பள்ளிகளை முன்னறிவிப்பின்றி பார்வையிடும் போது கல்வி அலுவலர்கள் கடைபிடிக்க வேண்டிய அறிவுரைகள்

👍Join Our📱WhatsApp🌍Group👉Click Here👍Join Our📱Telegram🌍Group👉Click Here👍Join Our📱Twitter🌍Page👉Click HereAdd 9361194452 To Ur Groups

வட்டாரக் கல்வி அலுவலர்கள் ( BEOS ) பள்ளிகளில் பயிலும் மாணவர்களின் கற்றல் அடைவுத் திறன் , ஆசிரியர்களின் கற்பித்தல் திறன் , நலத்திட்டங்கள் செயல்படுத்துதல் , பள்ளி சுற்றுப்புறச் சூழல் ஆகியவை சிறந்து விளங்கிடப் பள்ளிகளை முன்னறிவிப்பின்றி பார்வையிடுதல் ( Surprise Visit ) மற்றும் ஆண்டாய்வு செய்தல் ( Annual Inspection ) மிகவும் அவசியமாகும் . எனவே பள்ளிகளை முன்னறிவிப்பின்றி பார்வையிடுதல் , ஆண்டாய்வு மேற்கொள்ளும் போது கீழ்க்கண்ட வழிகாட்டுதல்களைப் பின்பற்றுமாறு அறிவுறுத்தப்படுகிறது . 1.வட்டாரக் கல்வி அலுவலர்கள் பள்ளி முன் அறிவிப்பின்றி பார்வையின் போது காலை வழிபாட்டுக் கூட்டத்தில் கலந்து கொண்டு தமிழ்த்தாய் வாழ்த்து , தேசியக் கொடி ஏற்றுதல் , கொடிப் பாட்டு , உறுதிமொழி , திருக்குறள் வாசித்தல் , தலைப்புச் செய்திகள் வாசித்தல் , பொது அறிவுச்செய்தி தெரிவித்தல் , ஆசிரியர் அறநெறி உரை மற்றும் நாட்டுப்பண் பாடுதல் போன்றவை இடம்பெறுதலை உறுதி செய்தல் வேண்டும் . 2.வட்டாரக் கல்வி அலுவலர்கள் பள்ளிகளை முன் அறிவிப்பின்றி பார்வையிடும்போது ஒரு பள்ளியில் குறைந்தது 2 மணி நேரம் இருத்தல் வேண்டும் .

3 . ஒரு மாதத்திற்குக் குறைந்தது 20 பள்ளிகள் முன் அறிவிப்பின்றி பார்வையும் , 5 பள்ளிகள் ஆண்டாய்வும் மேற்கொள்ள வேண்டும் . 4.வட்டாரக் கல்வி அலுவலர்கள் பள்ளி முன் அறிவிப்பின்றி பார்வை மற்றும் ஆண்டாய்வின் போது அனைத்து வகுப்புகளுக்கும் சென்று மாணவர்களின் கற்றல் அடைவுத் திறன் , வாசிப்புத் திறன் , எழுதும் திறன் மற்றும் கையெழுத்துப் பயிற்சியேடு , கட்டுரைப் பயிற்சியேடு திருத்தம் , Graph பயிற்சியேடு . Geometry பயிற்சியேடு திருத்தம் , Map drawing பயிற்சியேடு திருத்தம் , மதிப்பெண் பதிவேடு ( Progress Report ) மற்றும் மாணவர்களின் வருகைப்பதிவேடு போன்றவற்றை ஆய்வு செய்தல் வேண்டும் . மேலும் Achievement Register இல் மாணவர்களின் கற்றல் அடைவுகள் சார்ந்த பதிவுகள் அனைத்தும் முறையாக பதியப்பட்டுள்ளதா என்பதை ஆய்வின் போது உறுதி செய்தல் வேண்டும் . 5.யோகா , பாட இணை செயல்பாடுகள் பள்ளியில் செயல்படுத்தப்படுகிறதா என்பதை ஆய்வு செய்தல் வேண்டும் . 6 . அனைத்து நலத்திட்டங்களும் மாணவர்களுக்குச் சரியாக சென்றடைந்துள்ளதா என்பதை வழங்கல் பதிவேட்டின் ( Issue Register ) அடிப்படையில் ஆய்வு செய்து உறுதி செய்தல் வேண்டும் . 7 . பள்ளி முன் அறிவிப்பின்றி பார்வையின் போது சிறப்பாக செயல்படும் ஆசிரியர்களைப் பாராட்டி ஊக்குவித்தல் வேண்டும் .

