அரசு பள்ளியில் தேசியக்கொடியை மீண்டும் ஏற்றி டிக்டாக் செய்த இளைஞர்கள்: வாட்ஸ் அப்பில் வைரலாவதால் பரபரப்பு - kaninikkalvi - No 1 Educational Website in Tamil Nadu

Search This Blog

Saturday, August 17, 2019

அரசு பள்ளியில் தேசியக்கொடியை மீண்டும் ஏற்றி டிக்டாக் செய்த இளைஞர்கள்: வாட்ஸ் அப்பில் வைரலாவதால் பரபரப்பு

👍Join Our📱WhatsApp🌍Group👉Click Here 👍Join Our📱Telegram🌍Group👉Click Here👍Join Our📱Facebook🌍Page👉Click Here👍Join Our📱Twitter🌍Page👉Click HereAdd 9361194452 To Ur Groups
சாயல்குடி அருகே அரசு பள்ளியில் ஏற்றப்பட்ட தேசியக்கொடியை இறக்கி, இளைஞர்கள் மீண்டும் ஏற்றி டிக்டாக்கில் வீடியோ பதிவிட்ட சம்பவம் பரபரப்பை ஏற்படுத்தியது. ராமநாதபுரம் மாவட்டம், சாயல்குடி அருகே டி.மாரியூர் ஊராட்சி ஒன்றிய தொடக்கப்பள்ளி உள்ளது. இப்பள்ளியில் நேற்று முன்தினம் காலை சுதந்திர தினத்தை முன்னிட்டு தலைமையாசிரியை தலைமையில் தேசியக்கொடி ஏற்றப்பட்டது. கலை நிகழ்ச்சிகளை தொடர்ந்து காலை 11 மணியளவில் பள்ளியை பூட்டிச்சென்று விட்டனர். இதன்பின்னர் பள்ளி வளாகத்திற்குள் அத்துமீறி நுழைந்த இளைஞர்கள் சிலர் ஏற்றிய தேசியக்கொடியை இறக்கி, கொடியில் பூ வைத்து மீண்டும் ஏற்றினர். அதில் ஒரு இளைஞர் ராணுவ வீரர் போன்று நடந்து வந்து கொடிக்கம்பத்தின் முன் நின்று கொண்டு, மற்றொரு இளைஞரை கொடி ஏற்ற வருமாறு அழைக்கிறார்.
அங்கு வரும் இளைஞர் கொடியை ஏற்றி மரியாதை செய்வது போலவும், பின்னணியில் தேச பக்தி பாடல் ஒலிப்பது போலவும் வீடியோ எடுத்து, டிக்டாக்கில் பதிவிட்டுள்ளனர். இது சமூக வலைத்தளங்களில் வைரலாக பரவி வருகிறது. இதனைக்கண்ட பள்ளி நிர்வாகத்தினர் மற்றும் கிராம மக்கள் அதிர்ச்சியடைந்தனர். இதுதொடர்பாக போலீசார் நடவடிக்கை எடுக்க வேண்டுமென தெரிவித்தனர். ஏற்றப்பட்ட தேசியக்கொடியை மாலையில் இறக்கும் முன்பே இறக்கி, மீண்டும் ஏற்றி டிக்டாக்கில் வெளியிட்ட சம்பவம் பரபரப்பை ஏற்படுத்தி உள்ளது.
👍Join Our📱Facebook🌍Page👉Click Here Press Ur Reaction Below& Share Ur Whatsapp Groups - Thank U

Total Pageviews