பாடப்புத்தகங்கள் சில்லறை விற்பனைக்கு அரசு அனுமதி

பள்ளி மாணவர்களுக்காக அச்சிடப்பட்டுள்ள பாடப்புத்தகங்கள் சில்லறை விற்பனை கடைகளில் விற்பனை செய்வதற்கு அரசு அனுமதி அளித்துள்ளது. இதுகுறித்து, தமிழ்நாடு பாடநூல் மற்றும் கல்வியியல் பணிகள் கழகம் வெளியிட்டுள்ள அறிவிப்பு: தமிழ்நாடு பாடநூல் மற்றும் கல்வியியல் பணிகள் கழகம், பள்ளி பாடப்புத்தகங்களை விற்பனை செய்வதற்கு தமிழ்நாட்டில் மொத்தம் 276 சில்லறை விற்பனை கடைகளுக்கு அனுமதி அளித்துள்ளது.

இதையும் படிக்க | தமிழ் 'மீடியம்' பள்ளிகளில் இலவச பாடப்புத்தகம்

அச்சில்லறை விற்பனையாளர்கள் விவரங்கள் மற்றும் பாடநூல்களின் விலைப்பட்டியல் www.textbookcorp.tn.gov.in என்ற இணையதளத்தில் பதிவேற்றம் செய்யப்பட்டுள்ளது. புதிதாக பாடநூல் விற்பனை செய்ய விரும்பும் சில்லறை விற்பனையாளர்களும் தமிழ்நாடு பாடநூல் மற்றும் கல்வியியல் பணிகள் கழகத்திற்கு விண்ணப்பிக்கலாம்.