ICAR நுழைவுத் தேர்வு அறிவிப்பு - விண்ணப்பிக்க மார்ச் 31 கடைசி

👍Join Our📱WhatsApp🌍Group👉Click Here👍Join Our📱Telegram🌍Group👉Click Here👍Join Our📱Twitter🌍Page👉Click HereAdd 9123576459 To Ur Groups

இந்திய வேளாண் ஆராய்ச்சிக் கவுன்சில் (ஐ.சி.ஏ.ஆர்.) நுழைவுத் தேர்வை தேசிய தேர்வுகள் முகமை (என்.டி.ஏ.) அறிவித்துள்ளது. ஐஐடி, என்.ஐ.டி. போன்ற மத்திய அரசு உயர் கல்வி நிறுவனங்களில் சேர்க்கை பெறுவதற்கான ஜே.இ.இ. ஒருங்கிணைந்த நுழைவுத் தேர்வு, மத்திய அரசின் இளநிலை ஆராய்ச்சி உதவித் தொகை மற்றும் உதவிப் பேராசிரியர் பணிக்குத் தகுதி பெறுவதற்கான நெட் (தேசிய தகுதித் தேர்வு) தகுதித் தேர்வு உள்ளிட்ட மத்திய நுழைவுத் தேர்வுகளை என்.டி.ஏ. நடத்தி வருகிறது. அதுபோல, ஐ.சி.ஏ.ஆர். நுழைவுத் தேர்வையும் என்.டி.ஏ. நடத்துகிறது.

நாடு முழுவதும் உள்ள 101 ஐ.சி.ஏ.ஆர். உயர் கல்வி நிறுவனங்கள் மற்றும் தமிழகத்தில் கோவையில் உள்ள தமிழ்நாடு வேளாண் பல்கலைக்கழகம், சென்னையில் உள்ள தமிழ்நாடு கால்நடை மருத்துவ அறிவியல் பல்கலைக்கழகம், நாகப்பட்டினத்தில் உள்ள தமிழ்நாடு மீன்வள பல்கலைக் கழகம் உள்பட நாடு முழுவதும் உள்ள 71 மாநில பல்கலைக் கழகங்களில் 15 சதவீத மத்திய அரசு ஒதுக்கீட்டு இடங்கள் அனைத்தும் இந்த ஐ.சி.ஏ.ஆர். நுழைவுத் தேர்வின் அடிப்படையிலேயே மாணவர் சேர்க்கை நடத்தப்படுகிறது. இளநிலை, முதுநிலை மற்றும் ஆராய்ச்சிப் படிப்புகளுக்கென தனித் தனி நுழைவுத் தேர்வு நடத்தப்படும். 2020-ஆம் ஆண்டுக்கான இந்த கணினி அடிப்படையிலான தேர்வு ஜூன் 1}ஆம் தேதி நடத்தப்பட உள்ளது. இதற்கு ஆன்-லைனில் விண்ணப்பிக்க மார்ச் 31 கடைசி நாளாகும். மேலும் விவரங்களுக்கு www.nta.ac.in, www.icar.nta.nic.in ஆகிய வலைதளங்களைப் பார்த்துத் தெரிந்துகொள்ளலாம்.

ICAR AIEEA 2020: வேளாண் படிப்பில் சேருவதற்கான நுழைவுத்தேர்வு ICAR Entrance Exam 2020 அறிவிக்கப்பட்டுள்ளது. வேளாண் துறையில் ஆர்வமுள்ள மாணவர்கள் ICAR தேர்வு எழுதுவதன் மூலம், உயர்தர கல்வி நிறுவனங்களில் சேரலாம்.

அகில இந்திய அங்கீகாரம் பெற்ற, உயர் கல்வி நிறுவனங்களில் வேளாண்மை படிப்பில் சேருவதற்கான ICAR நுழைவுத்தேர்வு அறிவிக்கப்பட்டுள்ளது. வேளாண் துறையில் சாதிக்க விரும்பும் மாணவர்கள் இந்த தேர்வுக்கு விண்ணப்பிக்கலாம்.

Indian Council of Agricultural Research (ICAR) எனப்படும் வேளாண்மை ஆராய்ச்சி கவுன்சில், 2020-21 கல்வியாண்டிற்கான ICAR Exam 2020 அறிவித்துள்ளது. வேளாண்மையில் இளநிலை, முதுநிலை, ஆராய்ச்சிப் படிப்பில் சேருவதற்கு தனித்தனியாக இந்த தேர்வு நடத்தப்படுகிறது. ICAR நுழைவுத்தேர்வுக்கான விண்ணப்பப்பதிவு மார்ச் 1 முதல் மார்ச் 31 ஆம் தேதி வரையில் நடைபெறுகிறது.
ICAR யார் யார் விண்ணப்பிக்கலாம்?
ICAR UG 2020 தேர்வுக்கு பிளஸ் டூ படித்து முடிக்கும் மாணவர்கள் விண்ணப்பிக்கலாம். குறைந்தபட்சம் 16 வயது நிரம்பியிருக்க வேண்டும். இத்தேர்வுக்கான விண்ணப்பக்கட்டணம் 750 ரூபாய் ஆகும். SC / ST / PwD / மாற்றுப்பாலினத்தவர்களுக்கு விண்ணப்பக்கட்டணம் 375 ரூபாய் ஆகும்.

முக்கிய நாட்கள்:
விண்ணப்பப்பதிவு தொடங்கும் நாள்: 1 மார்ச் 2020
விண்ணப்பப்பதிவு முடியும் நாள்: 31 மார்ச் 2020
விண்ணப்பத்தில் திருத்தம் செய்ய: 25 ஏப்ரல் முதல் 2 மே 2020 வரை
ஹால்டிக்கெட் கிடைக்கும் நாள்: 8 மே 2020
தேர்வு நடைபெறும் நாள்: 1 ஜூன் 2020
தேர்வு முடிவுகள் வெளியாகும் நாள்: 15 ஜூன் 2020
இது பற்றிய முழுமையான விவரங்களுக்கு இந்திய வேளாண் ஆராய்ச்சிக கவுன்சில் வெளியிட்டுள்ள அதிகாரப்பூர்வ அறிவிக்கையைப் பார்க்கவும்.

Information Bulletin ICAR AIEEA (UG)-2020
Information Bulletin ICAR AIEEA (PG)-2020
Information Bulletin ICAR AICE-JRF/SRF 2020

👍Join Our📱Telegram🌍Group👉Click Here Press Ur Reaction Below& Share Ur Whatsapp Groups - Thank U