8.பள்ளி முன்னறிவிப்பின்றி பார்வையின் போது தொலைக்காட்சிப் பெட்டி , கணினி , மடிக்கணினி , குறுந்தகடுகள் பயன்பாடு , விரைவு துலங்கள் குறியீட்டு பயன்பாடு , ஆங்கில அகராதி ( Dictionary ) பயன்பாடு , அறிவியல் மற்றும் கணித உபகரணப்பெட்டி பயன்பாடு , ஆகியன சார்ந்தும் ஆய்வு செய்தல் வேண்டும் . மேலும் மாணவர்களுக்கு Mass Drill நடத்தப்படுகிறதா என்பதையும் உறுதி செய்தல் வேண்டும் . 9.மாணவர்களின் ஆங்கில பேச்சுத் திறனை அதிகரிக்க உதவும் Spoken English பயிற்சி கட்டகங்கள் பள்ளிகளுக்கு வழங்கப்பட்டுள்ளதா என்பதையும் , அந்தப் பயிற்சி கட்டகங்களைக் கொண்டு வாரம் ஒரு பாடவேளை மாணவர்களுக்கு Spoken English பயிற்சி ஆசிரியர்களால் அளிக்கப்படுவதையும் ஆய்வின் போது உறுதி செய்தல் வேண்டும் . 10 . நடுநிலைப்பள்ளி வளாகங்களில் உள்ள அங்கன்வாடி மையங்களில் தொடங்கப்பட்ட LKG UKG வகுப்புகளில் கல்வி செயல்பாடுகள் குறித்தும் ஆய்வுகள் மேற்கொள்ளப்பட வேண்டும் . 11 . பள்ளி முன்னறிவிப்பின்றி பார்வை | ஆண்டாய்வு மேற்கொள்ளும் பள்ளியில் SLAS தேர்வில் மாணவர்கள் பெற்ற கற்றல் அடைவு குறித்து ஆய்வு மேற்கொள்ளல் வேண்டும் . NAS தேர்வு அப்பள்ளியில் நடத்தப்பட்டிருப்பின் NAS தேர்வில் மாணவர்களின் கற்றல் அடைவுகளை ஆய்வு செய்ய வேண்டும் . 12 வட்டாரக் கல்வி அலுவலர்கள் தங்கள் ஒன்றியத்தில் நடத்தப்பட்ட SLAS / NAS தேர்வுகள் சார்ந்த விவரங்களை முதன்மைக் கல்வி அலுவலர் அல்லது மாவட்டக் கல்வி அலுவலரிடமிருந்து பெற்று தங்களது குறிப்பேட்டில் ( Diary ) குறித்து வைத்திருத்தல் வேண்டும் . 13 . அரசாணை ( நிலை ) எண் . 145 , பள்ளிக் கல்வித் ( தொக3 ( 2 ) ) துறை , நாள் . 20 . 08 . 2019 மற்றும் அரசாணை ( நிலை ) எண் . 202 , பள்ளிக் கல்வித் ( அகஇ2 ) துறை , நாள் . 11 : 11 . 2019 ஆகியவற்றில் கூறப்பட்டுள்ள அறிவுரைகள் தவறாமல் பின்பற்றப்படுகிறதா என்பதை பள்ளிப் பார்வை மற்றும் ஆண்டாய்வின் போது உறுதி செய்தல் வேண்டும் . 14 . ஒவ்வொரு மாதமும் வட்டாரக் கல்வி அலுவலர்கள் தங்கள் ஒன்றியத்தில் பணிபுரியும் தலைமை ஆசிரியர்களுக்குக் கூட்டம் நடத்துதல் வேண்டும் . அக்கூட்டத்தில் பள்ளி ஆண்டாய்விலும் , பள்ளி பார்வையிலும் கண்டறியப்பட்ட சிறப்பம்சங்கள் குறித்து விவாதித்தல் வேண்டும் . மேலும் மாதவாரியான பாடத்திட்டம் முடித்தல் , மாணவர்களின் பயிற்சியேடுகள் திருத்தம் செய்தல் , பள்ளியின் சுற்றுப்புறத் தூய்மை குறித்தும் விவாதித்தல் வேண்டும் . மேலும் மாணவர் வருகைப் பதிவேட்டின் அடிப்படையில் , நீண்ட நாட்களாக பள்ளிக்கு வராத மாணவர்கள் குறித்து விவாதித்து அவர்கள் பள்ளிக்கு வருகை தராத காரணங்களை தலைமை ஆசிரியர்களிடம் கேட்டறிந்து , அம்மாணவர்களை மீளப் பள்ளிக்கு வரவழைப்பதற்கான நடவடிக்கைகளை மேற்கொள்ள வேண்டும் .

