சில குறிப்பிட்ட துறைகள் தவிர்த்து மற்ற துறைகள் அனைத்தும் தனியார் மயமாக்கப்படும்.
► ஊரக வேலைவாய்ப்புத் திட்டத்துக்கு ஏற்கனவே ரூ. 61,000 கோடி ஒதுக்கப்பட்டுள்ள நிலையில், மேலும் ரூ. 40,000 கோடி ஒதுக்கப்பட்டுள்ளது
► ஒவ்வொரு மாவட்டத்திலும் தொற்றுநோய் தடுப்பு மையங்கள் அமைக்கப்படும். வட்டார அளவில் பொது சுகாதார மையங்கள் அமைக்கப்படும். இதற்காக சுகாதாரத் துறைக்கு கூடுதல் நிதி ஒதுக்கப்படும்.
► *மே 30 ஆம் தேதி முதல் 100 பல்கலைக்கழகங்கள் ஆன்லைன் வகுப்புகளை தொடங்க அனுமதி வழங்கப்பட்டுள்ளது. மாற்றுத் திறனாளிகளுக்கென மின்- பாடங்கள் உருவாக்கப்படும்.*
► கரோனா காலத்தில் ஏற்பட்ட இழப்புகளை சரிசெய்யும் வகையில் நிறுவனங்கள் திவாலாவது தொடர்பான சட்டத்தில் திருத்தம் மேற்கொள்ளப்பட்டுள்ளது. ரூ. 1 கோடி வரை வசூல் செய்யப்பட்ட வேண்டிய நிறுவனங்கள் மட்டுமே திவாலானதாக அறிவிக்கப்பபடும். முன்னதாக இது ரூ. 1 லட்சமாக இருந்த நிலையில், தற்போது ரூ. 1 கோடியாக அதிகரிக்கப்பட்டுள்ளது.
► தொழில்துறைக்கான விதிமுறைகள் எளிமையாக்கப்படுகிறது. சிறு, குறு தொழில்துறைக்கான சிறப்பு திவால் சட்டம் உருவாக்கப்படும்.
► பொதுத்துறை நிறுவனங்களில் காலத்துக்கேற்ற முறையில் கொள்கை முடிவுகள் எடுக்க முடிவு செய்யப்பட்டுள்ளது. ஒரு துறையில் 10 நிறுவனங்கள் இருந்தால் அது உத்தி சார்ந்த நிறுவனமாக இருந்தால் அவை 4 அல்லது 5 ஆக ஒன்றாக இணைக்கப்படும். இதுகுறித்து விரிவான அறிவிப்பு விரைவில் வெளியிடப்படும்.
உத்திசார்ந்த துறைகளைத் தவிர மற்ற அனைத்துத் துறைகளிலும் ஒரு தனியார் பங்களிப்பு இருக்க அனுமதி வழங்கப்படும்.
► மாநிலங்களுக்கான கடன் வரம்பு 3% ஆக இருந்த நிலையில் 5% ஆக உயர்த்தப்பட்டுள்ளது 2020-21 ஆம் நிதியாண்டில் மாநிலங்கள் தங்கள் உள்நாட்டு உற்பத்தியில் 5% வரை உலக நிறுவனங்களிடம் இருந்து கடன் பெறலாம்.
மாநிலங்களுக்கு அளிக்கப்பட்ட கடன் வரம்பில் 14% மட்டுமே பயன்படுத்தப்பட்டுள்ளது. ஏற்கனவே ரூ.6.41 லட்சம் கோடியாக மாநிலங்களுக்கான கடன் வரம்பு இருந்த நிலையில் தற்போது கூடுதலாக ரூ.4.28 லட்சம் கோடி மாநிலங்கள் கடன் பெற வழிவகை செய்யப்பட்டுள்ளது.
கடன் வரம்பில் 3 முதல் 3.5% பெற எந்தவித நிபந்தனையும் இல்லை. 4.5% வரை கடன் வரம்பு பெற கீழ்குறிப்பிட்டுள்ள மத்திய அரசின் திட்டடங்களை மாநில அரசுகள் செயல்படுத்த வேண்டும். 'ஒரே நாடு ஒரே ரேஷன் கார்டு', மின்சார பங்கீடு, நகர்ப்புற உள்ளாட்சி அமைப்பு, எளிமையான வணிகம் எனும் நான்கு திட்டங்களில் 3 திட்டங்களை மாநிலங்கள் செயல்படுத்தியினால் கூடுதலாக 0.5% கடனையும் மாநிலங்கள் பெறலாம்.
ليست هناك تعليقات:
إرسال تعليق
நண்பர்களே.. வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.