அக்டோபர் 15 ( October 15 )
கிரிகோரியன் ஆண்டின் 288 ஆம் நாளாகும். நெட்டாண்டுகளில் 289 ஆம் நாள். ஆண்டு முடிவிற்கு மேலும் 77 நாட்கள் உள்ளன.
நிகழ்வுகள்
1066 – இங்கிலாந்தின் மன்னராக எட்கார் அறிவிக்கப்பட்டார், ஆனாலும் அவர் முடிசூடவில்லை . 1066 டிசம்பர் 10 வரை இவர் ஆட்சியில் இருந்தார்.
1529 – வியென்னா நகர்
உதுமானியரின் முற்றுகையை ஆத்திரியர்கள் முறியடித்தனர்.
1582 – புதிய நாட்காட்டியை திருத்தந்தை பதின்மூன்றாம் கிரெகொரி கத்தோலிக்க நாடுகளில் அறிமுகப்படுத்தினார். இத்தாலி,
போலந்து, போர்த்துக்கல்,
எசுப்பானியா ஆகிய நாடுகளில்
அக்டோபர் 4 இற்குப் பின்னர் நேரடியாக இன்றைய நாளிற்கு நாட்காட்டி மாற்றப்பட்டது.
1793 – பிரெஞ்சுப் புரட்சி :
பிரான்சின் பதினாறாம் லூயியின் மனைவியும் அரசியுமான மரீ அண்டோனெட்
பாரிசு நகரில் விசாரணைக்குட்படுத்தப்பட்டு
மரண தண்டனை விதிக்கப்பட்டாள். அடுத்த நாள் இவள் தலை துண்டிக்கப்பட்டு கொல்லப்பட்டாள்.
1815 – பிரான்சின் முதலாம் நெப்போலியன் அத்திலாந்திக் பெருங்கடலில் உள்ள செயிண்ட் எலனா தீவுக்கு நாடு கடத்தப்பட்டான்.
1863 – அமெரிக்க உள்நாட்டுப் போர் : முதற் தடவையாக நீர்மூழ்கிக் கப்பல் ( ஹன்லி ) ஒன்று கப்பல் ஒன்றை மூழ்கடித்தது.
1878 – மின்குமிழ் தயாரிக்கும்
ஜெனரல் எலக்ட்ரிக் நிறுவனத்தை
எடிசன் ஆரம்பித்தார்.
1917 – முதலாம் உலகப் போர்:
செருமனிக்காக உளவு பார்த்ததாக குற்றஞ்சாட்டப்பட்ட டச்சு நடன மாது மாட்ட ஹரி பாரிசில் மரணதண்டனைக்குட்படுத்தப்பட்டு சுட்டுக் கொல்லப்பட்டாள்.
1932 – டாட்டா ஏர்லைன்சு விமான நிறுவனம் தனது முதலாவது வானூர்தி சேவையை ஆரம்பித்தது. இது பின்னர் ஏர் இந்தியா எனப் பெயர் மாற்றம் பெற்றது.
1934 – சீன சோவியத் குடியரசு கலைந்தது. சங் கை செக்கின் தேசிய புரட்சி இராணுவம் ருயிச்சின் நகரை வெற்றிகரமாகச் சுற்றி வளைத்தது,
கம்யூனிஸ்டுகள் வெளியேறினர்.
1940 – காத்தலோனியாவின் அரசுத்தலைவர் லூயிசு கொம்பானிசு எசுப்பானிய அரசினால் தூக்கிலிடப்பட்டார்.
1944 – இட்லரின் நாட்சிக் கட்சிக்கு ஒப்பான "அம்புக் குறுக்குக் கட்சி'"
அங்கேரியில் ஆட்சியைப் பிடித்தது.
1945 – இரண்டாம் உலகப் போர்:
பிரான்சின் முன்னாள் பிரதமர் பியேர் லாவல் நாட்டுத்துரோகத்துக்காக சுட்டுக் கொல்லப்பட்டார்.
1953 – பிரித்தானியா டோட்டெம் 1 என்ற தனது அணுகுண்டு சோதனையை தெற்கு ஆஸ்திரேலியா நிகழ்த்தியது.
1954 – வட அமெரிக்காவில் ஏசெல்
சூறாவளி தாக்கியதில் 95 பேர் உயிரிழந்தனர். டொரோண்டோ வரை பெரும் வெள்ளப்பெருக்கு ஏற்பட்டது.