15 . பள்ளி முன் அறிவிப்பின்றி பார்வை / ஆண்டாய்வு செய்யும் போது பள்ளிகளில் பராமரிக்கப்படும் மாணவர் சேர்க்கை - நீக்கல் பதிவேடு , ஆசிரியர் வருகைப்பதிவேடு , மாணவர் வருகைப் பதிவேடு , அரசு வழங்கும் நலத்திட்டப்பொருட்கள் அனைத்தும் மாணவர்களுக்கு வழங்கப்பட்டதை பதிவு செய்யும் வழங்கல் பதிவேடு மற்றும் ஒருங்கிணைந்த கல்வி திட்டத்தின் வாயிலாக வழங்கப்படும் பள்ளி மானியம் , பராமரிப்பு மானியம் குறித்த பதிவேடுகள் ஆகிய அனைத்தையும் ஆய்வுக்கு உட்படுத்துதல் வேண்டும் . அனைத்து நலத்திட்டங்களும் மாணவர்களுக்குச் சென்றடைந்துள்ளதா என்பதை துல்லியமாக ஆய்வு செய்தல் வேண்டும் . புரட்சித் தலைவர் எம் . ஜி . ஆர் சத்துணவுத் திட்டத்தின் கீழ் மதிய உணவு உண்ணும் அனைத்து மாணவர்களுக்கும் 4 இணை சீருடைகள் வழங்கப்பட்டுள்ளதா என்பதை ஆய்வின் போது உறுதி செய்தல் வேண்டும் . ஆதிதிராவிட / மிகவும் பின்தங்கிய / பின்தங்கிய / சிறுபான்மையினர் மற்றும் சீர்மரபினர் துறைகளின் வாயிலாக வழங்கப்படும் கல்வி உதவித் தொகை உரிய மாணவர்களுக்குப் பெற்று வழங்கப்பட்டுள்ளதா என்பதையும் ஆய்வின் போது உறுதி செய்தல் வேண்டும் . 16 . பள்ளி முன் அறிவிப்பின்றி பார்வை மற்றும் ஆண்டாய்வு செய்யும் பள்ளிகளில் ஆசிரியர்களின் மாதாந்திர ஊதியம் , வருடாந்திர ஊதிய உயர்வு , தேர்வுநிலை சிறப்பு நிலை மற்றும் ஆசிரியர் சேமநல நிதி ஆகியவை குறித்தும் ஆய்வு செய்தல் வேண்டும் . 17 . கல்வி மேலாண்மை தகவல் முறைமை ( EMIS ) இணையதளத்தில் பதிவேற்றம் செய்யப்பட்டுள்ள மாணவர் விவரம் ( Student Profile ) , ஆசிரியர் விவரம் ( Teachers Profile ) , பள்ளிவிவரம் ( School Profile ) போன்ற வை சரியாக உள்ளதா என்பதையும் இவ்விவரங்கள் பள்ளிகளில் உள்ள பதிவேடுகளுடன் ஒத்து உள்ளதா என்பதையும் ஆய்வில் உறுதி செய்தல் வேண்டும் . 18 . பள்ளி கட்டட வசதி , கழிப்பறை வசதி , குடிநீர் வசதி மற்றும் தளவாடப் பொருட்கள் சார்ந்து ஆய்வுகள் மேற்கொள்ளப்பட வேண்டும் . 19 . பள்ளி முன் அறிவிப்பின்றி பார்வை | ஆண்டாய்வின் போது மராமத்து செய்ய வேண்டிய பள்ளிக் கட்டடங்கள் , பள்ளி வளாகத்தில் பயன்படுத்த முடியாத பழுதடைந்த கட்டடங்கள் , பழுதடைந்த சுற்றுச்சுவர் , உயர் அழுத்த மின்கம்பங்கள் மற்றும் திறந்த வெளிக் கிணறுகள் , முட்புதர்கள் போன்றவை மாணவர்களின் பாதுகாப்பிற்கு அச்சுறுத்தும் வகையில் இருப்பின் அவை சார்ந்து உயர் அலுவலர்களுக்கும் தொடர்புடைய