மாணவர்களிடம் மத மாற்ற பிரசாரம் பள்ளியை முற்றுகையிட்ட பெற்றோர்

👍Join Our📱WhatsApp🌍Group👉Click Here 👍Join Our📱Telegram🌍Group👉Click Here👍Join Our📱Facebook🌍Page👉Click Here👍Join Our📱Twitter🌍Page👉Click HereAdd 9123576459 To Ur Groups

மாணவர்களிடம், மத மாற்ற பிரசாரத்தில் ஈடுபட்ட ஆசிரியை மீது, நடவடிக்கை எடுக்க வலியுறுத்தி, ஊராட்சி ஒன்றிய துவக்கப் பள்ளியை, பெற்றோர் முற்றுகையிட்டதால், பரபரப்பு ஏற்பட்டது. ஈரோடு மாவட்டம், கொடுமுடி தாலுகா, கொல்லங்கோவில் பேரூராட்சிக்கு உட்பட்ட, தாண்டாம்பாளையத்தில் உள்ள ஊராட்சி ஒன்றிய துவக்கப் பள்ளியில், மாணவ - மாணவியர், 79 பேர் படிக்கின்றனர். தலைமையாசிரியையாக, செந்தமிழ் செல்வியும், நான்காம் வகுப்பு ஆசிரியையாக, ஜோஸ்லின் கிரேஷ், 48, என்பவரும், பணி புரிகின்றனர். ஆசிரியை, ஜோஸ்லின் கிரேஷ், சில நாட்களாக, மாணவ - மாணவியரிடம், கிறிஸ்துவ மத பாடல்களை பாட வலியுறுத்தி உள்ளார்.

மேலும் அவர்களுக்கு, கிறிஸ்துவ மதம் குறித்த புத்தகங்கள் வழங்குவதும், பிரார்த்தனையில் ஈடுபடவும், கட்டாயப்படுத்தி உள்ளார். இது குறித்து, தங்கள் பெற்றோரிடம், மாணவ -மாணவியர் புகார் தெரிவித்தனர். இதையடுத்து, தலைமையாசிரியை, செந்தமிழ் செல்வியிடம், நேற்று முன்தினம், பெற்றோர் முறையிட்டனர். அவர் நடவடிக்கை எடுக்காததால், மாணவர்களிடம் மத மாற்ற பிரசாரத்தில் ஈடுபட்ட, ஆசிரியை மீது நடவடிக்கை எடுக்கக் கோரி, பெற்றோர், நேற்று பள்ளியை முற்றுகையிட்டனர். ஆசிரியர்கள் சமாதானப் படுத்தியதை அடுத்து, பெற்றோர் கலைந்து சென்றனர்.

👍Join Our📱Facebook🌍Page👉Click Here Press Ur Reaction Below& Share Ur Whatsapp Groups - Thank U