மூன்றாவது நாளாக பள்ளிக்குச் செல்லாமல் மாணவர்கள் போராட்டம். காரணம்..

👍Join Our📱WhatsApp🌍Group👉Click Here 👍Join Our📱Telegram🌍Group👉Click Here👍Join Our📱Facebook🌍Page👉Click Here👍Join Our📱Twitter🌍Page👉Click HereAdd 9123576459 To Ur Groups

மணப்பாறை அருகே அரசு உதவி பெறும் பள்ளியை அரசு பள்ளியாக மாற்றக் கோரி, மாணவ, மாணவிகளை பள்ளிக்கு அனுப்ப மறுத்து பெற்றோர் 3 வது நாளாக போராட்டத்தில் ஈடுபட்டு வருகின்றனர் திருச்சி மாவட்டம், மணப்பாறையை அடுத்த அமயபுரம் பகுதியில் அரசு உதவி பெறும் தொடக்கப்பள்ளி ஒன்று செயல்பட்டு வருகின்றது. இந்த பள்ளியின் கட்டிடம் மிகவும் சேதமடைந்துள்ளது. பின்னர் பள்ளி அருகில் உள்ள தேசிய ஊரக வேலை உறுதி திட்டத்திற்காக கட்டப்பட்ட சேவை மையக்கட்டிடத்தில் இயங்கி வருகின்றது. இதனால் பள்ளியை உடனடியாக அரசு பள்ளியாக மாற்றி, புதுக்கட்டிடம் கட்டிட வேண்டும் என்று மாணவ, மாணவிகள் பெற்றோர்களும் பலமுறை கோரிக்கை விடுத்து வந்தனர்.

அரசு உதவி பெறும் பள்ளியை அரசு பள்ளியாக மாற்றிட வேண்டும் சமீபத்திய பாராளுமன்ற தேர்தல் புறக்கணிப்பிலும் ஈடுபட்டனர். பின்னர் அதிகாரிகள் பேச்சுவார்த்தை நடத்தியதை அடுத்து தேர்தல் புறக்கணிப்பை கைவிட்டனர். இந்நிலையில் இந்த கல்வியாண்டின் துவக்கத்தில் அரசு பள்ளியாக மாற்றப்படும் என்று பெரிய எதிர்ப்பார்ப்பில் மாணவ, மாணவிகளின் பெற்றோர் மற்றும் கிராம மக்கள் காத்திருந்தனர்.

இந்நிலையில் கோடை விடுமுறை முடிந்ததும் வழக்கம் போல் அரசு உதவி பெறும் பள்ளியாகவே செயல்படத் தொடங்கியதை அடுத்து மாணவ, மாணவிகளை பள்ளிக்கு அனுப்ப மறுத்து பெற்றோர் 3 வது நாளாக போராட்டத்தில் ஈடுபட்டு வருகின்றனர். பள்ளிக்கு மாணவ, மாணவிகள் விடுமுறை முடிந்தும் செல்லாத நிலையில் மாணவ, மாணவிகளின் கல்வி கேள்விக்குறியாகி வந்தாலும் இதுவரை அதிகாரிகள் யாரும் அதைப்பற்றி கண்டுகொள்ளவும் இல்லை, பேச்சுவார்த்தை நடத்தவும் இல்லை. இதனால் வேதனை அடைந்துள்ள பொதுமக்கள் தங்கள் பிள்ளைகளின் மாற்றுச் சான்றிதழை பள்ளியில் இருந்து வாங்கி வருகின்றனர்.

👍Join Our📱Facebook🌍Page👉Click Here Press Ur Reaction Below& Share Ur Whatsapp Groups - Thank U