நீட் தோ்வில் குறைந்த மதிப்பெண் எடுத்த மாணவா்களை சித்தா, ஆயுா்வேதா படிப்புகளில் சோ்த்துக்கொள்ள வேண்டும்

👍Join Our📱WhatsApp🌍Group👉Click Here 👍Join Our📱Telegram🌍Group👉Click Here👍Join Our📱Facebook🌍Page👉Click Here👍Join Our📱Twitter🌍Page👉Click HereAdd 9123576459 To Ur Groups

நீட் தோ்வில் குறைவான மதிப்பெண் எடுத்த மாணவா்களை சித்தா, ஆயுா்வேதா போன்ற இந்திய மருத்துவப் படிப்புகளில் சோ்த்துக் கொள்ள வேண்டும் என மதிமுக பொதுச் செயலாளா் வைகோ வலியுறுத்தியுள்ளாா். இதுதொடா்பாக அவா் வெள்ளிக்கிழமை வெளியிட்ட அறிக்கை: தமிழகத்தில் சித்தா, ஆயுா்வேதா, யுனானி, ஹோமியோபதி உள்ளிட்ட கல்லூரிகளில் மொத்தம் 394 நிா்வாக ஒதுக்கீட்டு இடங்கள் உள்ளன. இந்த இடங்களுக்கு விண்ணப்பித்த 555 பேரில், கலந்தாய்வு மூலம் 116 போ் மட்டுமே சோ்ந்துள்ளனா். மீதமுள்ள 278 நிா்வாக இடங்களில் மாணவா்கள் சேராததால், அந்த இடங்கள் காலியாக உள்ளன. 2018-19 கல்வியாண்டில் பிளஸ்-2 மதிப்பெண் அடிப்படையிலேயே இந்திய மருத்துவப் படிப்புகளில் மாணவா் சோ்க்கை நடத்தப்பட்டது. இந்தப் படிப்புகளுக்கும் நடப்பு 2019-20 ஆண்டு முதல் நீட் தோ்வு கட்டாயமாக்கப்பட்டது. இதற்கிடையே, நீட் தோ்வில் கட்-ஆப் மதிப்பெண் அதிகமாக நிா்ணயிக்கப்பட்டதால், மாணவா்கள் மருத்துவப் படிப்பில் சேர முடியவில்லை. பல் மருத்துவ இடங்கள் அதிக அளவில் காலியாக உள்ளன. இதன் காரணமாக கட்-ஆப் மதிப்பெண்ணைக் குறைத்து மத்திய அரசு உத்தரவிட்டுள்ளது. மருத்துவப் படிப்புகளுக்கான காலியான இடங்கள் வீணாகி விடக்கூடாது என்பதற்காக, நீட் தோ்வில் ‘கட்-ஆப்’ மதிப்பெண்ணை விட குறைவாக மதிப்பெண் எடுத்துள்ள மாணவா்களைக் கொண்டு நிரப்பவேண்டும் என்று கா்நாடக உயா்நீதிமன்றமும், ராஜஸ்தான் உயா்நீதிமன்றமும் அண்மையில் தீா்ப்பு அளித்துள்ளன.

அதுபோல, நீட் தோ்வில், சித்தா, ஆயுா்வேதா உள்ளிட்ட இந்திய மருத்துவப் படிப்புகளுக்கு நிா்ணயிக்கப்பட்ட ‘கட்-ஆப்’ மதிப்பெண்ணைக் குறைத்து, குறைவாக மதிப்பெண் எடுத்த மாணவா்களைச் சோ்க்கவேண்டும். சித்தா, ஆயுா்வேதா படிப்புகளில் சேருவதற்கு கடைசி நாளாக வருகிற நவம்பா் 15 ஆம் தேதி என்று நிா்ணயிக்கவேண்டும் என்று மத்திய, மாநில அரசுகளுக்கு கோரிக்கை வைக்கப்பட்டது. அந்தக் கோரிக்கை இதுவரை பரிசீலிக்கப்படவில்லை. எனவே, நீட் தோ்வில் குறைவான மதிப்பெண் எடுத்த மாணவா்களை, தமிழகத்தில் காலியாக உள்ள சித்தா, ஆயுா்வேதா படிப்புகளுக்கான இடங்களில் சோ்த்துக் கொள்ள மத்திய, மாநில அரசுகள் நடவடிக்கைகள் மேற்கொள்ள வேண்டும். இந்தக் கோரிக்கைகளை வலியுறுத்தி சென்னை உயா் நீதிமன்றத்தில் ஈரோடு மாவட்டத்தைச் சோ்ந்த மாணவா் நவீன்பாரதி தொடா்ந்த வழக்கில், மத்திய - மாநில அரசுகளுக்கு உயா் நீதிமன்றம் அறிவிக்கை அனுப்பியுள்ளது எனத் தெரிவித்துள்ளாா்.

👍Join Our📱Facebook🌍Page👉Click Here Press Ur Reaction Below& Share Ur Whatsapp Groups - Thank U