பள்ளிக் கல்வியில் இடைநிற்றல் "0" - தமிழ்நாடு சாதனை - (UDISE+) அறிக்கை

2024-25 கல்வி ஆண்டில் பள்ளிக் கல்வியில் நடுநிலை வகுப்புகளில் மாணவர் இடைநிற்றலை ‘பூஜ்ஜியம்’ ஆக்கி தமிழ்நாடு சாதனை

பள்ளிக் கல்வியில் இடைநிற்றல் "0" - தமிழ்நாடு சாதனை - (UDISE+) அறிக்கை - Zero School Dropouts – Tamil Nadu Achieves a Milestone – (UDISE+) Report

*தமிழக பள்ளிக் கல்வியில் நடுநிலை வகுப்புகளில் மாணவர் இடைநிற்றலை ‘பூஜ்ஜியம்’ ஆக்கி தமிழ்நாடு சாதனை.*

*மத்திய கல்வி அமைச்சகத்தின் 2025-26 ஆண்டு அறிக்கை (UDISE+) வெளியாகியுள்ளது.*

*2024-25 கல்வி ஆண்டில் தமிழ்நாட்டில், 2.80 ஆக இருந்த நடுநிலை வகுப்புகள் மாணவர் இடைநிற்றலை, கடந்த கல்வி ஆண்டில் 0 ஆகக் குறைத்து சாதனை.*

*தொடக்கக் கல்வியிலும் தமிழ்நாட்டில் இடைநிற்றல் பூஜ்ஜியம் என்பது குறிப்பிடத்தக்கது.*

ஒன்றிய கல்வி அமைச்சகம் வெளியிட்டுள்ள யுடிஐஎஸ்இ பிளஸ் (UDISE+) 2025-26 ஆண்டு அறிக்கையின்படி, தமிழ்நாட்டில் தொடக்க மற்றும் நடுநிலைப் பள்ளி அளவிலான மாணவர் இடைநிற்றல் விகிதம் 0% (பூஜ்ஜியம்) ஆகக் குறைந்து வரலாற்றுச் சாதனை படைக்கப்பட்டுள்ளது. சாதனையின் முக்கிய விவரங்கள்

நடுநிலைக் கல்வி (Middle School):

கடந்த 2024-25 கல்வி ஆண்டில் 2.80% ஆக இருந்த நடுநிலை வகுப்புகளுக்கான இடைநிற்றல் விகிதம், தற்போது 0% ஆக வீழ்ச்சியடைந்துள்ளது.

தொடக்கக் கல்வி (Primary School):

ஆரம்பக் கல்வி நிலையிலும் தமிழகம் 0% இடைநிற்றல் என்ற இலக்கை எட்டி சாதனை படைத்துள்ளது.

இடைநிலைக் கல்வி (Secondary School):

9 மற்றும் 10-ஆம் வகுப்புகளுக்கான இடைநிலைக் கல்வியில் தமிழ்நாட்டின் இடைநிற்றல் விகிதம் வெறும் 6.2% மட்டுமே.

இது தேசிய சராசரியான 9.5%-ஐ விட மிகக் குறைவாகும்.

கல்வித் துறையின் முக்கியப் பங்களிப்புகள்

முதலமைச்சரின் காலை உணவுத் திட்டம்:

தொடக்கப் பள்ளி மாணவர்களின் ஊட்டச்சத்தை உறுதி செய்து, பள்ளிக்கு வருவதை ஊக்குவிப்பதில் முதலமைச்சரின் காலை உணவுத் திட்டம் முக்கியப் பங்காற்றியுள்ளது. புதுமைப் பெண் & தமிழ்புதல்வன் திட்டம்:

உயர் கல்வி பயிலும் அரசுப் பள்ளி மாணவ, மாணவியருக்கு வழங்கப்படும் மாதாந்திர உதவித்தொகை திட்டம், இடைநிலைக் கல்வியில் மாணவர்கள் படிப்பைத் தொடர உந்துதலாக அமைந்துள்ளது.

நேரடி கள ஆய்வுகள்:

பள்ளிப் படிப்பைப் பாதியில் நிறுத்திய மாணவர்களைக் கண்டறிய, ஆசிரியர்கள் மற்றும் கல்வித் துறை அதிகாரிகள் நேரடியாக இல்லங்களுக்கேச் சென்று மாணவர்களை மீண்டும் பள்ளிகளில் சேர்த்துள்ளனர்.

இந்த இமாலயச் சாதனை மூலம், இந்திய அளவில் பள்ளி உள்கட்டமைப்பு மற்றும் மாணவர் சேர்க்கை தக்கவைப்பில் தமிழ்நாடு பள்ளிக்கல்வித்துறை முன்னணி மாநிலமாகத் திகழ்கிறது.