தேர்தலை முன்னிட்டு பேராசிரியர்கள் நியமனம் ஒத்திவைப்பு

👍Join Our📱WhatsApp🌍Group👉Click Here 👍Join Our📱Facebook🌍Page👉Click Here 👍Join Our📱Telegram🌍Group👉Click Here WhatsApp Groupல் உடனுக்குடன் செய்திகளை பெற Add 9123576459

தேர்தலை முன்னிட்டு 600க்கு மேற்பட்ட பேராசிரியர் பணியிடங்களுக்கான புதியவர்களை நியமனம் செய்வது தற்காலிகமாக நிறுத்தப்பட்டுள்ளது. 2019-20ஆம் கல்வியாண்டின் தொடக்கத்தில் தமிழகத்தில் உள்ள அரசு பல்கலைக்கழகங்களில் பேராசிரியர்களுக்கு பஞ்சம் இருக்க வாய்ப்புள்ளது. தேர்தலை முன்னிட்டு பல்கலைக்கழகங்களில் புதிய ஆசிரியர்களை நியமிப்பது தற்காலிகமாக நிறுத்தப்பட்டுள்ளதாகத் தெரிகிறது.

இது குறித்து அண்ணா பல்கலைக்கழக பேராசிரியர் ஒருவர் கூறுகையிர், "தேர்தல் நடத்தை விதிகள் தொடர்பாக பணி நியமனத்தில் இட ஒதுக்கீடு வழங்குவதில் தெளிவற்ற நிலை உள்ளது. இதனால் புதிய நியமன ஆணைகளை வழங்க முடியாத நிலை ஏற்பட்டிருக்கிறது" எனக் குறிப்பிட்டுள்ளார். அண்ணா பல்கலைக்கழகத்தில் 230 இடங்களும், சென்னை பல்கலைக்கழகத்தில் 200 இடங்களும் காமராஜர் பல்கலைக்கழகத்தில் 100 இடங்களும் பாரதிதாசன் பல்கலைக்கழகத்தில் 70 இடங்களும் மனோன்மணியம் சுந்தரனார் பல்கலைக்கழகத்தில் 40 இடங்களும் நிரப்பப்படாமல் இருக்கின்றன. மொத்தம் 640 இடங்கள் தற்போது புதிய நியமன ஆணை வராமல் இருக்கின்றன.

பல்கலைக்கழக மானியக் குழு (யு.ஜி.சி.) பல்கலைக்கழகங்கள் மற்றும் கல்லூரிகளில் அந்தந்த துறையை அடிப்படையாகக் கொண்டே எஸ்.சி., எஸ்.டி. இட பிரிவினருக்கு இட ஒதுக்கீடு வழங்க வேண்டும் என உத்தரவிட்டது. அலகாபாத் உயர்நீதிமன்றம் ஏப்ரல் 2017ல் அளித்த தீர்ப்பு ஒன்றை அடிப்படையாக வைத்து இந்த முடிவை எடுத்தது. இதன் எதிரொலியாக மாணவர்கள் மற்றும் ஆசிரியர்கள் பலர் இந்த முறையை மாற்றி, ஒட்டுமொத்தமாக கல்லூரி அல்லது பல்கலைக்கழகத்தை அடிப்படையாக வைத்தே இட ஒதுக்கீடு அமைய வேண்டும் என வலியுறுத்தி வருகிறார்கள். இதனிடையே, கல்வியாண்டின் தொடக்கத்திலேயே ஆசிரியர்கள் இல்லாத நிலை இருந்தால் மாணவ மாணவிகளின் படிப்பு பாதிக்கப்படும் என்பதால் ஆளுநர் தலையிட்டு உரிய நடவடிக்கை எடுக்க வேண்டும் என்றும் தேர்தல் ஆணையம் இட ஒதுக்கீடு வழங்குவதில் உள்ள குழப்பத்தை தெளிவுபடுத்த வேண்டும் என்றும் கல்வியாளர்கள் வலியுறுத்துகிறார்கள்.

👍Join Our📱Facebook🌍Page👉Click Here Press Ur Reaction Below& Share Ur Whatsapp Groups - Thank U