அடிப்படை எழுத்தறிவு வழங்க சிறப்புத் திட்டம்: பள்ளிக் கல்வித்துறை அரசாணை வெளியீடு

👍Join Our📱WhatsApp🌍Group👉Click Here 👍Join Our📱Telegram🌍Group👉Click Here👍Join Our📱Facebook🌍Page👉Click Here👍Join Our📱Twitter🌍Page👉Click HereAdd 9123576459 To Ur Groups

தமிழகத்தில் 757 சிறைவாசிகளுக்கு அடிப்படை எழுத்தறிவு வழங்க பள்ளிக்கல்வித்துறை அரசாணை வெளியிட்டுள்ளது. சிறப்பு எழுத்தறிவு திட்டத்தின் கீழ் ரூ.14.60 லட்சம் செலவில் திட்டத்தை செயல்படுத்த அரசாணை வெளியிடப்பட்டது. முற்றிலும் எழுதப் படிக்க தெரியாத 757 சிறைவாசிகளுக்கு அடிப்படை எழுத்தறிவு அளிக்கப்படும். 8 மத்திய சிறைச்சாலைகள், 20 கைதிகளுக்கு மேல் உள்ள மாவட்ட சிறைகளில் தினமும் எழுத்தறிவு பயிற்சி மேற்கொள்ளப்படுகிறது. தமிழகத்தில் மத்திய, மாவட்ட சிறைகளில் உள்ள 757 சிறைவாசிகளுக்கு அடிப்படை எழுத்தறிவு வழங்குவதற்காக நிகழாண்டில் சிறப்பு எழுத்தறிவுத் திட்டம் செயல்படுத்தப்படும் என பள்ளிக் கல்வித்துறை அறிவித்துள்ளது. இது தொடா்பாக பள்ளிக் கல்வித்துறை முதன்மைச் செயலா் பிரதீப் யாதவ் பிறப்பித்துள்ள அரசாணை: தமிழக சட்டப்பேரவையில், 2019-2020-ஆம் ஆண்டுக்கான பள்ளிக் கல்வித்துறையின் மானியக் கோரிக்கையின்போது, ‘தமிழகத்தில் சிறைச் சாலைகளில் உள்ள சிறைவாசிகளுக்கு ஆண்டுதோறும் 8, 10 மற்றும் பிளஸ் 2 ஆகிய வகுப்புகளுக்கான அரசுத் தோ்வுகள் சிறைச்சாலை வளாகத்திலேயே நடத்தப்பட்டு வருகின்றன. தமிழக அரசின் இந்தச் செயல்பாட்டுக்கு மேலும் மெருகூட்டும் வகையில் தமிழகத்தில் உள்ள சிறைச்சாலைகளில் கண்டறியப்பட்டுள்ள முற்றிலும் எழுதப்படிக்கத் தெரியாத 757 சிறைவாசிகளுக்கு அடிப்படை எழுத்தறிவை வழங்கிட, பள்ளிக் கல்வித்துறையின் மூலம் சிறப்பு எழுத்தறிவுத்திட்டம் ரூ.14.60 லட்சம் செலவில் செயல்படுத்தப்படும்’ என்ற அறிவிப்பை பள்ளிக் கல்வித்துறை அமைச்சா் வெளியிட்டாா். இதைத் தொடா்ந்து சிறைவாசிகளுக்கான சிறப்பு எழுத்தறிவுத் திட்டம் மற்றும் இந்தத் திட்டத்தைச் செயல்படுத்த உத்தேச வழிமுறை ஆகியவை குறித்து பள்ளி சாரா மற்றும் வயது வந்தோா் இயக்குநா் விரிவான அறிக்கை அளித்துள்ளாா். அதன் விவரம்:

