதிச் சான்று: கட்டணம் திடீர் உயர்வு

புதுப்பிக்கும் கட்டணம்

கடந்த 15 ஆண்டுகளுக்கு முன் வாங்கிய, வாகனங்களுக்கான தகுதிச் சான்றை புதுப்பிக்கும் கட்டணம், பல மடங்கு உயர்ந்துள்ளது.

சுற்றுச்சூழல் மாசை குறைக்கும் வகையில், பழைய வாகனங்களை அழிக்கும் சட்டத்தை அமல்படுத்தும்படி, மாநில அரசுகளை மத்திய அரசு வலியுறுத்தி வருகிறது. அதை வாகன உரிமையாளர்களும், மாநில அரசுகளும் எதிர்த்து வருகின்றன. இதனால், அந்த சட்டம் இன்னும் நிறைவேற்றப்படவில்லை. தகுதிச் சான்றை புதிப்பிக்க வேண்டும்

இந்நிலையில், 15 ஆண்டுகள் பழமையான வாகனங்களின் தகுதிச் சான்றை புதுப்பிக்கும் கட்டணம், நேற்று முதல் பல மடங்கு அதிகரித்து உள்ளது. அதாவது, வாகனம் வாங்கியது முதல் எட்டாண்டுகள் வரை, இரண்டாண்டுகளுக்கு ஒருமுறை; ஒன்பதாம் ஆண்டில் இருந்து ஒவ்வொரு ஆண்டும் தகுதிச் சான்றை புதிப்பிக்க வேண்டும் என்ற விதி உள்ளது.

இந்நிலையில், 15 ஆண்டுகள் ஆன வாகனங்களுக்கான தகுதிச் சான்று கட்டணம் உயர்த்தப்பட்டு உள்ளது. அதன்படி, இருசக்கர வாகனம், 1,800 ரூபாய்; மூன்று சக்கர வாகனம், 5,000; இலகு ரக வாகனம், 9,100; மத்திய ரக வாகனம், 14 ஆயிரத்து 300; கன ரக வாகனங்களுக்கு, 15 ஆயிரத்து 500 ரூபாய் கட்டணம் நிர்ணயிக்கப்பட்டுள்ளது. அத்துடன், தாமத கட்டணமாக ஒவ்வொரு நாளும், 50 ரூபாய் அபராதம் விதிக்கப்பட உள்ளது.

Total Pageviews

Search This Blog