களஞ்சியம் செயலியில் ஆசிரியர்கள் விடுப்புக்கு விண்ணப்பிக்க முடியாமல் தவிப்பு Teachers are struggling to apply for leave on the Kalanjiyam app
தமிழக அரசு களஞ்சியம் செயலியில் ஆசிரியர்கள் விடுப்புக்கு விண்ணப்பிக்க முடியாமல் தவித்து வருகின்றனர் . இதுகுறித்து ஆசிரியர்கள் சிலர் கூறியதாவது : தமிழக அரசு களஞ்சியம் செயலி மூலம் விடுப்பு எடுக்க கட்டாயப்படுத்தியுள்ளது . ஆனால் அந்த செயலியில் விடுப்பு எடுக்க எளிதில் விண்ணப்பிக்க முடியாத அளவுக்கு சிரமமாக உள்ளது . தற்செயல் விடுப்பு , ஈட்டிய விடுப்பு , மருத்துவ விடுப்பு , மத விடுப்புகளுக்கு விண்ணப்பிக்க வழியில்லை .
மத விடுப்பு , தற்செயல் விடுப்பு எடுக்க தலைமை ஆசிரியர்கள் அனுமதி கொடுக்க வேண்டும் . மற்ற விடுப்புகளுக்கு தலைமை ஆசிரியர் வட்டாரக் கல்வி அலுவலர்களுக்கு பரிந்துரை செய்ய வேண்டும் . ஆனால் , தற்போது விடுப்புக்கு விண்ணப்பித்தால் நேரடியாக வட்டாரக் கல்வி அலுவலர் மற்றும் வட்டார கல்வி அலுவலக உதவியாளருக்கு செல்கிறது . இதனால் விடுப்பு எடுப்பதற்கே விண்ணப்பிக்க முடியாத நிலை உள்ளது . இதனால் ஆசிரியர்கள் கடும் சிரமத்துக்கும் , மன உளைச்சலுக்கும் ஆளாகின்றனர் . எனவே பழைய நடைமுறையை கடைப்பிடிக்க தமிழக அரசு நடவடிக்கை எடுக்கவேண்டும் என்றனர்.
ليست هناك تعليقات:
إرسال تعليق
நண்பர்களே.. வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.