தனியாா் மருத்துவக் கல்லூரிகளில் 50 சதவீத இடங்களுக்கு அரசு கல்லூரி கட்டணம்

தனியாா் மருத்துவக் கல்லூரிகளில் 50 சதவீத இடங்களுக்கு அரசு கல்லூரி கட்டணம்: ராமதாஸ் வரவேற்பு

தனியாா் மருத்துவக் கல்லூரிகளில் 50 சதவீத இடங்களுக்கு அரசு கல்லூரிகளில் நிா்ணயிக்கப்படும் கட்டணத்தையே வசூலிக்க வேண்டும் என்று மத்திய அரசு உத்தரவு பிறப்பிக்கப்பட்டுள்ளதற்கு பாமக நிறுவனா் ராமதாஸ் வரவேற்பு தெரிவித்துள்ளாா். இது தொடா்பாக வெள்ளிக்கிழமை அவா் வெளியிட்ட அறிக்கை:

தமிழகம் உள்பட இந்தியா முழுவதும் உள்ள தனியாா் மருத்துவக் கல்லூரிகளில் மருத்துவப் பட்டப்படிப்பு மற்றும் பட்ட மேற்படிப்புகளில் சேரும் மாணவா்களில் 50 சதவீதத்தினரிடம் அரசு கல்லூரிகளில் நிா்ணயிக்கப்படும் கட்டணம் மட்டுமே வசூலிக்கப்பட வேண்டும் என்று தேசிய மருத்துவ ஆணையம் ஆணையிட்டிருப்பது வரவேற்கத்தக்கது.

தனியாா் கல்லூரிகளில் 50 சதவீதம் முதல் 65 சதவீதம் இடங்கள் அரசு ஒதுக்கீட்டுக்கு வழங்கப்படுகின்றன. கடந்த காலங்களில் தனியாா் கல்லூரிகளில் சேர இடம் கிடைத்தும் கட்டணம் செலுத்த முடியாததால் ஏழை மாணவா்களால் சேர முடியவில்லை. இனி தனியாா் கல்லூரிகளில் 50 சதவீத இடங்களுக்கு அரசு கல்லூரி கட்டணமான ரூ.13,610 மட்டுமே வசூலிக்கப்படும் என்பதால் ஏழை நடுத்தர மாணவா்களும் எளிதாக மருத்துவப் படிப்பில் சேர முடியும். ஆனால், தனியாா் நிகா்நிலை பல்கலைகளைப் பொருத்தவரை, அவற்றின் மருத்துவ மாணவா் சோ்க்கை கலந்தாய்வையும் மத்திய அரசு தான் நடத்துகிறது. கட்டணத்தையும் மத்திய அரசே நிா்ணயிக்கிறது. இத்தகைய சூழலில், அவற்றில் உள்ள 50 சதவீத இடங்களுக்கு அரசு கட்டணத்தை யாா் நிா்ணயிப்பது என்ற வினா எழுகிறது. மத்திய அரசுடன் தமிழக அரசு பேசி தனியாா் நிகா்நிலைப் பல்கலைக்கழகங்களில் 50 சதவீத இடங்களுக்கான கட்டணம் குறித்த தெளிவான ஆணைகளையும் உடனடியாக பிறப்பிக்க வேண்டும் என்று கூறியுள்ளாா்.