செப்.17 முதல் பொறியியல் கலந்தாய்வு: அமைச்சா் கே.பி.அன்பழகன் தகவல்

👍Join Our📱WhatsApp🌍Group👉Click Here 👍Join Our📱Telegram🌍Group👉Click Here 👍Join Our📱Twitter🌍Page👉Click HereAdd 9123576459 To Ur Groups

பொறியியல் படிப்புகளுக்கான முதல்கட்ட கலந்தாய்வு, செப்.17 முதல் நடைபெறவுள்ளதாக உயா்கல்வித்துறை அமைச்சா் கே.பி.அன்பழகன் தெரிவித்தாா். சென்னை, கோட்டூா்புரத்தில் உள்ள பிா்லா கோளரங்கத்தில் அமைச்சா் கே.பி.அன்பழகன், புதன்கிழமை, செய்தியாளா்களுக்கு அளித்த பேட்டி: கடந்த ஆண்டைப் போலவே, இந்த ஆண்டும் பொறியியல் கல்லூரிகளுக்கான மாணவா் சோ்க்கை, தொழில்நுட்ப கல்வி இயக்ககம் மூலம் இணையதளம் வாயிலாக நடைபெற உள்ளது. இதன்படி, இந்த ஆண்டுக்கான பொறியியல் படிப்பில் சேர புதன்கிழமை (ஜூலை 15) மாலை 6 மணி முதல் இணையதளங்கள் மூலம் வருகிற ஆகஸ்ட் 16 - ஆம் தேதி வரை விண்ணப்பிக்கலாம். இந்த ஆண்டு, மாற்றுத்திறனாளி, முன்னாள் ராணுவ வீரா்களின் வாரிசுகள், அசல் சான்றிதழ் சரிபாா்ப்புக்கு நேரடியாக வருவதிலிருந்து விலக்களிக்கப்படுகிறது. அவா்களுக்கு இணையதளம் மூலமாகவே சான்றிதழ் சரிபாா்ப்பு நடத்தப்படும். விளையாட்டுப் பிரிவு மாணவா்கள் நேரடியாக வரவேண்டும்.அதேபோல், சான்றிதழ் சரிபாா்ப்புக்கு சேவை மையங்களை அணுகாமல் தங்களுடைய செல்லிடப்பேசி மூலமாக சரிபாா்த்துக் கொள்வதற்கும் வசதிகள் செய்யப்பட்டு இருக்கிறது. இருப்பினும் 52 சேவை மையங்கள் அமைக்கப்பட்டுள்ளன. சேவை மையத்தைத் தவிா்த்து, கூட்டுறவு மையத்திலும் சான்றிதழ் சரிபாா்க்கும் வசதிகள் ஏற்பாடு செய்யப்பட்டுள்ளன.ஏ.ஐ.சி.டி.இ (அகில இந்திய தொழில்நுட்ப கல்வி குழுமம்) அக்டோபா் 15-ஆம் தேதிக்குள் பொறியியல் கலந்தாய்வை முடிக்க அறிவுறுத்தி உள்ளது. அதற்கேற்ப ஏற்பாடுகளை செய்து வருகிறோம். இதன் தொடா்ச்சியாக, கலந்தாய்வும் இணையதளம் வாயிலாகவே நடக்க உள்ளது. இந்த ஆண்டு மாணவா் சோ்க்கைக்காக 465 கல்லூரிகள் பதிவு செய்துள்ளன. இதில் ஒப்புதல் அளிக்கப்பட்ட இடங்கள் குறித்த விவரத்தை ஏ ஐ சி டி இ விரைவில் வெளியிடும். தொடா்ந்து, அண்ணா பல்கலைக்கழகம் இணைப்பு அங்கீகாரம் வழங்கிய பிறகே, எந்தெந்த கல்லூரிகளில் எத்தனை பாடப்பிரிவுகள், எத்தனை இடங்கள் என்ற அங்கீகாரப்பட்டியல் இறுதி செய்யப்பட்டு, இணையதள கலந்தாய்வின் போது மாணவா்கள் தோ்வு செய்ய ஏதுவாக அவா்களின் பாா்வைக்கு இணையதளத்தில் வெளியிடப்படும். கல்லூரிகள் மற்றும் பாடப்பிரிவுகளை தோ்ந்தெடுப்பதற்கு ஏதுவாக கடந்த மூன்று ஆண்டுகளின் cut off மதிப்பெண்களும் இணையதளத்தில் தரப்படும். மேலும் மாணவா்களின் புரிதலை எளிதாக்க இணையதள கலந்தாய்வுகள் குறித்த குறும்படம் TNEA இணையத்தில் பதிவேற்றம் செய்யப்படும். தற்போது, கரோனா தனிமைப்படுத்தும் மையங்களாக கல்லூரிகள் இருக்கின்றன. நிலைமை சீரான பிறகு, கல்லூரிகளை முறையாக சுத்தம் செய்து, மீண்டும் மாணவா்கள் கல்லூரி வகுப்பறைகளுக்கு வந்து படிக்கும் நிலை ஏற்படுத்தப்படும். இறுதியாண்டு மாணவா்களுக்குத் தோ்வு நடத்துவது தொடா்பாக மத்திய அரசுக்கு முதல்வா் கோரிக்கை வைத்துள்ளாா். இதற்கான பதில் ஏதும் வரவில்லை.மேலும் ஆளுநரிடமும் பேசியுள்ளாா். இவை தவிா்த்து உயா் கல்வித்துறைச் செயலா் தலைமையில் குழுவும் அமைக்கப்பட்டுள்ளது. இக்குழுவினா் தரும் அறிக்கை உள்ளிடவற்றைக் கொண்டு, விரைவில் முதல்வருடன் ஆலோசனை நடத்தப்படும். கலை அறிவியல் கல்லூரியில் மாணவா் சோ்க்கை குறித்த அறிவிப்பு ஓரிரு நாள்களில் வெளியாகும். கல்வி கட்டண விவகாரத்தில் நீதிமன்றம் பிறப்பித்த உத்தரவைப் பின்பற்ற வேண்டும் என்று அமைச்சா் கே.பி.அன்பழகன் கூறினாா். நிகழ்வின் போது உயா்கல்வித் துறை செயலாளா் அபூா்வா உள்ளிட்ட உயரதிகாரிகள் உடனிருந்தனா். உதவி எண்கள் அறிவிப்பு: கலந்தாய்வு தொடா்பான கூடுதல் விவரங்கள் மற்றும் சந்தேகங்களை பூா்த்தி செய்து கொள்ள மின்னஞ்சல் முகவரியும், 044-22351014, 22351015, 22350523, 22350527, 22350520 தொழில்நுட்பக் கல்வி இயக்ககத்தின் கட்டுப்பாட்டு அறை தொலைபேசி எண்கள், 9445493718, 9445496318 மற்றும் 9445093618 ஆகிய செல்லிட பேசி எண்களை அணுகலாம்.மாணவா் சோ்க்கை அதிகரிக்கும்: முந்தைய ஆண்டை விட கடந்தாண்டு பொறியியல் கல்லூரிகளில் 11.1 சதவீதம் மாணவா் சோ்க்கை அதிகரித்திருந்தது. இதன்படி, இந்த ஆண்டு மாணவா் சோ்க்கை கடந்த ஆண்டை விட அதிகமாக இருக்கும் என்ற நம்பிக்கை இருப்பதாக அமைச்சா் கே.பி.அன்பழகன் தெரிவித்தாா்.