அடுத்த வாரம் சட்ட பல்கலை ரிசல்ட் வெளியீடு

தமிழக சட்ட பல்கலையின், 'ஆன்லைன் செமஸ்டர்' தேர்வு முடிவுகள், மே முதல் வாரத்தில் வெளியாகும் என, அறிவிக்கப்பட்டுள்ளது. இது குறித்து, பல்கலையின் தேர்வு கட்டுப்பாடு அதிகாரி ஸ்ரீனிவாசன் வெளியிட்ட செய்திக்குறிப்பு:தமிழ்நாடு டாக்டர் அம்பேத்கர் சட்ட பல்கலையின் கீழ் செயல்படும், சீர்மிகு சட்ட பள்ளி மற்றும் பல்கலையுடன் இணைப்பு பெற்ற சட்ட கல்லுாரி மாணவர்களுக்கு, ஆன்லைனில் செமஸ்டர் தேர்வு நடத்தப்படுகிறது. சட்டப் படிப்பு தேர்வுகளுக்கான முடிவுகள் - தேர்வு கட்டுப்பாட்டு அலுவலர் அறிவிப்பு.
இளநிலை மற்றும் முதுநிலை மாணவர்களுக்கு, ஜன., முதல், மார்ச் வரை நடத்தப்பட்ட தேர்வு முடிவுகள், மே மாதம் முதல் வாரத்தில் வெளியிடப்படும்.மாணவர்கள், பல்கலை இணையதளத்தில், ஆன்லைன் வழியே விபரங்களை தெரிந்து கொள்ளலாம். இவ்வாறு அதில் கூறப்பட்டுள்ளது.