மொபைல் போன்களில் ஸ்க்ரீன் பாதுகாப்பு என்பது ஸ்க்ரீனை மட்டும் பாதுகாப்பது அல்ல, ஸ்க்ரீனில் இருந்து உங்கள் கைகளையும் பாதுகாப்பதுதான். மொபைல் போனை பயன்படுத்தும்போது திடீரென ஏற்படும் அசம்பாவிதம் காரணமாக உங்கள் ஸ்க்ரீனில் ஏற்படும் ஸ்க்ராட்ச் உங்கள் கைகளை பதம் பார்த்துவிட கூடாது என்பதில் கவனம் செலுத்த வேண்டும்.
உங்கள் மொபைல் ஸ்க்ரீனில் இருந்து உங்கள் கைகளை பாதுகாத்து கொள்வது மிகவும் அவசியம்.
ஏனெனில் ஸ்க்ரீனினால் ஏற்படும் சில அசம்பாவிதங்கள் உங்களுக்கு தீராத வலியை ஏற்பட வாய்ப்பு உள்ளது.
அவருடைய விரல் மற்றும் உள்ளங்கைகளில் பாதிப்பு ஏற்பட்டுள்ளது
ஒரு சிறிய கீரல் மொபைல் போன் ஸ்க்ரீனில் இருந்தால் கூட அதனை பெரிதுபடுத்தாமல் பயன்படுத்துபவர்களுக்கு சில விபரீதங்கள் ஏற்பட வாய்ப்பு உண்டு. உதாரணமாக ஒரு மலேசிய நபர் ஸ்க்ரீன் பாதிக்கப்பட்ட மொபைல் போனை பயன்படுத்தியதால் அவருடைய விரல் மற்றும் உள்ளங்கைகளில் பாதிப்பு ஏற்பட்டுள்ளது. உடைந்த மொபைல் ஸ்க்ரீனில் உள்ள கண்ணுக்கு தெரியாத சில துகள்கள் அவருடைய கைகளை பாதித்துள்ளது.
விசித்திரமான பாக்டீரியா: இதுவொரு விசித்திரமான பாக்டீரியாவால் வருவது என்றும் இதுவொரு தொற்று நோய் என்றும் மருத்துவர் கூறியதை கேட்டு அதிர்ந்தார். நாளடைவில் அவருக்கு வலி அதிகமாகி மருத்துவமனையில் அட்மிட் ஆகி சிகிச்சை பெறும் நிலைக்கு தள்ளப்படது. சரியான நேரத்தில் மருத்துவர்கள் அதன் காரணத்தை கண்டுபிடித்து அவருக்கு அறுவை சிகிச்சை செய்ததால் அவருடைய கை தப்பித்தது.
கட்டை விரல் இருந்திருக்காது: இதுகுறித்து இக்பால் கூறியபோது, 'ஒரு மொபைலில் உள்ள உடைந்த ஸ்க்ரீனால் இவ்வளவு பெரிய பாதிப்பு வரும் என்று நான் எதிர்பார்க்கவில்லை. நான் மட்டும் கொஞ்சம் சிகிச்சை எடுத்து கொள்ள தாமதித்திருந்தால் இன்று எனக்கு கட்டை விரல் இருந்திருக்காது' என்று தெரிவித்தார். எனவே ஒரு மொபைல் ஸ்க்ரீன் உடைந்தால் உடனே அதனை நான் மாற்றியிருக்க வேண்டும். ஸ்க்ரீனை மாற்றாமல் உடைந்த ஸ்க்ரீனை பயன்படுத்தியதால் வந்த விளைவை நான் புரிந்து கொண்டேன்.
