11ம் வகுப்பு அகமதிப்பெண் வழங்குவதில் பாகுபாடா ? அரசாணை ரத்து கோரிய வழக்கு

👍Join Our📱WhatsApp🌍Group👉Click Here 👍Join Our📱Telegram🌍Group👉Click Here 👍Join Our📱Twitter🌍Page👉Click HereAdd 9123576459 To Ur Groups

11ஆம் வகுப்பில் அகமதிப்பெண் வழங்கு தல் மற்றும் தேர்ச்சி மதிப் பெண் நிர்ணயித்தலில் பாகுபாடு காட்டும் அரசாணை எண் 50 ஐ ரத்து செய்யக்கோரிய வழக்கை ஜூலை 27 ம் தேதிக்கு ஒத்தி வைத்து ஐகோர்ட் மதுரை கிளை உத்தரவிட்டது. மதுரையைச் சேர்ந்த ராமலிங்கம் , ஐகோர்ட் மதுரை கிளையில் தாக்கல் செய்த பொதுநல மனு 2017-18ம் கல்வியாண்டு முதல் 11 ம் வகுப்புத்தேர்வும் பொதுத்தேர்வாக நடத்தப்படும் என தமிழக அரசு அரசாணை வெளியிட்டது . 11 ம் வகுப் பின் மதிப்பெண்கள் 600 வெயிட்டேஜ் முறையில் கணக்கில் எடுக்கப்படும் எனவும் , தேர்ச்சி மதிப் பெண்ணாக 35 ம் நிர்ண யிக்கப்பட்டுள்ளது என்றும் தெரிவிக்கப்பட்டது . தொழில் சார்ந்த பிரிவுகளில் , செய்முறை தேர்வுகளில் 75 மதிப்பெண்களுக்கு 20 மதிப்பெண்களைப் பெற வேண்டும். செய்முறை மற்றும் எழுத்துத்தேர்வுகளை சேர்த்து மொத்தம் 35 மதிப்பெண்கள் தேர்ச்சி மதிப்பெண்களாக நிர்ணயிக்கப்பட்டுள்ளன. எழுத்துத் தேர்வில் தேர்ச்சி பெற செய்முறை தேர்வை கொண்ட மாணவர்கள் 21.47 சதவீதம் மதிப்பெண்களையும் , செய்முறை தேர்வல்லாத மாணவர்கள் 27.77 சதவீத மதிப்பெண்களையும் பெற வேண்டியுள்ளது. 6.3 சதவீத மதிப்பெண் வித்தி யாசம் உள்ளது.

இதனால் செய்முறை தேர்வற்ற மாணவர்கள் அதிக மன அழுத்தத்திற்கு ஆளாகின்றனர் . ஆகவே , மதிப்பெண் வழங்குவதில் பாகுபாடு காட்டும் அரசாணை எண் 50 ஐ ரத்து செய்யவும் , அனைத்து மாணவர்களுக்கும் ஒரே மாதிரியான அகமதிப்பெண் மதிப்பெண் வழங்கும் முறையை பின்பற்றவும் உத்தரவிட வேண்டும். இவ்வாறு கூறப்பட்டி ருந்தது. இந்த மனு நீதிபதிகள் சத்தியநாராயணன் , ராஜ மாணிக்கம் ஆகியோர் முன்பு விசாரணைக்கு வந்தது. பள்ளிக்கல்வித்துறை கூடுதல் செயலர் தரப்பில் தாக்கல் செய்யப்பட்ட பதில்மனுவில் , " குறைந்த பட்ச தேர்ச்சி மதிப்பெண் 35 சதவீதம் என்பதன் காரணமாகவே இவ்வாறு மதிப்பெண்கள் நிர்ணயம் செய்யப்பட்டுள்ளது. தேர்ச்சி மதிப்பெண்ணை பொறுத்தவரை அனைத்து மாணவர்களுக்கும் 35 சதவிகிதம் என்றுதான் தீர்மானிக்கப்பட்டுள்ளது. இதில் எவ்வித பாகுபாடும் இல்லை . ஆகவே இவ்வழக்கை தள்ளுபடி செய்து உத்தரவிட வேண் டும் ” என கூறப்பட்டிருந்தது. மனுதாரர் தரப்பில் கால அவகாசம் கோரியதை அடுத்து , நீதிபதிகள் வழக்கை ஜூலை 27 ம் தேதிக்கு ஒத்தி வைத்து உத்தரவிட்டனர்.