ஆசிரியர் அல்லாத பணியிடங்களை மாணவர்கள் எண்ணிக்கை அடிப்படையில் நிர்ணயம் செய்ய கல்வித்துறை உத்தரவு.

அரசு உயர்நிலை / மேல்நிலைப் பள்ளிகளுக்கு உதவியாளர் / இளநிலை உதவியாளர் / பதிவறை எழுத்தர் பணியிடங்கள் மாணவர்களின் எண்ணிக்கையின் அடிப்படையில் பணியாளர் நிர்ணயம் செய்து அரசாணை வெளியிடப்பட்டுள்ளது.

அரசாணையின்படி 2019-2020ஆம் ஆண்டில் உள்ள மாணவர்களின் எண்ணிக்கை மற்றும் ஆசிரியரல்லாத பணியிடங்கள் ( உதவியாளர் ! இளநிலை உதவியாளர் / பதிவறை எழுத்தர் ) அனுமதிக்கப்பட்ட ( sanctioned post ) பணியிடங்களின் எண்ணிக்கையின் அடிப்படையில் உத்தேசமாக நிர்ணயம் செய்யப்பட்டது. தற்போது 2021-2022ஆம் கல்வியாண்டில் அரசாணையில் தெரிவித்துள்ளவாறு அரசு உயர்நிலை / மேல்நிலைப் பள்ளிகளில் பணியாளர் நிர்ணயம் செய்வது குறித்தான பணிகள் EMIS இணையதள வாயிலாக மேற்கொள்ளப்பட வேண்டியுள்ளதால் , கீழ்க்குறிப்பிட்டுள்ள விவரங்களைப் பள்ளிவாரியாக EMIS ல் உடனடியாக பதிவேற்றம் செய்திட அனைத்து முதன்மைக் கல்வி அலுவலர்கள் கேட்டுக் கொள்ளப்படுகிறார்கள்.

1. தற்போது பள்ளிகளில் பயிலும் அனைத்து மாணவர்களின் எண்ணிக்கை

2. அனுமதிக்கப்பட்ட உதவியாளர் / இளநிலை உதவியாளர் / பதிவறை எழுத்தர் பணியிடங்கள் ( sanctioned posts )

3. பணிபுரியும் ஆசிரியரல்லாத பணியாளர்களின் விவரங்கள் ( Non - Teahcing Staff Profile )