1956 – போர்ட்ரான் என்ற முதலாவது நவீன கணினி மொழி முதல் தடவையாக குறியீட்டாளர்களுக்கு அறிமுகப்படுத்தப்பட்டது.
1957 – பிரித்தானியக் கடற்படைத் தளம் அடங்கலான
திருகோணமலைத் துறைமுகத்தை பிரித்தானியா
இலங்கையிடம் கையளித்தது. [1]
1966 – ஆப்பிரிக்க அமெரிக்கர்களின் உரிமைகளை வென்றெடுக்கவென
கருஞ்சிறுத்தைக் கட்சி என்ற பெயரில் மார்க்சிய இயக்கம் ஐக்கிய அமெரிக்காவில் ஓக்லண்டில் ஆரம்பிக்கப்பட்டது.
1970 – மெல்பேர்ண் நகரில் புதிதாகக் கட்டப்பட்ட மேற்கு வாசல் பாலம் உடைந்து வீழ்ந்ததில் 35 தொழிலாளர்கள் கொல்லப்பட்டனர்.
1990 – பனிப்போரைத் தணிக்க உதவியமைக்காக சோவியத் தலைவர் மிக்கைல் கொர்பச்சோவிற்கு அமைதிக்கான நோபல் பரிசு வழங்கப்பட்டது.
1997 – நாசாவின் இயூஜென்சு விண்ணுளவி சனிக் கோளை நோக்கி ஏவப்பட்டது.
2001 – நாசாவின் கலிலியோ விண்கலம் வியாழனின் ஐஓ சந்திரனுக்குக் கிட்டவாக 112 மைல் தூரம் சென்றது.
2003 – சீனா முதற்தடவையாக சென்சோ 5 விண்கலத்தில்
விண்வெளி வீரர்களை அனுப்பியது.
2006 – அவாயில் 6.7 அளவு
நிலநடுக்கம் ஏற்பட்டதில்
நிலச்சரிவுகள், மின்சார நிறுத்தம், உட்படப் பெரும் சேதம் ஏற்பட்டது.
2013 – பிலிப்பீன்சை 7.2-அளவு
நிலநடுக்கம் தாக்கியதில் 215 பேர் உயிரிழந்தனர்.
2016 – ருவாண்டாவில் 150 நாடுகள்
ஐக்கிய நாடுகள் சூழல் திட்ட உச்சி மாநாட்டில் பங்குபற்றின.
பிறப்புகள்
கிமு 70 – வேர்ஜில் , உரோமைக் கவிஞர் (இ. கிமு 19 )
1218 – ஊலாகு கான், மங்கோலியப் பேரரசர் (இ. 1265 )
1265 – தெமுர் கான், மங்கோலியப் பேரரசர் (இ. 1307 )
1542 – அக்பர் , முகலாயப் பேரரசர் (இ.
1605 )
1829 – ஆசப் ஆல் , அமெரிக்க வானியலாளர் (இ. 1907 )
1844 – பிரீட்ரிக் நீட்சே, செருமானிய இசையமைப்பாளர், கவிஞர் (இ. 1900 )
1855 – சுப்பராயலு , சென்னை மாகாண முதலமைச்சர் (இ. 1921 )
1863 – நெவின்ஸ் செல்வதுரை , இலங்கைத் தமிழ் அரசியல்வாதி, ஆசிரியர் (இ. 1938 )
1881 – பி. ஜி. வுட்ஹவுஸ் , ஆங்கிலேய-அமெரிக்க எழுத்தாளர் (இ. 1975 )
1897 – முடிகொண்டான் வெங்கடராம ஐயர் இந்திய கருடாடக இசைப் பாடகர் (இ. 1975 )
1904 – இகோர் பெல்கோவிச், உருசிய வானியலாளர் (இ. 1949)
1909 – யெசே இலியோனார்டு கிரீன்சுடைன் , அமெரிக்க வானியலாளர் (இ. 2002 )
1913 – தெ. து. ஜயரத்தினம் , யாழ்ப்பாணத்தின் கல்வியாளர் (இ.
