ஆசிரியர்களுக்கு அதிர்ச்சி செய்தி: டெட் தேர்வில் தேர்ச்சியடைந்தால் மட்டுமே பதவி உயர்வு - புதுச்சேரி அரசு அதிரடி உத்தரவு!

பள்ளிக்கல்வித்துறையில் பணியாற்றும் ஆசிரியர்களின் பதவி உயர்வு மற்றும் நியமனங்கள் தொடர்பாக அதிரடி திருப்பமாக, உச்சநீதிமன்ற தீர்ப்பின் அடிப்படையில் புதுச்சேரி அரசு புதிய அரசாணையை வெளியிட்டுள்ளது. இதன் மூலம் ஆசிரியர்கள் தங்களது பதவி உயர்வைப் பெற ஆசிரியர் தகுதித் தேர்வு (TET) தேர்ச்சி பெறுவது கட்டாயமாக்கப்பட்டுள்ளது. இந்தச் செய்தி தற்போது கல்வி வட்டாரத்தில் பெரும் பரபரப்பை ஏற்படுத்தியுள்ளது.

புதுச்சேரி அரசு வெளியிட்ட அரசாணை எண் 29 - முக்கிய விவரங்கள்:

உச்சநீதிமன்றத்தின் வரலாற்றுச் சிறப்புமிக்க தீர்ப்புகளைத் தொடர்ந்து, புதுச்சேரி அரசுப் பள்ளிகளில் பணியாற்றும் ஆசிரியர்களின் பதவி உயர்வுக்கான புதிய வழிகாட்டு நெறிமுறைகள் G.O.Ms.No. 29-ன் கீழ் அறிவிக்கப்பட்டுள்ளன. அதன்படி கீழ்க்கண்ட விதிமுறைகள் உடனடியாக அமலுக்கு வந்துள்ளன:

முதன்மைப் பள்ளி ஆசிரியர் பதவி உயர்வு: தொடக்கப் பள்ளி ஆசிரியர் நிலையிலிருந்து பட்டதாரி ஆசிரியர் (TGT) அல்லது தொடக்கப் பள்ளி தலைமை ஆசிரியராக பதவி உயர்வு பெற விரும்பும் ஆசிரியர்கள் கண்டிப்பாக 'டெட் தாள்-1' (TET Paper-I) தேர்ச்சியடைந்திருக்க வேண்டும்.
பட்டதாரி ஆசிரியர் பதவி உயர்வு: பட்டதாரி ஆசிரியர் நிலையிலிருந்து விரிவுரையாளர் (Lecturer) அல்லது இரண்டாம் நிலை தலைமை ஆசிரியராக பதவி உயர்வு பெற 'டெட் தாள்-2' (TET Paper-II) தேர்ச்சி பெற்றிருப்பது கட்டாயமாகும்.
ஓய்வுபெறும் கால வரம்பு: செப்டம்பர் 1, 2025 நிலவரப்படி 5 ஆண்டுகளுக்குக் குறைவான சேவை காலத்தை கொண்டுள்ள ஆசிரியர்கள் டெட் தேர்வு இல்லாமலேயே தங்களது தற்போதைய பணியில் ஓய்வு பெறும் வரை தொடரலாம்; எனினும் அவர்கள் டெட் தேர்ச்சி பெறாத வரை பதவி உயர்வுக்கு தகுதியற்றவர்கள் ஆவர்.
சேவைக் கால வரம்பு உள்ள ஆசிரியர்கள்: செப்டம்பர் 1, 2025 நிலவரப்படி 5 ஆண்டுகளுக்கு மேல் பணி காலம் உள்ள ஆசிரியர்கள் வரும் 31.08.2028-க்குள் கட்டாயமாக டெட் தேர்வில் தேர்ச்சி பெற வேண்டும். அதன் பின்னரே அவர்கள் இதர விதிமுறைகளின்படி பதவி உயர்வுக்கு பரிசீலிக்கப்படுவார்கள்.

தமிழ்நாட்டில் ஆசிரியர் பதவி உயர்வு விதிகள் என்ன?

புதுச்சேரி அரசின் இந்த உத்தரவு ஒருபுறம் இருக்க, தமிழ்நாட்டைப் பொறுத்தவரை ஆசிரியர்களின் பதவி உயர்வு விதிகளில் கூடுதல் நிபந்தனைகள் பின்பற்றப்படுகின்றன. தமிழ்நாட்டில் பதவி உயர்வு பெற TET தேர்ச்சியுடன் சேர்த்து, ஒவ்வொரு பணியிடத்திலும் குறைந்தபட்சம் 5 ஆண்டுகள் தொடர்ந்து பணியாற்றியிருக்க வேண்டும் என்ற கூடுதல் விதியும் நடைமுறையில் உள்ளது. தமிழகத்தில் டெட் தேர்வு தகுதி மற்றும் பணி அனுபவத்தை அடிப்படையாகக் கொண்டே அடுத்தடுத்த நிலைகளுக்கான பதவி உயர்வுகள் வழங்கப்பட்டு வருகின்றன.

கல்வித்துறை மற்றும் ஆசிரியர்களின் எதிர்காலம்:

மத்திய அரசின் கல்வி உரிமைச் சட்டம் மற்றும் தேசிய ஆசிரியர் கல்விப் பேரவையின் (NCTE) வழிகாட்டுதல்களின்படி ஆசிரியர் தகுதித் தேர்வு (TET) என்பது கல்வித்துறையில் மிக முக்கியத் தகுதியாக பார்க்கப்படுகிறது. உச்சநீதிமன்ற உத்தரவின் தீவிரத்தன்மை காரணமாக, அனைத்து மாநில அரசுகளும் இந்த விமுறைகளைத் தீவிரமாக அமல்படுத்தத் தொடங்கியுள்ளனர். இதனால் நீண்ட காலமாக பதவி உயர்வுக்காகக் காத்திருக்கும் ஆசிரியர்கள் அனைவரும் குறிப்பிட்ட காலக்கெடுவுக்குள் டெட் தேர்ச்சி பெற வேண்டிய கட்டாயத்திற்கு ஆளாகியுள்ளனர்.

இது போன்ற நம்பகமான கல்விச் செய்திகள் மற்றும் அரசாணைகளின் உடனுக்குடனான விவரங்களைத் தெரிந்து கொள்ள நமது வலைதளத்துடன் இணைந்திருங்கள்!