தமிழகத்தில் மத்திய, மாவட்ட மற்றும் கிளைச் சிறைச்சாலைகளில் 15 வயதுக்கு மேற்பட்ட முற்றிலும் எழுதப்படிக்கத் தெரியாதவா்களாக அறியப்பட்டுள்ள 757 சிறைவாசிகளுக்கு அடிப்படை எழுத்தறிவை வழங்கி, அவா்கள் அனைவரையும் கல்வியறிவு பெற்றவராக மாற்றிடும் வகையில், சிறைத் துறையின் உதவியுடன் பள்ளிக் கல்வித் துறையின் மூலம் சிறப்பு எழுத்தறிவுத் திட்டம் ரூ.14.60 லட்சம் மதிப்பீட்டில் செயல்படுத்தப்பட வேண்டும். கற்போா் மையங்கள் அமைக்க...: சிறைத் துறையின் மூலம் வழங்கப்பட்டுள்ள 15 வயதுக்கு மேற்பட்ட எழுதப் படிக்கத் தெரியாதவா்களின் பெயா் மற்றும் விவரங்களை அந்தந்த சிறைச்சாலை நிா்வாக உதவியுடன் உறுதி செய்யப்பட்டு அவா்களுக்கு அடிப்படைக் கல்வி வழங்க நடவடிக்கை எடுக்கப்பட வேண்டும். தற்போது சிறைச்சாலை வளாகங்களில் சிறைவாசிகளின் கற்றல் மற்றும் கற்பித்தல் செயல்பாடுகளுக்காக அமைக்கப்பட்டுள்ள வகுப்பறைகள் இந்தத் திட்டத்தின் கற்போா் மையங்களாகப் பயன்படுத்தப்பட வேண்டும். அதிகபட்சம் 20 கல்லாதோா் எண்ணிக்கைக்கு ஒரு கற்போா் மையம் அமைக்க வேண்டும். இந்த மையங்களில் காலை அல்லது மாலை ஏதேனும் ஒரு மணி நேரம் மட்டும் அடிப்படை எழுத்தறிவு கல்விச் செயல்பாடுகளை மேற்கொள்ள நடவடிக்கை எடுக்க வேண்டும். கற்போா் மையங்கள் அமையவுள்ள சிறைவளாகத்தில், சாா்ந்த சிறை நிா்வாகத்தால் கல்விச் செயல்பாடுகளுக்காக பணியமா்த்தப்பட்டுள்ள தன்னாா்வலா்களை சிறைத்துறை நிா்வாகத்தின் உரிய ஒப்புதல்களுடன் இந்தத் திட்டத்தின் தன்னாா்வலா்களாக நியமித்து அவா்கள் மூலமாக கற்போா் மையத்தின் கல்வி சாா்ந்த செயல்பாடுகள் மேற்கொள்ளப்பட வேண்டும்.

சான்றிதழ் வழங்கப்படும்: கற்போா்களுக்கான பயிற்சிக் கட்டகம், முன்தோ்வு மற்றும் பின்தோ்வு வினாத்தாள்கள், தன்னாா்வலா்களுக்கான விளக்கக் கையேடு ஆகியன மாநிலக் கல்வியியல் ஆராய்ச்சி மற்றும் பயிற்சி நிறுவனத்தின் (எஸ்சிஇஆா்டி) ஒருங்கிணைப்புடன் தயாரித்து பள்ளி சாரா வயது வந்தோா் கல்வி இயக்ககத்தினால் வழங்கப்பட வேண்டும். கற்போா் மைய கல்வி தன்னாா்வலா்களுக்கு அடிப்படை எழுத்தறிவுக் கல்விச் செயல்பாடுகளுக்கான கற்போா் கட்டகம் மற்றும் இதர பயிற்சிகள் எஸ்சிஇஆா்டி ஒருங்கிணைப்புடன் திட்டமிடப்பட்டு அந்தந்த மாவட்ட முதன்மைக் கல்வி அலுவலரின் மூலமாக நடத்தப்பட வேண்டும். பள்ளிசாரா மற்றும் வயது வந்தோா் கல்வி இயக்ககத்தினால் கற்போா்களுக்கு அடிப்படைக் கல்விச் சான்றிதழ் வழங்கப்பட வேண்டும் என அதில் கூறியுள்ளாா். இந்தக் கருத்துருவை கவனமாக பரிசீலித்து அதை ஏற்று, இந்தத் திட்டத்தைச் செயல்படுத்துவதற்காக ரூ.14.60 லட்சம் ஒப்பளிப்பு அளித்து அரசு ஆணையிடுகிறது. மேலும் கருத்துருவில் தெரிவிக்கப்பட்டுள்ள உட்கூறுகளில் மாற்றம் செய்து ஒப்பளிப்பு செய்யப்பட்ட ரூ.14.60 லட்சத்துக்கு மிகாமல் செலவு செய்ய பள்ளிசாரா மற்றும் வயது வந்தோா் கல்வி இயக்குநருக்கு அனுமதியளித்து அரசு ஆணையிடுகிறது என அதில் கூறப்பட்டுள்ளது.

👍Join Our📱Facebook🌍Page👉Click Here Press Ur Reaction Below& Share Ur Whatsapp Groups - Thank U