துறை அலுவலர்களுக்கும் தெரிவித்து , உடனடி நடவடிக்கை மேற்கொள்ள வேண்டும் . தொடக்கக் கல்வி இயக்ககத்தில் இருந்து மாணவர்கள் மற்றும் பள்ளிகளின் பாதுகாப்பு தொடர்பாக ஏற்கனவே அனுப்பப்பட்ட சுற்றறிக்கைகள் / அறிவுரைகள் சரியாக நடைமுறைப் படுத்தப்பட்டு வருகின்றதா என்பதை வட்டாரக் கல்வி அலுவலர்கள் பள்ளிப்பார்வை / ஆண்டாய்வின்போது உறுதி செய்தல் வேண்டும் . 20 . குழந்தைகள் தின விழாப் பேருரையில் மாணவர்கள் போதுமான அளவு தண்ணீர் அருந்த அவகாசம் அளிக்கப்பட வேண்டும் என மாண்புமிகு பள்ளிக்கல்வி , இளைஞர் நலன் மற்றும் விளையாட்டு மேம்பாட்டுத்துறை அமைச்சர் அவர்களின் - அறிவுரைகள் பள்ளிகளில் நடைமுறைப்படுத்தப்பட்டு வருவதை ஆய்வின் போது உறுதிசெய்தல் வேண்டும் .

21 . மாணவ மாணவியர்கள் ஒவ்வொரு நாளும் உடல்சார்ந்த பயிற்சிகள் Physical activities - ஐ காலை வழிபாட்டுக் கூட்டத்திற்கு முன்ன ர் 15 நிமிடங்களும் , மாலை 45 நிமிடங்களும் செய்வதனை ஆய்வின்போது உறுதிசெய்தல் வேண்டும் . ( மாற்றுத்திறன் கொண்ட குழந்தைகள் மற்றும் உடல் நலமில்லாத குழந்தைகளுக்கு தனிக்கவனம் செலுத்துதல் வேண்டும் ) . 22 உதவி பெறும் பள்ளிகளின் மேலாண்மைப் புதுப்பித்தல் , பதிவு செய்தல் , நான்கு வகைச் சான்றிதழ்கள் பெறுதல் , ஆண்டுவாரியான ஆசிரியர் 23 . பணியிட நிர்ணயம் , கற்பித்தல் மானியம் மற்றும் மாணவர் வருகைப்பதிவேடு , ஆசிரியர்களின் வருகைப்பதிவேடு , சம்பளப்பதிவேடு அளவைப் பதிவேடு ஆகியவற்றை துல்லியமாக ஆய்வு செய்திடல் வேண்டும் . மேலும் தங்கள் ஒன்றியத்தில் உள்ள அனைத்து உதவிபெறும் தொடக்க , நடுநிலைப் பள்ளிகளும் , சுயநிதி தொடக்க நடுநிலை மற்றும் நர்சரி பிரைமரிப் பள்ளிகளும் துவக்க அனுமதியும் , தொடர் அங்கீகாரமும் பெற்றிருத்தலை உறுதி செய்ய வேண்டும் . குழந்தைகளுக்கான இலவச மற்றும் கட்டாயக் கல்வி உரிமைச்சட்டம் , 2009ன்படி மழலையர் மற்றும் தொடக்கப் பள்ளிகளில் 25 சதவீத இட ஒதுக்கீட்டின் படி நுழைவுநிலை வகுப்பில் சேர்க்கை செய்யப்பட்ட மாணவர் சார்ந்த விவரங்கள் உரிய பதிவேடுகளில் முறையாக பராமரிக்கப்படுகின்றதா என்பதை ஆய்வின்போது உறுதி செய்ய வேண்டும் . 24 . பள்ளி முன்னறிவிப்பின்றி பார்வை | ஆண்டாய்வின் போது மேற்கண்ட அனைத்து அறிவுரைகள் சார்ந்தும் வட்டாரக் கல்வி அலுவலர்கள் தவறாது ஆய்வு செய்திடல் வேண்டும் . மேலும் SMC கூட்டத் தீர்மானப் பதிவேட்டையும் ஆய்வு செய்திடல் வேண்டும் .

