தொடங்கியது பொதுப் பிரிவு பி.இ. கலந்தாய்வு: முதல் நாளில் 1,664 பேர் வைப்புத் தொகையைச் செலுத்தினர்

👍Join Our📱WhatsApp🌍Group👉Click Here 👍Join Our📱Telegram🌍Group👉Click Here👍Join Our📱Facebook🌍Page👉Click Here👍Join Our📱Twitter🌍Page👉Click HereAdd 9123576459 To Ur Groups

counseling சென்னை தரமணி பாலிடெக்னிக் கல்லூரியில் புதன்கிழமை தொடங்கிய பொறியியல் பொதுப் பிரிவினருக்கான ஆன்லைன் கலந்தாய்வில் பங்கேற்ற மாணவிகள். பொதுப் பிரிவு மாணவர்களுக்கான ஆன்லைன் கலந்தாய்வு புதன்கிழமை தொடங்கியது. முதல் நாளில் 1,664 பேர் வைப்புத் தொகையைச் செலுத்தியுள்ளனர்.

சிறப்புப் பிரிவினருக்கான நேரடி பொறியியல் கலந்தாய்வு முடிவடைந்த நிலையில், பொதுப் பிரிவு மாணவர்களுக்கான ஆன்லைன் கலந்தாய்வை, தொழில்நுட்பக் கல்வி இயக்குநரகம் புதன்கிழமை தொடங்கியது. விண்ணப்பதாரர்கள் வீட்டிலிருந்தபடியோ அல்லது தமிழகம் முழுவதும் அமைக்கப்பட்டுள்ள 36 கலந்தாய்வு உதவி மையங்கள் மூலமாகவோ பங்கேற்கும் இந்த ஆன்லைன் கலந்தாய்வு, 4 கட்டங்களாக நடத்தப்படுகிறது. முதல் கட்டத்தில் தரவரிசை 1 முதல் 9,872 உள்ள மாணவர்கள் அனுமதிக்கப்பட்டுள்ளனர். இவர்கள் முதலில் வைப்புத் தொகையை செலுத்த வேண்டும். இதற்கு புதன்கிழமை முதல் ஜூலை 10-ஆம் தேதி வரை அவகாசம் அளிக்கப்பட்டிருக்கிறது.

அதன்படி, முதல் நாளான புதன்கிழமை தமிழகம் முழுவதும் 1,664 பேர் வைப்புத் தொகையைச் செலுத்தியுள்ளனர். இவர்களில் 37 பேர் மட்டுமே கலந்தாய்வு உதவி மையங்கள் மூலமாக வைப்புத் தொகையைச் செலுத்தியுள்ளனர். அதே நேரம், இந்தப் பிரிவு மாணவர்கள் ஜூலை 8 முதல் 10-ஆம் தேதிக்குள் இடங்களைத் தேர்வு செய்துவிட வேண்டும். இவர்களுக்கான தற்காலிக ஒதுக்கீடு ஜூலை 11-ஆம் தேதி வெளியிடப்படும். இந்த தற்காலிக ஒதுக்கீட்டை ஜூலை 11, 12 இரு தினங்களில் மாணவர்கள் உறுதிப்படுத்த வேண்டும். ஜூலை 13-ஆம் தேதி இவர்களுக்கான இறுதி ஒதுக்கீடு வெளியிடப்படும். அதனைத் தொடர்ந்து இரண்டாம் சுற்று, மூன்றாம் சுற்று, நான்காம் சுற்று கலந்தாய்வுகள் நடத்தப்படும். ஜூலை 28-ஆம் தேதியுடன் இவர்களுக்கான கலந்தாய்வு நிறைவடைய உள்ளது

👍Join Our📱Facebook🌍Page👉Click Here Press Ur Reaction Below& Share Ur Whatsapp Groups - Thank U