தனிமைப்படுத்தப்பட்டோர் கடைப்பிடிக்க வேண்டியவை!

👍Join Our📱WhatsApp🌍Group👉Click Here👍Join Our📱Telegram🌍Group👉Click Here👍Join Our📱Twitter🌍Page👉Click HereAdd 9123576459 To Ur Groups

'கொரோனா' நோய் காரணமாக, தனிமைப்படுத்தப்பட்ட வீட்டில் உள்ளவர்கள், கடைப்பிடிக்க வேண்டிய வழிமுறைகளை, தமிழக அரசு வெளியிட்டுள்ளது. அதன் விபரம்: தனிமைப்படுத்தப்பட்ட நபருக்கு, தனி கழிப்பறையுடன் கூடிய, நல்ல காற்றோட்டமான தனி அறையை ஒதுக்க வேண்டும்  வீட்டில் உள்ள அனைவரும், முக கவசம் அணிய வேண்டும் தனிமைப்படுத்தப்பட்ட நபர், எக்காரணம் கொண்டும், வீட்டை விட்டு வெளியில் செல்லக்கூடாது. வீட்டிற்குள் அவருக்கு ஒதுக்கப்பட்ட, அறையிலேயே இருக்க வேண்டும் குறிப்பிட்ட நபர் மட்டுமே, தனிமைப்படுத்தப்பட்ட நபருக்கு, பராமரிப்பு பணிகளை செய்ய வேண்டும். பராமரிப்பு பணி செய்பவரும், தவறாமல் முக கவசம், கையுறை அணிந்திருக்க வேண்டும்.

தனிமைப்படுத்தப் பட்டவர் பயன்படுத்தும் பொருட்களை, மற்றவர்கள் பயன்படுத்தக் கூடாது உடைகள், படுக்கை விரிப்பு போன்றவற்றை உதறாமல், முக கவசம் மற்றும் கையுறை அணிந்து, தனியாக சோப்பு நீரில் ஊறவைத்து துவைத்து, வெளியில் காய வைக்க வேண்டும் முக கவசம், கையுறை ஆகியவற்றை கழற்றிய பின், கைகளை நன்கு சோப்பு உபயோகித்து, கழுவ வேண்டும்  வயதானோர், கர்ப்பிணிகள், குழந்தைகள், நோய் எதிர்ப்பு சக்தி குறைந்தவர்கள், தனிமைப்படுத்தப் பட்டவருடன் எவ்வித தொடர்பும் கொள்ளாமல், எச்சரிக்கையாக இருக்க வேண்டும் .

 தனிமைப்படுத்தப் பட்டவருக்கு, காய்ச்சல், சளி, இருமல், மூச்சுத் திணறல் போன்ற, வைரஸ் அறிகுறிகள் தென்பட்டால், 104 அல்லது, 1800 120555550 என்ற எண்ணில், ஆலோசனை பெறலாம். அருகில் உள்ள, அரசு மருத்துவமனையை தொடர்பு கொண்டும், ஆலோசனை பெறலாம் அவருடன் நெருங்கிய தொடர்பில் இருந்தவர்களையும், அடுத்த, 28 நாட்களுக்கு, தனிமைப்படுத்த வேண்டும். வீட்டை தினமும், மூன்று முறையாவது, கிருமிநாசினியால் துாய்மைப்படுத்த வேண்டும்.இவ்வாறு, அதில் கூறப்பட்டுள்ளது.

👍Join Our📱Telegram🌍Group👉Click Here Press Ur Reaction Below& Share Ur Whatsapp Groups - Thank U