1976 )
1924 – ஏ. பீம்சிங் , தமிழக இயக்குநர், தயாரிப்பாளர், தொகுப்பாளர், திரைக்கதை எழுத்தாளர் (இ. 1978 )
1926 – மிஷேல் ஃபூக்கோ, பிரான்சிய வரலாற்றாளர், மெய்யியலாளர் (இ. 1984 )
1926 – எம். ஏ. அப்துல் மஜீத், இலங்கை அரசியல்வாதி (இ. 2011 )
1927 – பி. எஸ். அப்துர் ரகுமான் , இந்தியத் தொழிலதிபர் (இ. 2015 )
1931 – ஆ. ப. ஜெ. அப்துல் கலாம் , இந்தியாவின் 11வது குடியரசுத் தலைவர் (இ. 2015 )
1931 – வீரமணி ஐயர் , ஈழத்துக் கவிஞர், கருநாடக இசைப் பாடகர் (இ. 2003)
1934 – என். ரமணி , இந்திய புல்லாங்குழல் கலைஞர் (இ. 2015)
1936 – மதன் லால் குரானா, இந்திய அரசியல்வாதி
1939 – கே. டி. பிரான்சிஸ், இலங்கை துடுப்பாட்ட நடுவர் (இ. 2013 )
1942 – போதிநாத வேலன்சாமி , அமெரிக்க இந்து சமய ஞானி
1944 – அரியநாயகம் சந்திரநேரு, இலங்கைத் தமிழ் அரசியல்வாதி (இ.
2005 )
1946 – யாழூர் துரை , ஈழத்து எழுத்தாளர், நாடக இயக்குனர் (இ.
2012 )
1949 – பிரணாய் ராய், இந்திய ஊடகவியலாளர்
1957 – மீரா நாயர் , இந்திய-அமெரிக்க நடிகை
1995 – நிவேதா தாமஸ் , தென்னிந்தியத் திரைப்பட நடிகை
இறப்புகள்
925 – முகம்மது இப்னு சக்கரியா அல்-ராசி , பாரசீக பல்துறை அறிஞர் (பி. 864 )
1389 – ஆறாம் அர்பன் (திருத்தந்தை) (பி. 1318 )
1564 – ஆண்ட்ரியசு வெசாலியசு , பெல்ஜிய-கிரேக்க மருத்துவர் (பி.
1514 )
1764 – மருதநாயகம் , இந்திய விடுதலைப் போராட்ட வீரர் (பி.
1725 )
1917 – மாட்ட ஹரி , டச்சு நடன மாது, உளவாளி (பி. 1876 )
1918 – சீரடி சாயி பாபா , இந்திய குரு (பி. 1838 )
1930 – எர்பர்ட்டு என்றி டவ், கனடிய-அமெரிக்கத் தொழிலதிபர் (பி. 1866 )
1946 – எர்மன் கோரிங் , செருமானிய அரசியல்வாதி (பி. 1893 )
1961 – சூர்யகாந்த் திரிபாதி , இந்தியக் கவிஞர் (பி. 1896 )
1987 – தோமசு சங்காரா , புர்க்கினா பாசோவின் 5வது அரசுத்தலைவர் (பி. 1949 )
1988 – ஜூலியன் ஆல்பிரட் ஸ்டியர்மார்க் , அமெரிக்க தாவரவியலாளர் (பி. 1909 )
2004 – டி. ஆர். பாப்பா , தென்னிந்தியத் திரைப்பட இசையமைப்பாளர் (பி. 1923 )
2009 – தருமபுரம் ப. சுவாமிநாதன் , சைவத் திருமுறை ஓதுவார் (பி.
1923 )
2009 – தெ. நித்தியகீர்த்தி , ஈழத்து, தமிழ் ஆத்திரேலிய எழுத்தாளர் (பி. 1946)
2010 – சௌந்தரா கைலாசம் , தமிழக எழுத்தாளர் (பி. 1927 )
2012 – நொரடோம் சீயனூக் , கம்போடியாவின் 1வது பிரதமர் (பி. 1922 )
சிறப்பு நாட்கள்
ஆசிரியர் நாள் ( பிரேசில்)
வெண்பிரம்பு பாதுகாப்பு நாள் (ஐக்கிய அமெரிக்கா)
உலகக் கைகழுவும் நாள்
உலக மாணவர் நாள்
👍Join Our📱WhatsApp🌍Group👉Click Here
👍Join Our📱Telegram🌍Group👉Click Here
கணினிக்கல்வி செய்திகளை உங்கள் WhatsApp Groupல் உடனடியாக பெறுவதற்கு 8807414648 இந்த எண்ணை இணைக்கவும்
