கெமிஸ்டரி:
பிஎஸ்சி கெமிஸ்டரி என்பது மூன்றாண்டு பட்டப்படிப்பு. இதற்கு குறைந்தபட்சம் பன்னிரண்டாம் வகுப்பில் வேதியியலை ஒரு பாடமாக எடுத்துப் படித்திருக்க வேண்டும். ஒட்டு மொத்தமாக குறைந்தபட்சம் 50 சதவீத மதிப்பெண்கள் பெற்றிருக்க வேண்டும். தற்போது வேதியியல் துறையில் சேருவதற்கு அதிக மாணவர்கள் போட்டிப் போடுவதால், அதற்கு ஏற்ப பன்னிரண்டாம் வகுப்பில் நல்ல மதிப்பெண்கள் பெற்றிருக்க வேண்டும்.
பி.எஸ்சி கெமிஸ்டரி துறையில் சேருவதாக இருந்தால், முதலில் தேசிய அளவில் தரம் வாய்ந்த பல்கலைக்கழக, கல்லூரிகளில் சேர முயற்சி செய்ய வேண்டும். தமிழகத்தைப் பொறுத்தவரையில் மெட்ராஸ் கிறிஸ்டியன் காலேஜ், SRM கல்லூரி, லயோலா கல்லூரி, கோவை PSG கல்லூரி போன்றவற்றில் நல்ல தரமான வேதியியல் படிப்பு வழங்கப்படுகிறது. கெமிஸ்டரி துறையில் நல்ல நிலைக்கு வர வேண்டும் என்றால், நீங்கள் தெரிவு செய்யும் கல்லூரிகளும் முக்கிய பங்கு வகிக்கிறது.
பிஎஸ்சி கெமிஸ்டரியில் அடிப்படையான வேதியியலின் அனைத்து சாராம்சங்களும் படிக்க வேண்டியாதாக இருக்கும். குறிப்பாக Molecular System, Material Reaction, Structure, Composition, Structure, Properties போன்ற அடிப்படைத் தத்துவங்கள் இருக்கும். பன்னிரண்டாம் வகுப்பில் வேதியியல் நன்றாக படித்தவர்களுக்கு, இந்த பாடங்கள் சற்று எளிமையாக இருக்கலாம். இந்த பாடங்களை தவிர்த்து அனாலிட்டிக்கல் பிராப்ளம் சால்விங் உள்ளிட்ட திறனறிவு வேதியியல் பாடங்களும் இருக்கும்.
B.Sc Chemistry முடித்தவர்களுக்கு கெமிக்கல் துறையிலும், மருத்துவ, உணவு தொழில்நுட்ப துறைகளிலும் எக்கச்சக்க வேலைவாய்ப்புகள் உள்ளது. இது தவிர, மெடிக்கல் சர்வீஸ், மெடிக்கல் ரிசர்ச், உற்பத்தி மற்றும் மேம்படுத்துதல், உணவு தொழிற்சாலை, மருத்துவமனைகள், கெமிக்கல் இன்டஸ்ட்ரிஸ் ஆகிய நிறுவனங்களிலும் வேலைவாய்ப்புகள் உண்டு. மேற்கண்ட நிறுவனங்களில் லேப் டெக்னீசியன், பார்மாஸிஸ்ட், பிளான்ட் பயோ கெமிஸ்ட், ரிசர்ச் அசோசியட் போன்ற இளநிலை மற்றும் நடுநிலைப் பதவிகள் பெற முடியும்.
வேதியல் துறையில் இளநிலைப் பட்டம் முடித்தப்பிறகு, மேற்படிப்புகளிலும் படிக்க முடியும். முதுநிலைப் பட்டம், முனைவர் பட்டம் படித்தால், அதற்கு ஏற்ப உயர்பதவிகள் கிடைக்கும். மேலும், ஆசிரியர் பணி, விரிவுரையாளர் போன்ற பணிகளிலும் சேர முடியும். முதுநிலையில் வேதியில் தொடர்பான பல்வேறு படிப்புகள் உள்ளது. உயரிவேதியல், தொழிலக வேதியல், அப்ளைடு கெமிஸ்டரி போன்ற படிப்புகள் உள்ளது. இவைகளை தவிர வேறு துறைகளிலும் முதுநிலைப் படிப்புகளில் சேர முடியும்.
பிஎஸ்சி கெமிஸ்டரி படிக்கும் போதே போட்டித்தேர்வுகளுக்கும், நுழைவுத்தேர்வுகளுக்கும் தயாராகலாம். வங்கிப்பணி, ராணுவம், யுபிஎஸ்சி, எஸ்எஸ்சி, டிஎன்பிஎஸ்சி குரூப் 2, குரூப் 4, போன்ற பல போட்டித்தேர்வுகள் உள்ளன. இவைகள் மூலமாக அரசுப் பணியிலும் சேர முடியும். இதே போல், வேதியில் துறையில் முதுநிலைப்படிப்புகள் சேருவதற்கு உயர் கல்வி நிறுவனங்கள் நுழைவுத்தேர்வுகளை நடத்துகின்றன. அதற்கும் தயார் செய்யலாம்.
No comments:
Post a Comment
நண்பர்களே.. வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.