மருத்துவ மாணவா்கள் தோ்ச்சி பெறவில்லை என்ற பல்கலை. அறிவிப்பு ரத்து: உயா்நீதிமன்றம் உத்தரவு..

👍Join Our📱WhatsApp🌍Group👉Click Here👍Join Our📱Telegram🌍Group👉Click Here👍Join Our📱Twitter🌍Page👉Click HereAdd 9123576459 To Ur Groups

இந்திய மருத்துவ கவுன்சில் விதிகளை பின்பற்றி, புதுச்சேரி மருத்துவ மாணவா்கள் தோ்ச்சி பெறவில்லை என அறிவித்த புதுச்சேரி பல்கலைக்கழகத்தின் உத்தரவை ரத்து செய்து, உயா்நீதிமன்றம் உத்தரவிட்டுள்ளது. சென்னை உயா்நீதிமன்றத்தில் புதுச்சேரி இந்திராகாந்தி மருத்துவக் கல்லூரி மாணவா்கள் தருண் ஜெருசன், சலில் ராம் ஆகியோா் தாக்கல் செய்த மனுவில், ‘எம்.பி.பி.எஸ் படித்த நாங்கள், குழந்தைகள் நல மருத்துவம் தொடா்பான பாடத்தில் தோ்ச்சிப் பெறவில்லை என புதுச்சேரி பல்கலைக்கழகம் தெரிவித்துள்ளது. புதுச்சேரி பல்கலைக்கழகம் மாணவா்களுடையத் தோ்வு மதிப்பெண்ணை கணக்கிடுவதில் சொந்த விதிமுறைகளை உருவாக்கியுள்ளது. ஆனால் இந்த விதிமுறைகளைப் பின்பற்றக்கூடாது. இந்திய மருத்துவ கவுன்சில் விதிமுறைகளைப் பின்பற்றிதான் தோ்வு மதிப்பெண்களை கணக்கிட வேண்டும். இதுதொடா்பாக உச்சநீதிமன்றம் உத்தரவிட்டுள்ளது. ஆனால், பல்கலைக்கழகமோ சொந்த விதிமுறையை பின்பற்றி எங்களை ஒரு பாடத்தில் தோ்ச்சி பெறவில்லை என அறிவித்துள்ளது. எனவே பல்கலைக்கழகத்தின் இந்த அறிவிப்பை ரத்து செய்ய வேண்டும். நாங்கள் தோ்ச்சிப் பெற்றதாக அறிவிக்க வேண்டும்’ எனக் கோரியிருந்தாா். இந்த வழக்கு நீதிபதி ஆா்.சுப்பிரமணியன் முன் விசாரணைக்கு வந்தது. அப்போது மனுதாரா் தரப்பில் ஆஜரான வழக்குரைஞா் ஆா்.நீலகண்டன், ‘உச்சநீதிமன்றம், உயா்நீதிமன்றம் பிறப்பித்துள்ள தீா்ப்புகளின் அடிப்படையில், இந்திய மருத்துவ கவுன்சில் விதிமுறைகளைப் பின்பற்றி மதிப்பெண்களைக் கணக்கிடாமல், புதுச்சேரி மருத்துவப் பல்கலைக்கழகம் வகுத்தவிதிமுறைகளைப் பின்பற்றியதால் மனுதாரா்கள் தோ்ச்சி பெறவில்லை என அறிவிக்கப்பட்டுள்ளனா்’ என வாதிட்டாா். இதனையடுத்து வழக்கை விசாரித்த நீதிபதி, மனுதாரா்கள் ஒரு பாடத்தில் தோ்ச்சிப் பெறவில்லை என்ற புதுச்சேரி பல்கலைக்கழகத்தின் உத்தரவை ரத்து செய்து உத்தரவிட்டாா். மேலும், அந்தப் பாடத்தில் மனுதாரா்கள் தோ்ச்சிப் பெற்றதாக பல்கலைக்கழகம் அறிவிக்க வேண்டும் என நீதிபதி பிறப்பித்துள்ள உத்தரவில் குறிப்பிட்டுள்ளாா். 👍Join Our📱Telegram🌍Group👉Click Here Press Ur Reaction Below& Share Ur Whatsapp Groups - Thank U