பள்ளி காலை வழிபாட்டு செயல்பாடுகள் - 21.08.2026 | School Morning Assembly Activities in Tamil

பள்ளி காலை வழிபாட்டு செயல்பாடுகள் - 21.08.2026 | School Morning Assembly Activities in Tamil

பள்ளி காலை வழிபாட்டு செயல்பாடுகள் - 21.08.2026

📌 திருக்குறள் (Thirukkural)

பால் : பொருட்பால்

இயல் : அரசியல்

அதிகாரம் : 48. வலியறிதல்

குறள் எண் : 478

"ஆகாறு அளவிட்டி தாயினுங் கேடில்லை
போகாறு அகலாக் கடை."

பொருள்:
வருமானம் அளவில் சிறிதாக இருந்தாலும், செலவினம் அந்த வருமானத்தை விடப் பெரிதாகாமல் கட்டுக்குள் இருக்கும் வரை ஒருபோதும் கேடு உண்டாகாது.

✨ பழமொழி & இரண்டொழுக்கப் பண்புகள்

பழமொழி (Proverb):
Might is right - வல்லான் வகுத்ததே சட்டம்.

இரண்டொழுக்கப் பண்புகள் (Two Good Habits):
1. பெரியோருக்குப் பணிவதும், பிறருக்கு உதவுவதும் இளைஞருக்கு அழகு என்பதை நான் அறிவேன்.

2. கல்வி ஒன்றே என்னை உயர்த்தும்; எனவே எப்போதும் நன்கு படிப்பேன்.

💡 பொன்மொழி & சிந்தனைத் துளி

பொன்மொழி:
“உன் கையில் ஒரு திறமை இருந்தால், உன் எதிர்காலத்தில் நிச்சயம் ஒரு வாய்ப்பு இருக்கும்.”

Thought for the Day:
“Education gives you knowledge; skills turn that knowledge into achievement.”

🧠 பொது அறிவு வினா-விடை (General Knowledge)

1. மனித மூக்கினால் எத்தனை விதமான வாசனைகளை உணர முடியும்?
👉 விடை: 50,000 விதமான வாசனைகள்

2. மனித உடலில் தன்னைத் தானே சரி செய்து கொள்ள முடியாத உறுப்பு எது?
👉 விடை: பற்கள்

📖 ஆங்கிலச் சொற்களஞ்சியம் (English Vocabulary)

1. Adaptable: Able to adjust easily (சூழ்நிலைக்கேற்ப மாறக்கூடிய).

2. Optimistic: Having a positive outlook (நம்பிக்கையான பார்வை கொண்ட).

🌍 புவியியலும் சுற்றுச்சூழல் விழிப்புணர்வும்

கிராமங்கள் தங்களை நிர்வகித்துக் கொள்ள பஞ்சாயத்து ராஜ் முறை மிகவும் அவசியமானது என்று மகாத்மா காந்தியடிகள் வலியுறுத்தினார். கிராமங்களில் தூய்மை மற்றும் கூட்டுறவை மேம்படுத்துவதே நாட்டின் ஒட்டுமொத்த சமூகப் பலமாகும் என்பதை அவர் சுட்டிக்காட்டினார்.

🎯 NMMS / SAT மாதிரி வினா (Social Science)

வினா: 'ஷாகு' என்றால் ____________________ என்று பொருள்.

(1) போர் முறை
(2) நேர்மையானவர்
(3) வரி முறை
(4) அஷ்டபிரதான்

👉 சரியான விடை: (2) நேர்மையானவர்

---

🏃‍♂️ இன்றைய தின சிறப்பு: உசைன் போல்ட் பிறந்தநாள் (ஆகஸ்ட் 21)

* உசைன் போல்ட் என்கிற உசேன் செயிண்ட் லியோ போல்ட் (Usain St. Leo Bolt, பிறப்பு: ஆகத்து 21, 1986) ஜமைக்காவில் பிறந்த உலகப் புகழ்பெற்ற தடகள வீரர் ஆவார்.

* 2008 பெய்ஜிங் ஒலிம்பிக்கில் 9.69 வினாடிகளில் 100 மீட்டர் தூரத்தை ஓடி உலக சாதனை படைத்தார். தொடர்ந்து 200 மீட்டர் ஓட்டத்தில் 19.30 வினாடிகளிலும், 4 x 100 மீட்டர் தொடரோட்டத்தில் 37.10 வினாடிகளிலும் ஓடி ஒலிம்பிக் மற்றும் உலக சாதனைகளை நிகழ்த்தினார்.

