பள்ளி காலை வழிபாட்டு செயல்பாடுகள் - 06.08.2026 | School Morning Prayer Activities

பள்ளி காலை வழிபாட்டு செயல்பாடுகள் - 06.08.2026 (School Morning Assembly Activities)

தமிழ்நாடு பள்ளிகளில் தினசரி காலை வழிபாட்டுக் கூட்டங்களில் (Morning Assembly) மாணவர்கள் மற்றும் ஆசிரியர்கள் வாசிப்பதற்கான முழுமையான தொகுப்பு இங்கே வழங்கப்பட்டுள்ளது. 06.08.2026 நாளிற்கான திருக்குறள், பொன்மொழி, இரண்டொழுக்க பண்புகள், அறிவியல் தகவல்கள், நீதிக்கதை மற்றும் முக்கியச் செய்திகளை இப்பதிவில் விரிவாகக் காணலாம்.

1. சிந்தனைத் துளி & இரண்டொழுக்க பண்புகள்

இரண்டொழுக்க பண்புகள் (Two Virtues):
1. நான் எனது வாழ்நாளில் யாருக்கும் எவ்விதத்திலும் தீங்கிழைக்க மாட்டேன்.
2. என்னால் இயன்ற நன்மையை மற்றவர்களுக்குச் செய்வேன்.

பொன்மொழி (Quote):
"மழை இல்லையேல் உயிரில்லை; நீர் இல்லையேல் உலகமில்லை."

இன்றைய சிந்தனை (Thought for the Day):
Rain nourishes the Earth just as kindness nourishes the heart.
(மழை எவ்வாறு பூமிக்கு வளமளிக்குமோ, அதுபோல இரக்க குணமும் அன்பும் மனிதர்களின் இதயத்திற்கு வளமளிக்கிறது.)

2. திருக்குறள் (Thirukkural)

பால்: பொருட்பால்
இயல்: அரசியல்
அதிகாரம்: 47 - தெரிந்து செயல் வகை
குறள் எண்: 466

குறள்:
செய்தக்க அல்ல செயக்கெடும் செய்தக்க
செய்யாமை யானுங் கெடும்.

பொருள்:
ஒருவன் செய்யத்தகாத செயல்களைச் செய்வதனால் கெடுவான்; செய்யத்தக்க நற்செயல்களைச் செய்யாமல் விடுவதனாலும் கெடுவான்.

3. பழமொழி & ஆங்கிலச் சொற்கள் (Proverb & Vocabulary)

பழமொழி (Proverb):
Learn ever from an enemy. — மாற்றான் தோட்டத்து மல்லிகையும் மணக்கும்.

ஆங்கிலச் சொற்கள் (English Words for the Day):
• Innovative: Brings new ideas (புதுமையானவர்)
• Persistent: Never gives up (விடாமுயற்சியாளர்)

4. பொது அறிவு வினாக்கள் (General Knowledge)

கேள்வி 1: ஒன்பது நிறங்களைக் கொண்ட பறவை எது?
பதில்: இந்தியன் பிட்டா (Indian Pitta).
கேள்வி 2: மிக நீண்ட தூரம் பறக்கும் பறவை எது?
பதில்: ஆர்க்டிக் ஆலா (Arctic Tern).

5. புவியியலும் சுற்றுசூழலும் (Geography & Environment)

கிராம பஞ்சாயத்தின் பணிகள்:
கிராம பஞ்சாயத்து கிராமத்தின் அன்றாட நிர்வாகம் மற்றும் வளர்ச்சிப் பணிகளைச் சிறப்பாக மேற்கொள்கிறது. கிராம பஞ்சாயத்தின் முக்கியப் பணிகளாவன:
• குடிநீர் வசதி ஏற்படுத்துதல்.
• தெரு விளக்குகளைப் பராமரித்தல்.

