12ம் வகுப்பு பொதுத்தேர்வு கால அட்டவணை - ஒடிசா மாநில பள்ளிக்கல்வித்துறை வெளியீடு

12ம் வகுப்பு பொதுத்தேர்வுகளுக்கான கால அட்டவணையை ஒடிசா மாநில பள்ளிக்கல்வித்துறை வெளியிட்டு உள்ளது. மே மாதம் 3ம் தேதி முதல் தேர்வுகள் தொடங்க உள்ளதாக அறிவிக்கப்பட்டுள்ளது. இதனால் மாணவர்கள் முழுவீச்சில் தேர்வுக்கு தயாராகி வருகின்றனர். தேர்வு அட்டவணை: ஒடிசாவில் கொரோனா பரவல் காரணமாக கடந்த வருடம் மார்ச் மாதத்தில் மூடப்பட்ட பள்ளிகள் பல்வேறு விதிமுறைகளுக்கு உட்பட்டு மீண்டும் திறக்கப்பட்டு உள்ளன. ஜனவரி மாத தொடக்கத்தில் 10, 12ம் வகுப்புகளுக்கும், பிப்ரவரி 8ம் தேதி முதல் 9 மற்றும் 11ம் வகுப்பு மாணவர்களுக்கும் நேரடி வகுப்புகள் தொடங்கின. இந்நிலையில் அம்மாநிலத்தில் 12ம் வகுப்பு மாணவர்களுக்கான நடப்பு கல்வியாண்டில் பொதுத்தேர்வு அட்டவணை வெளியிடப்பட்டு உள்ளது. அதன்படி மே 3ம் தேதி தொடங்கும் தேர்வுகள் மே 15 வரை நடைபெறுகிறது. 6 லட்சத்திற்கும் மேற்பட்ட மாணவர்கள் இதில் பங்கேற்க உள்ளனர். முதல் மொழி தேர்வு மே 3 ம் தேதியும், இரண்டாம் மொழி (ஆங்கிலம்) தேர்வு மே 5 ம் தேதியும் நடைபெறும். மூன்றாம் மொழி (இந்தி) தேர்வு மே 7 ம் தேதியும், மூன்றாம் மொழியாக சமஸ்கிருதம் உள்ளவர்களுக்கு மே 8 ம் தேதியும் தேர்வுகள் நடைபெறும். கணித தேர்வு மே 10, அறிவியல் மே 12, சமூக அறிவியல் மே 15 அன்று நடைபெறும் என்று அறிவிப்பில் தெரிவிக்கப்பட்டுள்ளது. தேர்வு காலை 8 மணி முதல் 10 மணி வரை நடைபெறும். இருப்பினும், கணித தேர்வில் 15 நிமிடங்கள் கூடுதலாக வழங்கப்படும்.