விவசாயிகளுக்கு நல்ல காலம் பிறக்குது! வேளாண் பல்கலை புதிய திட்டம்

👍Join Our📱WhatsApp🌍Group👉Click Here
👍Join Our📱Facebook🌍Page👉Click Here
👍Join Our📱Telegram🌍Group👉Click Here Share This News To Ur Groups& Add 9123576459

விவசாயிகளின் வாழ்வாதாரத்தை மேம்படுத்தும் வகையில், கிராமத்தை தத்தெடுக்கும் திட்டம், வரும் மே மற்றும் - ஜூன் மாதங்களில் செயல்படுத்தப்படவுள்ளது. விவசாயிகளின் வருமானத்தை இரட்டிப்பாக்க, மத்திய, மாநில அரசுகள் பல்வேறு செயல்திட்டங்களை வகுத்து வருகின்றன. இந்நிலையில், கிராமத்தை தத்தெடுக்கும் திட்டம் வாயிலாக, விவசாயிகளின் வருமானத்தை இரட்டிப்பாக்க, வேளாண் பல்கலை தரப்பில், புதிய திட்டம் வகுக்கப்பட்டுள்ளது. அதன்படி, தேர்வு செய்யப்படும் கிராமங்களில், முதல்கட்டமாக ஆய்வு பணிகள் விரைவில் துவங்கவுள்ளன. ஆய்வில், கிராம மக்களின் அடிப்படை பொருளாதாரம், விவசாயிகளின் வருமானம், பயன்படுத்தப்படும் தொழில்நுட்பம், மானாவாரி நிலங்களின் தன்மை, மண் வளம், உற்பத்தி திறன் என அனைத்து தகவல்களும் தொகுக்கப்படவுள்ளன.

இந்த தகவல்களின் அடிப்படையில், தத்து கிராமம் முடிவு செய்யப்படவுள்ளது. இத்திட்டம் தொடர்பான, ஆலோசனை கூட்டம், வேளாண் பல்கலையில், நாளை மற்றும் நாளை மறுநாள் நடக்கவுள்ளது. இதுகுறித்து, பல்கலை துணைவேந்தர் குமார் கூறியதாவது: விவசாயிகளின் வாழ்வாதாரத்தை மேம்படுத்த, மாதிரிகிராமத்தை தத்தெடுக்கவுள்ளோம். கிராமத்தின் தட்பவெப்பநிலை, விவசாயிகளின் தேவைகளின் அடிப்படையில், இக்கிராமத்தை தேர்வு செய்வோம். இதற்கான நிதியுதவியை, நபார்டு வங்கியிடம் பெற உத்தேசித்துள்ளோம். கிராம மக்களுக்கு விவசாய மேம்பாட்டுக்கான உரிய ஆலோசனைகள் வழங்கி, சந்தைப் படுத்துதல், தொழில்நுட்ப பயன்பாடு போன்றவற்றில், பயிற்சிகள் வழங்கப்படும்.அரசின் திட்டங்கள், மானியம் குறித்தும் விழிப்புணர்வு ஏற்படுத்தப்படும். எங்கள் முயற்சியின் வாயிலாக, விவசாயிகளின் வருமானம் மேம்படுத்தப்படும்.இவ்வாறு, அவர் கூறினார்.

மேலே நீங்கள் படித்த செய்திக்கு உங்களின் Reactionஐ கீழே Click செய்தபின் WhatsAppல் Share செய்யவும் - நன்றி.

👍Join Our📱WhatsApp🌍Group👉Click Here
👍Join Our📱Facebook🌍Page👉Click Here
👍Join Our📱Telegram🌍Group👉Click Here கணினிக்கல்வி செய்திகளை உங்கள் WhatsApp Groupல் உடனடியாக பெறுவதற்கு 9123576459 இந்த எண்ணை இணைக்கவும்