01.08.2021 நிலவரப் படி முதுகலை ஆசிரியர்கள் நிர்ணயம் செய்தல் சார்ந்து பள்ளிக் கல்வி இயக்குநரின் செயல்முறைகள்!

ஒவ்வொரு கல்வியாண்டின் தொடக்கத்தில் 1.8 அன்றைய நிலவரப்படி அரசு / நகராட்சி மேல்நிலைப்பள்ளிகளில் 11 மற்றும் 12 ம் வகுப்புகளில் உள்ள மாணவர்களின் எண்ணிக்கையின் அடிப்படையில் முதுகலை ஆசிரியர்கள் ( PG Staff Fixation ) பணியிடங்கள் நிர்ணயம் செய்வது நடைமுறையில் உள்ளது . இதன் அடிப்படையில் இக்கல்வியாண்டிற்கான ( 2021-2022 ) அரசு / நகராட்சி மேல்நிலைப்பள்ளிகளில் 1.8.2021 அன்றைய நிலவரப்படி மாணவர்களின் எண்ணிக்கையின் அடிப்படையில் பணியாளர் நிர்ணயம் PG Staff Fixation ) சார்பான பணிகள் கல்வி மேலாண்மை தகவல் முறைமை ( EMIS ) மூலமாக மேற்கொ arar ப்பட இருக்கிறது. எனவே இப்பணியினை மேற்கொள்ள ஏதுவாக அனைத்து முதன்மைக் கல்வி அலுவலர்கள் EMIS இணைய தளத்தில் மேற்படி பள்ளிகள் சார்ந்த கீழ்க்குறிப்பிட்ட விவரங்களை பதிவேற்றம் செய்திட அறிவுறுத்தப்படுகிறார்கள்.
1. மாவட்டத்தில் உள்ள பள்ளிக் கல்வித்துறையின் கட்டுப்பாட்டின்கீழ் இயங்கும் அனைத்து அரசு / அரசு மாதிரிப்பள்ளிகள் / நகராட்சி மேல்நிலைப் பள்ளிகளில் 1.8.2021 நிலவரப்படி மாணவர்களின் எண்ணிக்கையினை வகுப்பு வாரியாகவும் ( Class wise ) மற்றும் தமிழ் வழி ஆங்கில வழியில் பயிலும் மாணவர்களின் விவரங்கள் ஆகியவற்றினை பதிவேற்றம் செய்தல் வேண்டும். 2. ஒவ்வொரு பள்ளியிலும் அரசால் அனுமதிக்கப்பட்ட ( Sanctioned Post details ) முதுகலை ஆசிரியர்கள் மற்றும் உடற்கல்வி இயக்குநர் நிலை -1 பணியிடங்களின் விவரங்களை பள்ளியின் அளவுகோல் பதிவேட்டின்படி ( Scale Register ) ஒப்பிட்டு சரிபார்த்து பதிவேற்றம் செய்திடல் வேண்டும். அவ்வாறு பதிவேற்றம் செய்யப்படும்போது இப்பணியிடங்கள் கடந்த ஆண்டுகளில் ஆசிரியரின்றி உபரி எனக் கண்டறியப்பட்டு ( Surplus Post without person ) இயக்குநரின் பொதுத்தொகுப்பிற்கு சரண்செய்யப்பட்டிருந்தால் பள்ளியின் அளவுகோல் பதிவேட்டில் ( Scale Register ) சரண்செய்யப்பட்ட பணியிடங்களை நீக்கம் செய்வதுடன் , அப்பணியிடங்களை எக்காரணம் கொண்டும் மீளவும் அனுமதிக்கப்பட்ட பணியிடங்களாகக் கருதி பதிவேற்றம் செய்தல் கூடாது.

3. அரசு / நகராட்சி மேல்நிலைப்பள்ளிகளில் பணிபுரிந்து வரும் முதுகலை ஆசிரியர்கள் மற்றும் உடற்கல்வி இயக்குநர் நிலை -1 பணியிடங்கள் சார்பான முழு விவரங்களையும் ( Teacher Profile ) எவருடைய பெயரும் விடுபடாமல் EMIS இணையதளத்தில் உள்ள கலத்தில் 06.08.2021 க்குள் பதிவேற்றம் செய்திடல் வேண்டும்.