6. NMMS / MAT வினா விடை

கேள்வி: ஹைட்ரோஃபோபியா (Hydrophobia) என்றால் ______________________
(1) நீரைக் கண்டு பயப்படுவது
(2) ஒலியைக் கேட்டு பயப்படுவது
(3) பசியின்மை
(4) தோல் தடிப்பு

விடை: (1) நீரைக் கண்டு பயப்படுவது

7. தின சிறப்பு: சர் அலெக்ஸாண்டர் ஃபிளெமிங் (Sir Alexander Fleming - August 6)

பிறப்பு: ஆகஸ்ட் 6, 1881 | மறைவு: மார்ச் 11, 1955

சர் அலெக்ஸாண்டர் ஃபிளெமிங் மருத்துவ உலகையே புரட்டிப்போட்ட நுண்ணுயிர் கொல்லியான பெனிசிலின் (Penicillin) மருந்தைக் கண்டுபிடித்த மகத்தான விஞ்ஞானி ஆவார். இவர் Penicillium notatum என்ற பூஞ்சையிலிருந்து பெனிசிலினைப் பிரித்தெடுத்தார். மேலும், சிதைநொதி (Lysozyme) என்ற இயற்கையான நச்சுமுறியையும் கண்டுபிடித்தார்.

உலக மருத்துவ முன்னேற்றங்களில் பெனிசிலின் கண்டுபிடிப்பு மிகவும் முக்கியமானது. இக்கண்டுபிடிப்புக்கு முன் பிரசவத்தின்போதும் லேசான காயங்கள் ஏற்படும்போதும் தொற்றினால் லட்சக்கணக்கான உயிர்கள் பிரிந்தன. நுண்ணுயிரைக் கொண்டு மற்றொரு நுண்ணுயிரை அழிக்கும் நுட்பம் மூலம் 20 கோடிக்கும் அதிகமான மனித உயிர்கள் காப்பாற்றப்பட்டுள்ளன.

8. நீதிக்கதை: நேர்மையான அணிலும் பொற்கொட்டையும்

ஒரு பெரிய காட்டில் ஒரு சிறிய அணில் வாழ்ந்து வந்தது. அது எப்போதும் உண்மையாகவும் நேர்மையாகவும் நடந்து கொள்ளும் குணமுடையது.

ஒருநாள் உணவு தேடிச் சென்றபோது, மரத்தின் அடியில் பொன்னிறத்தில் ஜொலிக்கும் சிறு பெட்டியைக் கண்டது. அதில் பல பொற்கொட்டைகள் இருந்தன. அப்போது வந்த காகம் ஒன்று, "இதை யாரும் பார்க்கவில்லை, நீயே எடுத்துக்கொள்" என்றது. ஆனால் அணிலோ, "இது என்னுடையது அல்ல; உரிமையாளரிடம் சேர்ப்பதே தர்மம்" எனக் கூறியது.

சிறிது நேரத்தில் வயதான ஆமை ஒன்று பதற்றத்துடன் தன் பெட்டியைத் தேடி வந்தது. அணில் தயங்காமல் அப்பெட்டியை ஆமையிடம் ஒப்படைத்தது. ஆமை மகிழ்ந்து அணிலின் நேர்மையைப் பாராட்டியது. அன்று முதல் அனைத்து விலங்குகளும் அணிலின் நேர்மையைப் பின்பற்றின.

நீதி: நேர்மையும் உண்மையும் மனிதனை உயர்த்தும். பிறர் பொருளுக்கு ஆசைப்படாமல் இருப்பது நற்பண்பாகும்.

9. இன்றைய செய்திகள் - 06.08.2026 (Today's Headlines)

முக்கியச் செய்திகள்:

🗒️ முதல்வர் ஜோசப் விஜய் அவர்கள் காமன்வெல்த் போட்டியில் பதக்கம் வென்ற தமிழக வீரர்களைப் பாராட்டி ஊக்கத்தொகை வழங்கினார்.
🗒️ ஸ்பேஸ் எக்ஸ் ஃபால்கன் 9 ராக்கெட்டின் மேல் பகுதி நிலவின் மேற்பரப்பில் மோதியதில் சுமார் 60 அடி அகலமும் 12 அடி ஆழமும் கொண்ட பள்ளம் உருவாக வாய்ப்புள்ளதாகத் தகவல் வெளியாகியுள்ளது.
🗒️ சீனா தனது சொந்த விண்வெளி நிலையத்தின் ஆய்வகத்தில் வெற்றிகரமாக நெல் விளைவித்து சாதனை படைத்துள்ளது.
🗒️ சர்வதேச இயற்கை பாதுகாப்பு சங்கம் (IUCN) 'செக்ரட்டரி பறவை' (Secretary Bird) இனத்தை அழிந்து வரும் இனமாக அறிவித்துள்ள நிலையில், பிரிட்டன் விலங்கியல் பூங்காவில் 5 குஞ்சுகள் பொரித்து சாதனை படைக்கப்பட்டுள்ளது.