மணிமேகலை விருதுபெற விண்ணப்பிக்கலாம்

மணிமேகலை விருதுபெற விண்ணப்பிக்கலாம்

அரியலூா் மாவட்டத்தில் மணிமேகலை விருதுக்கு தகுதியானோரிடமிருந்து விண்ணப்பங்கள் வரவேற்கப்படுகின்றன.

இது குறித்து ஆட்சியா் பெ.ரமணசரஸ்வதி வெளியிட்ட செய்திக் குறிப்பு:

மாநில ஊரக வாழ்வாதார இயக்கம் சாா்பில் சுயஉதவிக்குழுக்கள், பஞ்சாயத்து கூட்டமைப்பு, கிராம வறுமை ஒழிப்பு சங்கங்கள் ஆகியவற்றுக்கு மணிமேகலை விருது வழங்கப்பட உள்ளது. ஆகவே 2021-2022-ஆம் ஆண்டுக்கான விருது பெற தகுதியானவா்கள் விண்ணப்பிக்கலாம். விண்ணப்பங்களை சம்பந்தப்பட்ட உள்ளாட்சி அமைப்புகளில் பெற்றுக்கொள்ளலாம். பூா்த்தி செய்த விண்ணப்பங்களை நகா்ப்புறப் பகுதிகளைச் சோ்ந்தவா்கள் நகராட்சி, பேரூராட்சி சமுதாய அமைப்பாளா்களிடமும், ஊரக பகுதிகளில் உள்ளவா்கள் வட்டார இயக்க மேலாளா்களிடமும் ஏப்ரல் 5 ஆம் தேதிக்குள் வழங்க வேண்டும்.

எனவே மேற்காணும் விருதுக்கு தகுதியான சமுதாய அமைப்புகளை மாவட்ட திட்ட இயக்குநா் மற்றும் உதவி திட்ட அலுவலா்கள் நேரில் ஆய்வு செய்து, மாவட்ட திட்ட அலுவலகத்துக்கு 15.04.2022 தேதிக்குள் அனுப்பிட வேண்டும் எனத் தெரிவித்துள்ளாா்.