TN Schools PTA Fee 2026: தொடக்க, நடுநிலைப் பள்ளிகளுக்கு இயக்குநர் முக்கிய உத்தரவு! இணைப்புக் கட்டணம் செலுத்தும் விவரம்!

TN Schools PTA Fee 2026: தொடக்க, நடுநிலைப் பள்ளிகளுக்கு இயக்குநர் முக்கிய உத்தரவு! இணைப்புக் கட்டணம் செலுத்தும் விவரம்!

தமிழ்நாடு மாநில பெற்றோர் ஆசிரியர் கழகத்திற்கு 2026-2027ம் ஆண்டிற்கான இணைப்புக் கட்டணத்தை செப்டம்பர் 15-க்குள் செலுத்த தொடக்கக் கல்வி இயக்குநர் அவசர உத்தரவு பிறப்பித்துள்ளார்.

தமிழ்நாடு பெற்றோர் ஆசிரியர் கழக கட்டணம்: பள்ளிகளுக்கு தொடக்கக் கல்வி இயக்குநர் பிறப்பித்த அவசர உத்தரவு!

தமிழ்நாடு மாநிலத்தில் இயங்கி வரும் தொடக்க மற்றும் நடுநிலைப் பள்ளிகள், தமிழ்நாடு மாநில பெற்றோர் ஆசிரியர் கழகத்திற்கு (Tamil Nadu State Parent Teacher Association) செலுத்த வேண்டிய 2026–2027 ஆம் ஆண்டிற்கான இணைப்புக் கட்டணத்தை உடனடியாகச் செலுத்தத் தொடக்கக் கல்வி இயக்கம் உத்தரவிட்டுள்ளது.

இது தொடர்பாகத் தொடக்கக் கல்வி இயக்குநர் முனைவர் பூ.ஆ. நரேஷ் அவர்கள், அனைத்து மாவட்டக் கல்வி அலுவலர்களுக்கும் (தொடக்கக் கல்வி) சுற்றறிக்கை (ந.க.எண்: 0376/ஆ/2026) ஒன்றை அனுப்பியுள்ளார். அந்த அறிக்கையில் கூறப்பட்டுள்ள முக்கிய விவரங்கள் பின்வருமாறு:

பெற்றோர் ஆசிரியர் கழக செயல்பாடு:

மாண்புமிகு பள்ளிக் கல்வித்துறை அமைச்சர் அவர்களைத் தலைவராகவும், பள்ளிக்கல்வித்துறைச் செயலாளர், பள்ளிக் கல்வி இயக்குநர், தொடக்கக் கல்வி இயக்குநர் மற்றும் தனியார் பள்ளிகள் இயக்குநர் ஆகியோரைத் துணைத் தலைவர்களாகவும் கொண்டு பேராசரியர் அன்பழகன் கல்வி வளாகத்தினுள் தமிழ்நாடு மாநில பெற்றோர் ஆசிரியர் கழகம் இயங்கி வருகிறது.

ஒவ்வொரு ஆண்டும் தொடக்க, நடுநிலை, உயர்நிலை, மேல்நிலை மற்றும் மெட்ரிக்குலேஷன் பள்ளிகளிலிருந்து இணைப்புக் கட்டணத் தொகையானது முதன்மைக் கல்வி அலுவலர்கள் மூலம் பெறப்பட்டு, மாநில பெற்றோர் ஆசிரியர் கழகத்திற்கு அனுப்பப்பட்டு வருகிறது.

2026-2027 ஆண்டிற்கான கட்டண விவரம்:

நடப்பு 2026-2027 ஆம் கல்வியாண்டிற்குத் தொடக்க மற்றும் நடுநிலைப் பள்ளிகள் செலுத்த வேண்டிய இணைப்புக் கட்டணத் தொகை பின்வருமாறு நிர்ணயிக்கப்பட்டுள்ளது:

• தொடக்கப் பள்ளிகள் (Primary Schools): ரூ. 100/-

• நடுநிலைப் பள்ளிகள் (Middle Schools): ரூ. 200/-

வரைவோலை (DD) எடுக்கும் முறை மற்றும் கடைசி தேதி:

மாவட்டக் கல்வி அலுவலர்கள் (தொடக்கக் கல்வி) தங்கள் ஆளுகையின் கீழ் உள்ள அனைத்து வகை தொடக்க மற்றும் நடுநிலைப் பள்ளிகளிலிருந்து கட்டணத் தொகையைப் பெற்று, சென்னையில் மாற்றத்தக்க வகையில் (Payable at Chennai) "The Secretary & Treasurer, Tamilnadu State Parent Teacher Association, Chennai-6" என்ற முகவரிக்கு வங்கி வரைவோலையாக (Demand Draft) எடுக்க வேண்டும்.

எடுக்கப்பட்ட வங்கி வரைவோலையை வரும் 15.09.2026-க்குள் தமிழ்நாடு மாநில பெற்றோர் ஆசிரியர் கழகத்திற்குத் தவறாமல் அனுப்பி வைக்குமாறு தொடக்கக் கல்வி இயக்குநர் அறிவுறுத்தியுள்ளார்.

எனவே, அனைத்துத் தொடக்க மற்றும் நடுநிலைப் பள்ளி தலைமை ஆசிரியர்கள் குறிப்பிட்ட காலக்கெடுவுக்குள் கட்டணத் தொகையைச் செலுத்தி வரைவோலை அனுப்பத் தேவையான நடவடிக்கைகளை உடனடியாக மேற்கொள்ளுமாறு கேட்டுக்கொள்ளப்படுகிறார்கள்.