பி.டெக். படிப்பு நுழைவு தேர்வு தொடக்கம்: ஏப்.26-ல் முடிவு வெளியாகி அன்றே ஆன்லைன் கலந்தாய்வு

விஐடி பல்கலைக்கழகத்தில் பி.டெக். பொறியியல் படிப்புக்கான கணினி வழி நுழைவுத் தேர்வு தொடங்கியுள்ள நிலையில் வரும் 26-ம் தேதி முடிவுகள் வெளியிடப்பட்டு அன்றைய தினமே ஆன்லைன் கலந்தாய்வு தொடங்கவுள்ளது. விஐடியில் பி.டெக். பொறியியல் படிப்பில் சேருவதற்கான நுழைவுத் தேர்வு ‘விஐடிஇஇஇ-2023’ நேற்று தொடங்கி வரும் 22-ம் தேதி வரை கணினி வழியாக நடைபெறுகிறது. உள்நாட்டில் மட்டுமின்றி வெளிநாடுகள் என மொத்தம் 125 மையங்களில் தேர்வு நடைபெறுகிறது. விஐடி வேலூர் வளாகத்தில் நடைபெற்ற நுழைவுத் தேர்வை வேந்தர் கோ.விசுவநாதன், பெங்களூரு மையத்தில் நடைபெற்ற தேர்வை விஐடி துணைத்தலைவர் சங்கர் விசுவநாதன் பார்வையிட்டனர்.

இதன் முடிவுகள் ஏப்.26-ம் தேதி www.vit.ac.in என்ற இணையதளத்தில் வெளியிடப்பட்டு அன்றைய தினமே ஆன்லைன் கலந்தாய்வு தொடங்குகிறது.

முதற் கட்ட கலந்தாய்வு (26-4-2023 முதல் 30-4-2023) தரவரிசை 1 முதல் 20,000 வரையும், இரண்டாம் கட்ட கலந்தாய்வு (9-5-2023 முதல் 11-5-2023) தரவரிசை 20,001 முதல் 45,000 வரையும், மூன்றாம் கட்ட கலந்தாய்வு (20-5-2023 முதல் 22-5-2023) தரவரிசை 45,001 முதல் 70,000 வரையும், நான்காம் கட்ட கலந்தாய்வு (31-5-2023 முதல் 2-6-2023) தரவரிசை 70,001 முதல் 1 லட்சம் வரையும் நடைபெறும். ஐந்தாம் கட்ட கலந்தாய்வு (12-6-2023 முதல் 14-6-2023) தரவரிசை 1 லட்சத்துக்கு மேல் நடைபெறும். தரவரிசை 1 லட்சத்துக்கும் மேற்பட்டவர்களுக்கு விஐடி ஆந்திரபிரதேசம் மற்றும் விஐடி போபால் வளாகத்தில் மட்டுமே படிக்க இடம் கிடைக்கும். கல்வி கட்டண சலுகை: ஜி.வி. பள்ளி மேம்பாட்டு திட்டத்தின் கீழ் மத்திய, மாநில கல்வி வாரியம் நடத்தும் பிளஸ் 2 தேர்வில் மாநில அளவில் முதலிடம் பிடிக்கும் மாணவ, மாணவியருக்கு விஐடி பல்கலையில் பி.டெக். படிப்பு காலம் முழுவதும் 100 சதவீதம் கல்வி கட்டண சலுகை வழங்கப்படுகிறது. மேலும், விஐடி நுழைவுத்தேர்வில் தரவரிசையில் முதல் 50 இடங்களில் தகுதி பெறுபவர்களுக்கு 75 சதவீதம், தரவரிசை 51 முதல் 100-க்குள் தகுதி பெறும் மாணவர்களுக்கு 50 சதவீதம், தரவரிசை 101 முதல் 1,000-க்குள் தகுதி பெறும் மாணவர்களுக்கு 25 சதவீதம் கல்வி கட்டண சலுகை 4 ஆண்டு காலம் முழுவதும் வழங்கப்படும்.