25 . மாவட்டக் கல்வி அலுவலர்கள் , வட்டாரக் கல்வி அலுவலகங்களைக் குறைந்தது மாதத்திற்கு ஒரு முறையாவது முன் அறிவிப்பின்றி பார்வையிடுதல் வேண்டும் . மேலும் ஆண்டிற்கு ஒரு முறை ஆண்டாய்வு செய்தல் வேண்டும் . மேலும் ஆசிரியர் சேமநலநிதி அனுமதிக்கும் கோப்புகள் , ஆசிரியர் சேமநலநிதி சார்ந்த பதிவேடுகளை ஒப்பிட்டு ஆய்வு செய்தல் வேண்டும் . மேலும் வட்டாரக் கல்வி அலுவலகம் முன் அறிவிப்பின்றி பார்வையிடும்பொழுது , ஆண்டாய்வின்போதும் இச்செயல்முறைகளில் தெரிவிக்கப்பட்ட அனைத்து அறிவுரைகள் சார்ந்தும் எடுக்கப்பட்ட நடவடிக்கைகளை ஆய்வு செய்து தொடர்நடவடிக்கை எடுத்தல் வேண்டும் . 26 . முதன்மைக் கல்வி அலுவலர்கள் ஒவ்வொரு மாதமும் வட்டாரக் கல்வி அலுவலர்கள் மற்றும் மாவட்டக் கல்வி அலுவலர்களுக்குத் தவறாமல் ஆய்வுக்கூட்டம் நடத்துதல் வேண்டும் . மாதாந்திர ஆய்வுக் கூட்டத்தில் வட்டார கல்வி அலுவலர்களின் பள்ளிப் பார்வை , பள்ளி ஆண்டாய்வு மற்றும் இச்செயல்முறைகளில் தெரிவிக்கப்பட்ட அனைத்து அறிவுரைகள் சார்ந்தும் எடுக்கப்பட்ட நடவடிக்கைகளை ஆய்வு செய்தல் வேண்டும் . மேலும் தொடர்நடவடிக்கை எடுக்கப்பட வேண்டியவைகளுக்குத் தவறாமல் தொடர் நடவடிக்கை எடுக்க அறிவுறுத்த வேண்டும் . மேலும் அடுத்து வருகின்ற மாதாந்திர ஆய்வுக் கூட்டங்களில் தொடர் நடவடிக்கை எடுத்த விவரத்தை ஆய்வு செய்தல் வேண்டும் . 27 . முதன்மைக் கல்வி அலுவலர்கள் வட்டாரக் கல்வி அலுவலர்கள் மற்றும் மாவட்டக் கல்வி அலுவலர்களுக்கு மாதம் ஒருமுறை ஆய்வுக்கூட்டம் நடத்திய பின்னர் கீழ்க்கண்ட மூன்று படிவங்களில் விவரங்களைப் பெற்று தொகுத்து தொடக்கக் கல்வி இயக்குநருக்கு ஒவ்வொரு மாதமும் 10 - ம் தேதிக்குள் தவறாமல் அறிக்கை சமர்பிக்க வேண்டும்

👍Join Our📱Telegram🌍Group👉Click Here Press Ur Reaction Below& Share Ur Whatsapp Groups - Thank U