கொரோனா வைரஸ் காரணமாக கடந்த மார்ச் மாதம் முதல் கல்லூரிகள் மூடப்பட்டுள்ள நிலையில், அடுத்ததாக 2020-21 கல்வியாண்டிற்கு செப்டம்பர் மாதம் கல்லூரிகள் திறக்கலாம் என்று யுஜிசி..யின் உயர்மட்ட ஆலேசானைக்குழு பரிந்துரை செய்துள்ளது.
இந்தியாவில் கொரோனா நோய் தொற்றுதலைக் கட்டுபடுத்தும் முன்னெச்சரிக்கை நடவடிக்கையாக கடந்த மார்ச் 16 ஆம் தேதி முதல் கல்வி நிறுவனங்கள் மூடப்பட்டன. இதனால் பள்ளி, கல்லூரிகள் தேர்வுகள், பொதுத்தேர்வுகள் அனைத்தும் ஒத்திவைக்கப்பட்டன. ஏப்ரல் 14 ஆம் தேதி வரையில் பிறப்பிக்கப்பட்ட ஊரடங்கு, மே 3 ஆம் தேதி வரையில் நீட்டிப்பு செய்யப்பட்டது. இதனிடையே கல்லூரிகள் திறப்பு, தேர்வுகள் நடத்துவது குறித்து யுஜிசி தரப்பில் உயர்மட்டக் குழு அமைக்கப்பட்டது.
இந்த நிலையில், அடுத்த கல்வியாண்டிற்கான வகுப்புகள் செப்டம்பர் மாதம் தொடங்கலாம் என்று யுஜிசி.,யின் உயர்மட்ட ஆலோசனைக்குழு பரிந்துரை செய்துள்ளது. வழக்கமாக ஒவ்வொரு ஆண்டும் ஜூலை மாதத்தில் கல்வியாண்டு தொடங்கும். ஆனால், இந்தாண்டு கொரோனா வைரஸ் காரணமாக இன்னும் செமஸ்டர் தேர்வு, நுழைவுத் தேர்வுகளே நடத்தப்படவில்லை. அதன் பிறகு தான் கல்வியாண்டு தொடங்கும். ஒட்டுமொத்தமாக 2020-21 கல்வியாண்டு தொடங்குவது முற்றிலும் பாதிக்கப்பட்டுள்ளது.
யுஜிசி உயர்மட்டக் குழுவின் பரிந்துரையின் அடிப்படையிலேயே வரும் கல்வியாண்டிற்கான நெறிமுறைகள், பல்கலைக்கழக தேர்வுகள் கட்டமைப்பு உருவாக்கப்படும். தற்போது யுஜிசி.,யின் இந்த பரிந்துரைகளை மத்திய அரசு ஆய்வு செய்யும். அதன்பிறகு உச்சநீதிமன்றத்தில் விளக்கமளித்து, மெடிக்கல் மற்றும் இன்ஜினியரிங் படிப்புகளுக்கான அட்மிஷனை நீட்டிப்பு செய்யப்படும் என்று எதிர்பார்க்கப்படுகிறது.
வழக்கமாக மருத்துவப்படிப்புகளுக்கான அட்மிஷன் ஆகஸ்ட் 31 ஆம் தேதியும், பொறியியல் படிப்புகளுக்கான அட்மிஷன் ஆகஸ்ட் 15 ஆம் தேதியும் முடிவடையும் என்பது குறிப்பிடத்தக்கது.
👍Join Our📱Telegram🌍Group👉Click Here
Press Ur Reaction Below& Share Ur Whatsapp Groups - Thank U
No comments:
Post a Comment
நண்பர்களே.. வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.