👍Join Our📱Facebook🌍Page👉Click Here
👍Join Our📱Telegram🌍Group👉Click Here Share This News To Ur Groups& Add 8807414648
மன்னார்குடிக்கு அருகே 'சவளக்காரன்' என்ற குக்கிராமத்தில் அமைந்துள்ளது அரசு ஆதிதிராவிடர் நலன் மேனிலைப்பள்ளி. இந்தப் பள்ளிக்கென்று நிலையான உடற்கல்வி ஆசிரியர் கிடையாது. முறையான விளையாட்டு மைதானம் கிடையாது. அங்குள்ள ஊர் பஞ்சாயத்தார்களின் முயற்சியில் வயலுக்கு நடுவே சிறிய மைதானம் அமைக்கப்பட்டுள்ளது. விளையாடச் செல்லும் மாணவர்கள் பாசனத்திற்கு செல்லும் நீரைத் தாண்டித்தான் செல்ல வேண்டும்.
அப்படிப்பட்ட இடத்தில் விளையாடியவர்கள்தான் அதே ஊரைச் சேர்ந்த காவ்யாவும் ப்ரியதர்ஷினியும். கிராமங்களில் பரிச்சயமாக அல்லது எளிதில் அணுகக் கூடிய விளையாட்டாக கிரிக்கெட் இருக்கும். ஆனால், இவர்கள் கற்றது கால்பந்து. விளைவு, அகில இந்திய கால்பந்து கழகம் சென்ற ஆண்டு நடத்திய தேசிய அளவிலான கால்பந்து போட்டியில் தமிழக அணிக்காக வென்று தங்கம் பரித்தவர்களில் இருவர்களானார்கள் இவர்கள்.
அடிப்படைக் கட்டமைப்பு யாதுமில்லாத இடத்திலிருந்து தேசிய அளவில் வென்றது சாதனைத்தான். இரு மாணவிகளின் வெற்றியையும் மொத்த ஊரே கொண்டாடியது. ஒரு மாலைப்பொழுதில் பயிற்சியிலிருந்த இருவரையும் சந்தித்து பேசினோம்.
தொடரும் உடற்கல்வி ஆசிரியர் முத்துக்குமார், "நான் இப்பள்ளிக்கு 2012-ம் ஆண்டு பகுதிநேர உடற்கல்வி ஆசிரியராகப் பொறுப்பேற்றேன். அதுவரை இங்கு மைதானம் இல்லை. எந்தவித விளையாட்டுகளும் முன்னெடுக்கப்படவில்லை. மேனிலைப் பள்ளிக்கென்று கண்டிப்பாக விளையாட்டு மைதானம் இருக்க வேண்டும். பலமுறை வற்புறுத்தியும் ஏற்பாடு செய்யப்படவில்லை. கிடைத்த ஊர் நிலத்தில், அதற்கேற்ப கால்பந்து பயிற்சி மட்டும் கொடுத்து வருகிறேன். நான் ஒரு கால்பந்து வீரர். நான் விரும்பிய விளையாட்டை மாணவர்களிடம் சேர்க்க வேண்டும் என்று விரும்பினேன்.
குடும்பமும் சூழலும் ஒத்துழைத்ததால் எந்த இடர்பாடும் வெற்றியைத் தடுக்க முடியாது என்பதை நிரூபித்திருக்கிறார்கள். இந்த முறை இந்திய அணியில் இருவராலும் இடம்பெற முடியவில்லை. கால்பந்தில் வெல்வதையே லட்சியமாகக் கொண்டு பயிற்சியைத் தொடர்கிறார்கள்... அதே மைதானத்தில்!
நன்றி -விகடன்
👍Join Our📱Facebook🌍Page👉Click Here
👍Join Our📱Telegram🌍Group👉Click Here கணினிக்கல்வி செய்திகளை உங்கள் WhatsApp Groupல் உடனடியாக பெறுவதற்கு 8807414648 இந்த எண்ணை இணைக்கவும்
