According to a notice from the Tamil Nadu Teachers Education University, the integrated four-year B.Sc. B.Ed. and B.A. B.Ed. degree courses will be discontinued starting from the 2026-2027 academic year.
Admissions for four-year integrated B.Ed. programs are stopped from the upcoming academic year.
This decision is based on revised rules from the National Council for Teacher Education (NCTE).
Colleges are prohibited from admitting new students to these specific integrated programs.
The university will not be responsible for any admissions made in violation of these rules.
ஒருங்கிணைந்த 4 ஆண்டு பிஎட் மாணவர் சேர்க்கை வரும் கல்வியாண்டு முதல் நிறுத்தம்
வரும் கல்வியாண்டு முதல் ஒருங்கிணைந்த 4 ஆண்டு கால பிஎஸ்சி.பிஎட்., பிஏ.பிஎட். படிப்புகளுக்கு மாணவர் சேர்க்கை நடைபெறாது என தமிழ்நாடு ஆசிரியர் கல்வியியல் பல்கலைக்கழகம் அறிவித்துள்ளது. தற்போது கல்லூரிகளில் 3 ஆண்டு கால பட்டப் படிப்பை முடித்து அதன் பிறகு 2 ஆண்டு பிஎட் படித்தால் மொத்தம் 5 ஆண்டுகள் ஆகிவிடும். அதேநேரத்தில் ஒருங்கிணைந்த பிஎட் படிப்பை 4 ஆண்டுகளில் முடித்துவிடலாம். பிஎஸ்சி.,பிஎட்., பிஏ.,பிஎட். என்ற பெயரில் இந்த ஒருங்கிணைந்த 4 ஆண்டு பிஎட். படிப்பில் சேருவதால் ஓராண்டு காலம் மிச்சமாகும்.
எனவே ஆசிரியர் பணியில்சேர விரும்பும் மாணவர்கள் 4 ஆண்டு கால ஒருங்கிணைந்த பிஎட் படிப்பில் சேர விரும்புகிறார்கள். இந்த படிப்பானது குறிப்பிட்ட சில கல்வியியல் கல்லூரிகளிலும், நிகர்நிலை பல்கலைக்கழகங்களிலும் வழங்கப்படுகின்றன.
சுற்றறிக்கை:
இந்நிலையில், என்சிடிஇ-யின் உத்தரவைத் தொடர்ந்து வரும் கல்வியாண்டு முதல் 4 ஆண்டு கால ஒருங்கிணைந்த பிஎட். பட்டப் படிப்பு மாணவர் சேர்க்கை நிறுத்தப்படுவதாக அறிவிக்கப்பட்டுள்ளது. இது தொடர்பாக தமிழ்நாடு ஆசிரியர் கல்வியியல் பல்கலைக்கழகத்தின் பதிவாளர் (பொறுப்பு) கே.ராஜசேகரன், 4 ஆண்டு ஒருங்கிணைந்த பிஎட். படிப்பை வழங்கும் கல்வியியல் கல்லூரிகளின் முதல்வர்களுக்கு அனுப்பியுள்ள சுற்றறிக்கையில் கூறப்பட்டு இருப்பதாவது:
கடந்த 2025-ம் ஆண்டு செப்டம்பர் 12-ம் தேதி அன்று தேசிய ஆசிரியர் கல்வி கவுன்சில் (என்சிடிஇ) ஒரு பொது அறிவிப்பை வெளியிட்டது. அதில், ஒருங்கிணைந்த 4 ஆண்டு பிஎஸ்சி.,பிஎட். மற்றும் பிஏ.,பிஎட். பட்டப் படிப்புகள் 2026-27 கல்வியாண்டு முதல் நிறுத்தப்படுவதாகவும், அப்படிப்புகளை நடத்தும் எந்த வொரு கல்வி நிறுவனமும் புதிய மாணவர் சேர்க்கை செய்ய அனுமதிக்கப்படாது என்றும் தெரிவிக்கப்பட்டுள்ளது.
இந்த பொது அறிவிப்பின்படி, தமிழ்நாடு ஆசிரியர் கல்வியியல் பல்கலைக்கழகத்துடன் இணைப்பு பெற்று இயங்கும் கல்வியியல் கல்லூரிகளில் நடத்தப்படும் ஒருங்கிணைந்த 4 ஆண்டு பிஎஸ்சி.,பிஎட்., பிஏ.,பிஎட். பட்டப் படிப்புகளில் 2026-27-ம் கல்வியாண்டு முதல் மாணவர் சேர்க்கை மேற்கொள்ள அனுமதி இல்லை. என்சிடிஇ விதிமுறைகளை மீறி மாணவர் சேர்க்கை மேற்கொண்டால் அதற்கு தமிழ்நாடு ஆசிரியர் கல்வியியல் பல்கலைக்கழகம் எந்த விதத்திலும் பொறுப்பேற்காது. இவ்வாறு அதில் கூறப்பட்டுள்ளது
No comments:
Post a Comment
நண்பர்களே.. வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.