அரசு பள்ளிகளில் ஆசிரியர் பற்றாக்குறை; போராட்டம் நடத்த பெற்றோர் நலச்சங்கம் முடிவு

👍Join Our📱WhatsApp🌍Group👉Click Here 👍Join Our📱Telegram🌍Group👉Click Here👍Join Our📱Facebook🌍Page👉Click Here👍Join Our📱Twitter🌍Page👉Click HereAdd 9123576459 To Ur Groups

அரசு பள்ளிகளில் ஆசிரியர்கள் பணியிடங்களை நிரப்பாததை கண்டித்து, வரும் ஜூலை 3ம் தேதி போராட்டம் நடத்தப்படும் என, சென்டாக் மாணவர்கள் பெற்றோர் நலச்சங்கம் அறிவித்துள்ளது.இதுகுறித்து சங்க பொருளாளர் நாகராஜன் கூறியதாவது: புதுச்சேரியில் கடந்த 10ம் தேதி பள்ளிகள் திறக்கப்பட்டது. ஆனால், அரசுப் பள்ளி மாணவர்கள் அனைவருக்கும் புத்தகங்கள் வழங்கப்படவில்லை. தனியார் பள்ளிகளுக்கு நிகராக அரசு பள்ளிகளின் தரம் உயர்த்தப்படும் என, அரசு கூறியது. ஆனால், தனியார் பள்ளிகளுக்கு தடையின்றி புத்தகம் கிடைக்கும் போது, அரசு பள்ளிக்கு புத்தகம் கூட கிடைக்காததை அரசு கவனத்தில் கொள்ள வேண்டும்.புதுச்சேரியில் பள்ளி துவங்கிய நாளில் இருந்து இதுவரையில், பெரும்பாலான அரசு பள்ளிகளில் குறிப்பிட்ட சில பாடங்களுக்கான ஆசிரியர்கள் இல்லை. குறிப்பாக, அன்னை சிவகாமி பள்ளியில் தமிழ், சமூக அறிவியல் பாடங்களுக்கு ஆசிரியர் இல்லை. திருவள்ளுவர் பள்ளியில் கணித ஆசிரியர் இல்லை.

அதுபோல் பல பள்ளிகளில் ஆசிரியர் பற்றாக்குறை உள்ளது. இதனால் அப்பள்ளிகளில் பாடங்கள் நடத்தவே ஆரம்பிக்கவில்லை.இதுபோன்ற நிலையில் இன்று (26ம் தேதி) முதல் 28ம் தேதி வரையில் பொதுத்தேர்வு எழுத உள்ள பத்தாம் வகுப்பு, பிளஸ் 1, பிளஸ் 2 வகுப்பு மாணவர்களுக்கு மாதத்தேர்வு ஆரம்பிக்கப்பட்டுள்ளது.இதுபோன்ற நிலையில் எப்படி மாணவர்கள் தேர்வு எழுதுவார்கள். எனவே விரைவில், அனைத்து பள்ளிகளிலும் தேவையான ஆசிரியர்களை நியமிக்க வேண்டும், பொதுத்தேர்வு எழுதும் மாணவர்களுக்கு அனைத்து புத்தகங்களும் வழங்க வலியறுத்தியும், கல்வித்துறையின் மெத்தன போக்கை கண்டித்தும், மாணவர் பெற்றோர் நலச்சங்கம் சார்பில், வரும் ஜூலை 3ம் தேதி மாணவர்களை திரட்டி போராட்டம் நடத்தப்படும்,இவ்வாறு அவர் கூறினார்.பேட்டியின்போது சங்க தலைவர் நாராயணசாமி, பொறுப்பாளர்கள் லாலு, குப்புசாமி ஆகியோர் உடனிருந்தனர்.

👍Join Our📱Facebook🌍Page👉Click Here Press Ur Reaction Below& Share Ur Whatsapp Groups - Thank U