👍Join Our📱Facebook🌍Page👉Click Here
👍Join Our📱Telegram🌍Group👉Click Here Share This News To Ur Groups& Add 9123576459
திருப்பூர் மாவட்டத்தில், தேர்தல் பணியாற்றும் அரசு அலுவலர், ஆசிரியர்களுக்கான தபால் ஓட்டுப்பதிவு நேற்று துவங்கியது.லோக்சபா தேர்தல் வாக்குப் பதிவின் போது ஓட்டுச்சாவடிகளில், நான்கு முதல் ஐந்து ஓட்டுச்சாவடி அலுவலர்கள் பணியாற்ற உள்ளனர். மாவட்டத்தில், 12 ஆயிரத்து, 284 பேர், தேர்தல் பணியில் ஈடுபடுகின்றனர். 3,000க்கும் அதிகமான போலீசாரும், தேர்தல் பாதுகாப்பு பணியில் ஈடுபட உள்ளனர். இவர்களுக்கு, தபால் ஓட்டு வழங்கப்பட்டு வருகிறது.சட்டசபை தொகுதி வாரியாக, ஓட்டுச்சாவடி அலுவலர்களுக்கான பயிற்சி முகாம் நேற்று நடந்தது.
தபால் ஓட்டுப்பதிவுபிறகு, தாங்கள் விரும்பும் வேட்பாளர் பெயர், சின்னத்துக்கு நேராக, 'டிக்' செய்து, அதை, 'படிவம் 13-பி'ல் வைத்து ஒட்டினர். அதற்கு பிறகு, '13 -ஏ' மற்றும் '13-பி' ஆகியவற்றை, படிவம் '13-சி' எனும் பெரிய உறையில் வைத்து ஒட்டினர். உறையின் மீது, விவரங்களை பூர்த்தி செய்து, வாக்காளரின் கையொப்பமிட்டு, பிறகு தபால் ஓட்டு பெட்டியில் போட்டனர்.வேட்பாளர் பிரதிநிதிகள்ஓட்டுப்பதிவு முகாம் துவங்கும் முன்னதாக, தபால் ஓட்டுப்பெட்டி காலியாக உள்ளதை, வேட்பாளர் பிரதிநிதிகள் முன்னிலையில் உறுதி செய்து, பூட்டி 'சீல்' வைக்கப்பட்டது.
ஓட்டுப்பதிவு நிறைவடைந்த பிறகு, அவர்கள் முன்னிலையிலேயே, பெட்டி திறக்கப்பட்டு, அந்தந்த தொகுதிகளுக்கு சேர வேண்டிய தபால் ஓட்டு உறைகள் எண்ணப்பட்டு, வேட்பாளர் பிரதிநிதிகள் ஒப்புதலுடன், தேர்தல் நடத்தும் அலுவலருக்கு அனுப்பி வைக்கப்பட்டது.
'ஸ்ட்ராங் ரூம்' தயார்தேர்தல் நடத்தும் அலுவலர் அலுவலகத்தில் நியமிக்கப்பட்டுள்ள, தபால் ஓட்டுப்பதிவு அதிகாரிகள், சட்டசபை தொகுதிகள் மற்றும் தபால்துறையின் மூலமாக வரும், தபால் ஓட்டுக்களை பெற்று, பிரத்யேகமாக தயார் செய்யப்பட்டுள்ள, ஸ்ட்ராங் ரூமில், போலீஸ் பாதுகாப்பில் வைக்கப்படும்..
👍Join Our📱Facebook🌍Page👉Click Here
👍Join Our📱Telegram🌍Group👉Click Here கணினிக்கல்வி செய்திகளை உங்கள் WhatsApp Groupல் உடனடியாக பெறுவதற்கு 9123576459 இந்த எண்ணை இணைக்கவும்
