பாகிஸ்தானில் பள்ளிகள், மருத்துவமனைகள் கட்ட சீன அரசு முடிவு

👍Join Our📱WhatsApp🌍Group👉Click Here 👍Join Our📱Telegram🌍Group👉Click Here👍Join Our📱Facebook🌍Page👉Click Here👍Join Our📱Twitter🌍Page👉Click HereAdd 9123576459 To Ur Groups

பாகிஸ்தான் கைபர் பக்துன்க்வா மாகாணத்தில் பழங்குடியினர் பகுதியில் 58 பள்ளிகளையும் 30 மருத்துவமனைகளையும் சீனா நிர்மாணிக்க முடிவு செய்துள்ளதாக சீனத் தூதர் யாவ் ஜிங் தெரிவித்துள்ளார். பெஷாவரில் நேற்று (சனிக்கிழமை) நடைபெற்ற பிரண்ட்ஸ் ஆஃப் சில்க் ரோட்டில் தேசிய கருத்தரங்கு குறித்து எக்ஸ்பிரஸ் ட்ரிப்யூன் இன்று செய்தி வெளியிட்டுள்ளது. சில்க் ரோட்டில் தேசிய கருத்தரங்கில் பேசிய பாகிஸ்தானின் சீன தூதர் யாவ் ஜிங் கூறியதாவது: எங்கள் முன்னோர்கள் இப்போது பாகிஸ்தானின் வடக்கு பகுதிகள் என்று அழைக்கப்படும் பிராந்தியத்தைச் சேர்ந்தவர்கள். எனவே இந்த பகுதிகளை அபிவிருத்தி செய்வதே எங்களது முதன்மை முன்னுரிமை. அவ்வகையில் ஏற்கெனவே பழங்குடி பகுதியான கைபர்-பக்துன்க்வாவில், 58 பள்ளிகளையும் 30 மருத்துவமனைகளையும் கட்ட சீன அரசு ஒப்புதல் அளித்துள்ளது. பிராந்தியத்தில் அமைதி மற்றும் ஸ்திரத்தன்மை தேவை, இதற்காக சீன நிறுவனங்கள் குவெட்டா, சாமன் மற்றும் குவாடர் மற்றும் பெஷாவரை காபூலுக்கும் பின்னர் கஜகஸ்தானுக்கும் ரயில் தடங்கள் வழியாக இணைக்கும் கனவு திட்டத்தை செயல்படுத்தி வருகின்றன.

பாகிஸ்தானும் சீனாவும் 10 வேளாண் திட்டங்களில் செயல்பட்டு வருகிறது. திட்டக் கமிஷன் மற்றும் பாகிஸ்தான் வேளாண் ஆராய்ச்சி கவுன்சில் (பார்க்) மூலம் நாட்டில் 10 விவசாய ஆய்வகங்கள் கொண்டுவரப்படும். 60 பில்லியன் அமெரிக்க டாலர் சீனா-பாகிஸ்தான் பொருளாதார தாழ்வாரக் (சிபிஇசி) கனவை நனவாக்க கைபர் பக்துன்க்வா வளர்ச்சி முக்கிய பங்கு வகிக்கும். பெஷாவர் பிராந்தியத்தில் மத்திய ஆசியாவின் நுழைவாயிலாக இருக்கும், மேலும் எதிர்காலத்தில் கராச்சியில் இருந்து பெஷாவர் வரையிலான ரயில் தடங்கள் புதிய ரயில் அமைப்புகளுடன் மேம்படுத்தப்படும் இவ்வாறு பாகிஸ்தானின் சீன தூதர் தெரிவித்தார். 2015 ஆம் ஆண்டில் தொடங்கப்பட்ட (சீனா பாகிஸ்தான் எகனாமிக் காரிடார்) சிபிஇசி , சீனாவின் வளங்கள் நிறைந்த சின்ஜியாங்கை அரேபிய கடலில் அமைந்துள்ள பாகிஸ்தான் அரசின் ராஜதந்திரப் பணியான குவாடர் துறைமுகத்துடன் இணைக்கும் சாலைகள், ரயில்வே மற்றும் எரிசக்தி திட்டங்களின் திட்டமிட்ட வலையமைப்பாகும். பாகிஸ்தான் ஆக்கிரமிப்பு காஷ்மீர் (போக்) வழியாக சிபிஇசி செல்வதற்கான இத்திட்டத்தின்மீது இந்தியா ஆட்சேபனை எழுப்பியுள்ளது குறிப்பிடத்தக்கது.

👍Join Our📱Facebook🌍Page👉Click Here Press Ur Reaction Below& Share Ur Whatsapp Groups - Thank U