இலவச நீட் பயிற்சி மையங்கள் தொடங்குவதில் தாமதம்!

👍Join Our📱WhatsApp🌍Group👉Click Here
👍Join Our📱Facebook🌍Page👉Click Here
👍Join Our📱Telegram🌍Group👉Click Here Share This News To Ur Groups& Add 9123576459

பள்ளிக்கல்வித்துறை சார்பில் அறிவிக்கப்பட்டு இருந்த நீட் பயிற்சி வகுப்புகள் இன்னும் தொடங்கப்படவில்லை என புகார் அளிக்கப்பட்டுள்ளது. மே 5ம் தேதி நாடு முழுவதும் நீட் தேர்வு நடைபெறவுள்ள சூழலில் மார்ச் 25 முதல் மே 3 வரை நீட் பயிற்சி மையங்கள் மீண்டும் தொடங்கி நடைபெறும் என்றும், அதன் மூலம் 12ம் வகுப்பு முடித்த மாணவர்கள் பயிற்சி பெற்றுக்கொள்ளலாம் என்றும் பள்ளிக்கல்வித்துறை அறிவித்திருந்தது. மேலும் இந்த ஆண்டு நீட் தேர்வு எழுதும் மாணவர்கள் தமிழகத்திலேயே எழுதலாம், இதற்காக வெளிமாநிலம் செல்ல அவசியமில்லை என அமைச்சர் செங்கோட்டையன் கூறியிருந்தார். இதற்கென தமிழகத்தில் 550 தேர்வு மையங்கள் அமைக்க ஏற்பாடு செய்யப்பட்டு வருவதாகவும், இதில் 1½ லட்சம் பேர் தேர்வு எழுதலாம் என்றும் அவர் கூறியிருந்தார்.

இந்நிலையில், தமிழக அரசிடமிருந்து பள்ளிக்கல்வித்துறைக்கு 20 கோடி ரூபாய் நிதியுதவி கிடைக்கப்பெறாததால் அரசின் இலவச நீட் பயிற்சி மையங்கள் தொடங்குவதில் தாமதம் ஏற்பட்டுள்ளது. அரசு மற்றும் அரசு நிதியுதவி கிடைக்கக்கூடிய பள்ளிகளில் பயிலும் பிளஸ் 2 மாணவர்களுக்கு தமிழக பள்ளிக்கல்வித்துறை சார்பில் இலவச நீட் தேர்வு பயிற்சி அளிக்கும் திட்டம் கடந்தாண்டு தொடங்கப்பட்டது. கடந்த ஆண்டு தமிழகம் முழுவதும் 412 பயிற்சி மையங்களில் மொத்தம் 9,034 பேர் பயின்றனர். கடந்த ஆண்டு நடைபெற்ற நீட் தேர்வில் அரசு மற்றும் அரசு உதவி பெறும் பள்ளிகளில் படித்த 1,337 மாணவர்கள் தேர்ச்சி பெற்றனர். இந்நிலையில் நடப்பாண்டில் இதுவரை பயிற்சி மையங்கள் தொடங்காததால் அரசு மற்றும் அரசு உதவி பெறும் பள்ளி மாணவர்கள் அதிருப்தியடைந்துள்ளனர்.

Use Only Chrome Browser To Read The News& Press Ur Reaction Below& Share Ur Whatsapp Groups - Thank u

👍Join Our📱WhatsApp🌍Group👉Click Here
👍Join Our📱Facebook🌍Page👉Click Here
👍Join Our📱Telegram🌍Group👉Click Here கணினிக்கல்வி செய்திகளை உங்கள் WhatsApp Groupல் உடனடியாக பெறுவதற்கு 9123576459 இந்த எண்ணை இணைக்கவும்