செவிலியர் பயிற்சிக்கு விண்ணப்பிக்கலாம்

செவிலியர் பயிற்சிக்கு விண்ணப்பிக்கலாம்

இளங்கலை மற்றும் முதுகலை அறிவியல் பட்டப்படிப்பில், நர்சிங், பொது மருத்துவம் படித்த ஆதிதிராவிடர் மற்றும் பழங்குடியின மாணவர்களுக்கு, செவிலியர் பயிற்சி அளிக்கப்பட உள்ளது.

கடந்த 2021, 2022 மற்றும் நடப்பு ஆண்டு இளங்கலை மற்றும் முதுகலை அறிவியலில் நர்சிங், பொது மருத்துவம் படிப்பு முடித்த மற்றும் இறுதியாண்டு படிக்கும் 20 முதல் 28 வயது நிரம்பிய மாணவர்கள் விண்ணப்பிக்கலாம்.இதற்கு, அப்பல்லோ மெட்ஸ்கில்ஸ் நிறுவனத்தால் நடத்தப்படும் தகுதித்தேர்வில் தேர்ச்சி பெறவேண்டும்.

இந்த தேர்வு ஆன்லைனில் நடைபெறும். தகுதித்தேர்வில் தேர்ச்சி பெறுவோருக்கு, முதல் இரண்டு வாரங்கள் இணைய வழி கற்றல்; அடுத்த நான்கு வாரங்கள் தமிழகத்திலுள்ள மருத்துவ மனைகளில் வேலைவாய்ப்பு பயிற்சி அளிக்கப்படும். பயிற்சி பெற விரும்புவோர், www.thadco.com என்கிற இணையதளத்தில் பதிவு செய்யலாம், என மாவட்ட நிர்வாகம் அறிவுறுத்தி உள்ளது.