இந்திய வன ஆராய்ச்சி மையத்தில் 72 பணி இடங்கள் - 72 job vacancies in Indian Forest Research Centre

இந்திய வன ஆராய்ச்சி மையத்தில் 72 பணி இடங்கள்

ஒன்றிய அரசின் சுற்றுச்சூழல், வனம் மற்றும் பருவ நிலை மாற்றம் அமைச்சகத்தின் கீழ் உத்தரகாண்ட், டேராடூனில் உள்ள வன ஆராய்ச்சி மையத்தில் டெக்னீஷியன் உள்ளிட்ட 72 பணிகளுக்கு விண்ணப்பங்கள் வரவேற்கப்படுகின்றன.

பணியிடங்கள் விவரம்:

1. Technician (Field/ Lab Research): 23 இடங்கள் (பொது-10, எஸ்சி-2, எஸ்டி-2, ஓபிசி-2, பொருளாதார பிற்பட்டோர்-7). வயது: 18 லிருந்து 30க்குள். தகுதி: அறிவியல் பாடப்பிரிவில் 60% மதிப்பெண்களுடன் பிளஸ்2 தேர்ச்சி.

2. Technician (Maintenance): 6 இடங்கள் (பொது-3, எஸ்சி-2, பொருளாதார பிற்பட்டோர்-1). வயது வரம்பு: 18 லிருந்து 30க்குள். தகுதி: 10ம் வகுப்பு தேர்ச்சியுடன் Information Technology/Electronics Mechanic/ Pump operator cum Mechanic. இதில் ஏதாவது ஒன்றில் ஐடிஐ தேர்ச்சி.

3. Technical Assistant (Para Medical): 7 இடங்கள் (பொது-3, எஸ்சி-2, எஸ்டி-1, பொருளாதார பிற்பட்டோர்-1). வயது வரம்பு: 21 லிருந்து 30க்குள். தகுதி: Nursing/Pharmacist/Physiotherapist/Lab Technician/Radiographer ஆகியவற்றில் ஏதாவது ஒன்றில் இளநிலை பட்டப்படிப்பு அல்லது 3 வருட டிப்ளமோ தேர்ச்சி. 4. Lower Division Clerk: 5 இடங்கள் (பொது-3, எஸ்டி-1, ஓபிசி-1). வயது: 18 லிருந்து 27க்குள். தகுதி: பிளஸ் 2 தேர்ச்சியுடன் ஆங்கிலத்தில் நிமிடத்திற்கு 35 வார்த்தைகள் அல்லது இந்தியில் 30 வார்த்தைகள் டைப்பிங் செய்ய தெரிந்திருக்கக வேண்டும்.

5. Forest Guard: 2 இடங்கள் (பொது-1, பொருளாதார பிற்பட்டோர்-1). வயது: 18 லிருந்து 27க்குள். தகுதி: அறிவியல் பாடத்தில் பிளஸ்2 தேர்ச்சி.

6. Stenographer (Grade II): 1 இடம் (பொது). வயது; 18 லிருந்து 27க்குள். தகுதி: பிளஸ் 2 தேர்ச்சியுடன் நிமிடத்திற்கு 80 வார்த்தைகள் ஆங்கிலம் அல்லது இந்தி சுருக்கெழுத்தில் எழுத தெரிந்திருக்க வேண்டும். மேலும் Computer Application ல் சான்று பெற்றிருப்பதோடு டைப்பிங் செய்யவும் தெரிந்திருக்க வேண்டும்.

7. Store Keeper: 2 இடங்கள் (பொது-1, பொருளாதார பிற்பட்டோர்-1). வயது: 18 லிருந்து 27க்குள். தகுதி: பிளஸ்2 தேர்ச்சி.

8. Driver (Ordinary Grade): 4 இடங்கள் (பொது-2, எஸ்சி-1, பொருளாதார பிற்பட்டோர்-1). வயது: 18 லிருந்து 27க்குள். தகுதி: 10ம் வகுப்பு தேர்ச்சியுடன் மோட்டார் வாகனத்துக்குரிய டிரைவிங் லைசென்ஸ் பெற்றிருக்க வேண்டும். மேலும் குறைந்தது 3 வருட பணி அனுபவம் பெற்றிருக்க வேண்டும். 9. Multi Tasking Staff: 22 இடங்கள் (பொது-10, எஸ்சி-5, எஸ்டி-1, ஓபிசி-2, பொருளாதார பிற்பட்டோர்-4). வயது: 18 லிருந்து 27க்குள். தகுதி: 10ம் வகுப்பு தேர்ச்சியுடன் 3 வருட பணி அனுபவம்.

உடற்தகுதி: ஆண்கள்- 165 செ.மீ., உயரமும், மார்பளவு சாதாரண நிலையில் 79 செ.மீயும், விரிவடைந்த நிலையில் 84 செ.மீயும் இருக்க வேண்டும். மேலும் 4 மணி நேரத்தில் 25 கி.மீ., தூரத்தை ஓடிக் கடக்க வேண்டும்.

பெண்கள்- 150 செ.மீ., உயரமும், மார்பளவு சாதாரண நிலையில் 74 செ.மீயும், விரிவடைந்த நிலையில் 79 செ.மீயும் இருக்க வேண்டும். மேலும் 4 மணி நேரத்தில் 14 கி.மீ., தூரத்தை ஓடிக் கடக்க வேண்டும். கட்டணம்: பொது/ ஓபிசி/ பொருளாதார பிற்பட்டோர் பிரிவினருக்கு ரூ.1,500/-, எஸ்சி/எஸ்டி/ பெண்களுக்கு ரூ.700/-. இதை ஆன்லைனில் செலுத்த வேணடும். https://fri.icfre.gov.in என்ற இணையதளம் மூலம் ஆன்லைனில் விண்ணப்பிக்க வேண்டும்.

விண்ணப்பிக்க கடைசி நாள்: 19.1.2023.