அதேபோல், தமிழ்நாடு, ஆந்திரபிரதேசம் மற்றும் மத்தியபிரதேச மாநிலங்களில் உள்ள கிராமப்புற ஏழை மாணவர்கள் விஐடியில் உயர்கல்வி படிக்கும் வகையில் ‘ஸ்டார்ஸ்’ திட்டத்தின் கீழ் ஒவ்வொரு மாவட்ட அளவில் பிளஸ் 2 தேர்வில் முதலிடம் பெறும் மாணவர்களுக்கு கட்டணத்தில் முழு சலுகை, உணவு, விடுதி வசதியுடன் இலவச சேர்க்கை வழங்கப்படுகிறது.

பிஇ, பிடெக்கில் நேரடி 2-ம் ஆண்டு மாணவர் சேர்க்கைக்கான அவகாசம் ஆக.3 வரை நீட்டிப்பு

பி.இ., பிடெக்கில் நேரடி 2-ம் ஆண்டு மாணவர் சேர்க்கை கலந்தாய்வு ஆன்லைன் விண்ணப்ப தேதி ஆக.3 வரை நீட்டிக்கப்பட்டுள்ளது. பாலிடெக்னிக் தேர்வு முடிவுகள் இன்னும் வெளியாகாத நிலையில், விண்ணப்பிக்கும் அவகாசமும் நீடிக்கப்பட்டது.

இதற்கு முன்பாக, சிபிஎஸ்இ தேர்வு முடிவுகள் வெளியான பின்பு பி.இ., கலைக் கல்லூரிகளில் சேர கால அவகாசம் 27 ஆக நீடித்து உயர் கல்வித்துறை உத்தரவிட்டது. இந்நிலையில், சிபிஎஸ்இ 12ம் வகுப்பு தேர்வு முடிவுகள் வெளியாவதில் தாமதம் ஏற்பட்ட நிலையில், அம்மாணவர்களும், என்ஜினீயரிங், கலை&அறிவியல் கல்லூரிகளில் சேர வேண்டும் என்பதை மனதில் வைத்து, தேர்வு முடிவுகள் வெளியாகும் வரை என்ஜினீயரிங், கலை&அறிவியல் கல்லூரிகளில் சேருவதற்கான விண்ணப்பப் பதிவு நீட்டிக்கப்படும் என்றும், தேர்வு முடிவு வெளியான நாளிலிருந்து 5 நாட்கள் அவகாசம் வழங்கப்படும் என்றும் உயர்கல்வித் துறை அமைச்சர் பொன்முடி அறிவித்திருந்தார். இதையும் படிக்க | பெரியார் பல்கலை: வினாத்தாளில் பிழைகளுடன் முன்னாள் முதல்வர் அண்ணா பெயர்!

இந்நிலையில் நேற்று காலை சிபிஎஸ்இ 12ம் வகுப்பு தேர்வு முடிவுகள் இணையதளத்தில் வெளியீடு செய்யப்பட்டது. ஆனால், தற்போது பாலிடெக்னிக் தேர்வு முடிவுகள் இன்னும் வெளியாகாத நிலையில் பி.இ., பிடெக்கின் நேரடி 2-ம் ஆண்டு மாணவர் சேர்க்கைக்கான ஆன்லைன் விண்ணப்பத்தின் கால அவகாசத்தை நீட்டித்து உயர்கல்வித் துறை சார்பில் உத்தரவு பிறப்பிக்கப்பட்டுள்ளது

பகுதி நேரமாக B.E., B.Tech., படிப்புகளில் சேர நாளை முதல் ஆகஸ்ட் 3ம் தேதி வரை விண்ணப்பிக்கலாம் என அறிவிப்பு

தொழில் நுட்பக் கல்வி இயக்ககத்தின் கட்டுப்பாட்டில் உள்ள கீழ்க்காணும் அரசு மற்றும் அரசு உதவி பெறும் பொறியியற் கல்லூரிகளில் 2022-23 ஆம் கல்வியாண்டிற்கு தகுதி வாய்ந்த பட்டயப்படிப்பு முடித்து , பணிபுரியும் விண்ணப்பதாரர்களுக்கு பகுதி பட்டப்படிப்புகளுக்கான விண்ணப்பங்கள் வரவேற்கப்படுகின்றன.



CLICK HERE TO APPLY