தற்காலிக ஆசிரியரை மீண்டும் நியமிக்கக்கோரி வகுப்பை புறக்கணித்த மாணவர்கள்

👍Join Our📱WhatsApp🌍Group👉Click Here 👍Join Our📱Telegram🌍Group👉Click Here👍Join Our📱Facebook🌍Page👉Click Here👍Join Our📱Twitter🌍Page👉Click HereAdd 9123576459 To Ur Groups

தற்காலிக பணியில்நியமிக்கப்பட்ட ஆசிரியர் திடீரென நிறுத்தப்பட்ட நிலையில், அவரை மீண்டும் நியமிக்கக் கோரி கூடலூர் அரசு மேல்நிலைப்பள்ளி மாணவ மாணவிகள் வெள்ளிக்கிழமை திடீர் சாலை மறியலிலும், வகுப்புகள் புறக்கணிப்பு போராட்டத்திலும் ஈடுபட்டனர். சோளிங்கர் அருகே உள்ள கூடலூரில் அரசினர் மேல்நிலைப்பள்ளி உள்ளது. இப்பள்ளியில் பெற்றோர் ஆசிரியர் கழகம் சார்பில் பிளஸ் 2 மற்றும் பிளஸ் 1 வேதியியல் பாடத்திற்கு மனோகரன் என்ற ஆசிரியர் தற்காலிகமாக நியமிக்கப்பட்டு கடந்த 8 ஆண்டுகளாக பணிபுரிந்து வந்தார். தற்போது, அந்தப் பாடத்திற்கு அரசை புதிய ஆசிரியரை நியமித்ததையடுத்து தற்காலிக ஆசிரியர் மனோகரன் பணிநீக்கம் செய்யப்பட்டதாகத் தெரிகிறது. இந்நிலையில், ஆசிரியர் மனோகரனை தங்களுக்கு மீண்டும் ஆசிரியராக நியமிக்க வேண்டும் எனக் கோரிக்கை விடுத்து அப்பள்ளி மாணவ மாணவிகள் வெள்ளிக்கிழமை, அரக்கோணம்-சோளிங்கர் நெடுஞ்சாலையில் அமர்ந்து சாலைமறியல் போராட்டத்தில் ஈடுபட்டனர். இத்தகவலை அறிந்து அங்கு வந்த கொண்டப்பாளையம் போலீஸார், மாணவர்களை சமாதானப்படுத்த முயன்றனர். பள்ளி வளாகத்திற்குள் வர மறுத்து வாயிலுக்கு வெளியே அமர்ந்து வகுப்புகளைப் புறக்கணித்து மாணவர்கள் போராட்டத்தில் ஈடுபட்டனர். இதைதொடர்ந்து அங்கு வந்த பள்ளி தலைமையாசிரியை இந்திராணி, ஆசிரியர் மனோகரன் பெற்றோர் ஆசிரியர் கழகத்தின் மூலம் மீண்டும் பணியமர்த்தப்படுவார் என உறுதியளித்ததையடுத்து மாணவ, மாணவிகள் வகுப்புகளுக்குத் திரும்பினர்.

👍Join Our📱Facebook🌍Page👉Click Here Press Ur Reaction Below& Share Ur Whatsapp Groups - Thank U