டாஸ்மாக் இளநிலை உதவியாளர் தேர்வு தேதியில் திடீர் மாற்றம்

👍Join Our📱WhatsApp🌍Group👉Click Here 👍Join Our📱Telegram🌍Group👉Click Here👍Join Our📱Facebook🌍Page👉Click Here👍Join Our📱Twitter🌍Page👉Click HereAdd 9123576459 To Ur Groups

டாஸ்மாக்கில் காலியாக உள்ள 500 இளநிலை உதவியாளர் தேர்வு ஆகஸ்ட் 4ம் தேதிக்கு பதில் 18ம் தேதி நடைபெறும் என நிர்வாகம் அறிவித்துள்ளது. தமிழகத்தில் 5 ஆயிரத்து 152 டாஸ்மாக் கடைகள் உள்ளன. இந்த கடைகளில் 26 ஆயிரத்து 56 ஊழியர்கள் பல்வேறு பணிகளில் தொகுப்பூதிய அடிப்படையில் பணியாற்றி வருகின்றனர். இவர்களில் பட்டப்படிப்பு படித்தவர்களுக்கு சிறப்பு தேர்வு நடத்தி 500 பேருக்கு டாஸ்மாக் நிர்வாகத்தில் இளநிலை உதவியாளர் பணி வழங்க திட்டமிடப்பட்டது. அதன்படி, இதற்கான அறிவிப்பு கடந்த ஆண்டு ஆகஸ்ட் மாதம் வெளியானது.இதை எதிர்த்து சென்னை உயர் நீதிமன்றத்தில் வழக்கு தொடரப்பட்டது. வழக்கை விசாரித்த நீதிமன்றம், தேர்வுக்கு தடை விதித்தது. பின்னர், நடந்த விசாரணையில் தேர்வு நடத்த அனுமதி அளிக்கப்பட்டது. இந்நிலையில், 500 பணியிடங்களுக்கான இளநிலை உதவியாளர் தேர்வு ஆகஸ்ட் 4ம் தேதி நடத்தப்பட உள்ளதாக அறிவிக்கப்பட்டது. இந்த அறிவிப்பை தொடர்ந்து இத்தேர்வை எழுத விண்ணப்பித்தவர்களுக்கு அந்தந்த பகுதிகளில் உள்ள பயிற்சி மையங்களில் டாஸ்மாக் அதிகாரிகள் மூலம் பயிற்சி வகுப்புகளும் மேற்கொள்ளப்பட்டன.

அப்போது, பாடத்திட்டங்கள் குறித்தும், தேர்வை எவ்வாறு எதிர்கொள்வது என்பது குறித்தும் தேர்வர்களுக்கு பயிற்சி அளிக்கப்பட்டது. இதேபோல், சென்னை, மதுரை, கோவை உள்ளிட்ட 9 மையங்களில் இத்தேர்வு நடைபெறும் எனவும் டாஸ்மாக் நிர்வாகம் அறிவித்திருந்தது. இந்தநிலையில், இளநிலை உதவியாளர் தேர்வு தேதியை மாற்றி டாஸ்மாக் நிர்வாகம் அறிவிப்பை வெளியிட்டுள்ளது. அதன்படி, ஆகஸ்ட் 4ம் தேதிக்கு பதில் ஆகஸ்ட் 18ம் தேதி எழுத்துத்தேர்வு நடைபெறும் என டாஸ்மாக் நிர்வாகம் அறிவித்துள்ளது.மேலும், தேர்வு எழுதுபவர்கள் டாஸ்மாக் இணையத்தில்(www.tasmac.co.in)தங்களின் நுழைவு அனுமதி சீட்டை பதிவிறக்கம் செய்துகொள்ளலாம் எனவும் தெரிவித்துள்ளது. இதுகுறித்த சுற்றறிக்கையை அனைத்து மாவட்ட மேலாளர்களுக்கும் நிர்வாகம் அனுப்பியுள்ளது

👍Join Our📱Facebook🌍Page👉Click Here Press Ur Reaction Below& Share Ur Whatsapp Groups - Thank U