* ஒலிம்பிக் விரைவோட்டப் பந்தயங்களில் (100 மீ, 200 மீ, 4x100 மீ) தொடர்ந்து ஆதிக்கம் செலுத்தி பல தங்கப் பதக்கங்களை வென்று தடகள வரலாற்றில் ஈடு இணையற்ற நாயகனாகத் திகழ்கிறார்.

---

📖 இன்றைய நீதிக்கதை: திறமையை நல்வழியில் பயன்படுத்து

ஒரு சிறிய கிராமத்தில் விக்னேஷ் என்ற சிறுவன் வாழ்ந்து வந்தான். அவனுக்கு ஓவியம் வரைவதில் அலாதித் திறமை இருந்தது. அவன் வரையும் ஓவியங்கள் அனைவரையும் எளிதில் கவரும் வண்ணம் இருக்கும்.

ஒருநாள் பள்ளியில் ஓவியப் போட்டி அறிவிக்கப்பட்டது. விக்னேஷ் தன் திறமையைப் பயன்படுத்தி அழகான ஓவியத்தை வரைந்தான். ஆனால், அதே சமயம் நண்பன் ஒருவனை கேலி செய்யும் வகையில் ஒரு கேலிச்சித்திரத்தையும் வரைந்து, அதை மற்ற மாணவர்களிடம் காட்டிச் சிரிக்க வைத்தான்.

அதைப் பார்த்த ஆசிரியர் விக்னேஷை அழைத்து, “உனக்குக் கிடைத்த திறமை பிறரை மகிழ்விக்கவும், நல்ல கருத்துகளைச் சொல்லவும் பயன்பட வேண்டும். மாறாக, யாரையும் காயப்படுத்தப் பயன்படுத்தக் கூடாது” என்று கனிவோடு எடுத்துரைத்தார்.

தன் தவறை உணர்ந்த விக்னேஷ், பின்னர் தனது ஓவியத் திறமையைப் பயன்படுத்தி பள்ளியின் சுவர்களில் சுற்றுச்சூழல் பாதுகாப்பு, சமூக ஒற்றுமை மற்றும் கல்வியின் முக்கியத்துவம் சார்ந்த விழிப்புணர்வு ஓவியங்களை வரைந்தான். அவனது இந்த மாற்றத்தைப் பள்ளி முழுவதும் பாராட்டியது.

நீதி: நம்மிடம் உள்ள திறமையை நற்செயல்களுக்குப் பயன்படுத்தினால் மட்டுமே அது நமக்கும் சமுதாயத்திற்கும் பெருமையும் மகிழ்ச்சியையும் தரும்.

---

📰 இன்றைய முக்கியச் செய்திகள் (21.08.2026)

🗒️ சென்னை புறநகர் ரயில் மாற்றம்: எழும்பூர் ரயில் நிலைய மறுசீரமைப்புப் பணிகள் காரணமாக சென்னை புறநகர் ரயில் சேவைகளில் தற்காலிக மாற்றங்கள் செய்யப்படுவதாக அறிவிக்கப்பட்டுள்ளது.

🗒️ பாதுகாப்புத் துறை சந்திப்பு: தில்லியில் இந்தியப் பாதுகாப்புத் துறை அமைச்சர் ராஜ்நாத் சிங்கை ஜப்பான் பாதுகாப்புத் துறை அமைச்சர் நேரில் சந்தித்துப் பேச்சுவார்த்தை நடத்தினார்.

🗒️ வங்கதேச புதிய அதிபர்: வங்கதேசத்தின் புதிய அதிபராக பிஎன்பி (BNP) கட்சியின் மூத்த தலைவர் மிர்சா ஃபக்ரூல் ஆலம்கீர் தேர்வு செய்யப்பட்டுள்ளார்.

🏀 விளையாட்டுச் செய்தி: இந்தியாவுக்கு எதிரான 2-வது டெஸ்ட் கிரிக்கெட் போட்டியிலிருந்து காயம் காரணமாக 2 இலங்கை வீரர்கள் விலகியுள்ளனர்.

🌐 Today's English Headlines

🗒️ Temporary changes have been announced for Chennai suburban train services due to redevelopment works at Egmore Railway Station.

🗒️ Japan’s Defence Minister met Indian Defence Minister Rajnath Singh in New Delhi to discuss bilateral ties.

🗒️ BNP senior leader Mirza Fakhrul Alamgir has been elected as the new President of Bangladesh.

🏀 Sports Update: Two Sri Lankan players have been ruled out of the 2nd Test match against India.