அனைத்துப் பள்ளிகளிலும் விளையாட்டைக் கட்டாயமாக்க வேண்டும் - அன்புமணி இராமதாஸ்

அனைத்துப் பள்ளிகளிலும் விளையாட்டைக்  கட்டாயமாக்க வேண்டும் - அன்புமணி இராமதாஸ் Sports should be made compulsory in all schools - Anbumani Ramadoss

தமிழ்நாட்டில் அனைத்துப் பள்ளிகளிலும் விளையாட்டைக்  கட்டாயமாக்க வேண்டும் - பா.ம.க. தலைவர் மருத்துவர் அன்புமணி இராமதாஸ் வலியுறுத்தல்

தமிழகத்தில் விளையாட்டுத் திடல்களும், விளையாட்டுப் பாடமும் இல்லாத பள்ளிக்கூடங்களை தொழில்நுட்பப் பள்ளிகள் என்ற பெயரில் பிற மாநிலங்களைச் சேர்ந்த கல்விக் குழுமங்கள் தொடங்கி வருகின்றன. அந்தப் பள்ளிகளுக்கு எந்த தடையும் இல்லாமல் தமிழ்நாட்டில் அனுமதி வழங்கப்பட்டு வருகிறது. சுகமான, சுமையற்ற, விளையாட்டுடன் கூடிய கட்டாயக் கல்வி அனைவருக்கும் வழங்கப்பட வேண்டும் என்று பா.ம.க. தொடர்ந்து வலியுறுத்தி வருகிறது. அதற்கு எதிரான நோக்கம் கொண்ட பள்ளிகளை அனுமதிக்கக்கூடாது.

தமிழ்நாட்டில் அனைத்து பள்ளிகளிலும், கல்லூரிகளிலும் விளையாட்டைக் கட்டாயமாக்க வேண்டும். அனைத்துக் கல்வி நிறுவனங்களிலும் குறைந்தது  7  விளையாட்டுக்கான கட்டமைப்புகளுடன் விளையாட்டுத் திடல்கள்  ஏற்படுத்தப்படுவதை  அரசு உறுதி செய்ய வேண்டும்.  ஆண்டுதோறும் பள்ளிகளிலும்,  கல்லூரிகளிலும் விளையாட்டுப் போட்டிகளை நடத்தி பங்கேற்றவர்களுக்கு சான்றிதழ்களும்,  வெற்றி பெற்றவர்களுக்கு பரிசுகளும் வழங்கப்படுவதை  தமிழ்நாடு அரசு உறுதிப்படுத்த வேண்டும் என்று வலியுறுத்துகிறேன்.